19°C
23°C
東北風3至4級，後轉東風5級。
短暫時間有陽光。早晚有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 大帽山巴士站➡河背黑鑽➡光明頂➡大石路➡法國仔➡水管徑➡清快塘➡風門山➡深井➡深井東村➡大欖動物隧道➡大欖涌引水道➡油柑頭➡荃灣西單車徑➡荃灣西站 | ||
| 全長： | 30公里 | 需時： | 3¾小時 |
|
||
| 攀升：605米 | 下降：605米 | |
| 最高：227米 | 最低：0米 | |
風門山 - 位於深井以北的一個小山丘及聚水塘東北面，高226米，可經由水塘東北端或往來清快塘和深井的山徑循小徑前往。
於山頂有標高柱，可直望馬灣海峽，同時亦可欣賞到宏偉的汀九橋、青馬大橋和汲水門大橋，是觀看青馬大橋的好地方。
大欖動物隧道 - 是香港首條動物通道，位於大欖涌隧道內，於1998建造隧道時興建，這條位於三號幹線汀九段的動物通道（下稱「大欖動物通道」），整條隧員長70米圓形石屎管道，直徑1.8米。
建造的目的，是連接大欖涌隧道兩邊的山路，橫跨6條行車線，方便野生動物進出。
據當年的環評報告指，大欖隧道與元朗引道發展對自然生態的潛在影響，會使動物失去棲息地或受到滋擾，其中一項緩解措施就是興建一條野生動物走廊。
當初興建動物通道是讓野生動物橫越收費區時，避免危害動物本身及道路使用者之安全。
自啟用以來，漁護署亦只對通道進行過兩次監測調查。有從事生態研究人士指，這條動物通道的設計及選址不當，導致使用率偏低。
為了解本港首條動物通道的實況，有記者曾先後兩次親身到現場了解，看看這條動物通道是否能幫助野生動物過路，並嘗試尋找動物使用它的痕迹。
前往方法有兩個:
深井東村上清快塘新村方向三叉路落
深井東村上經維修斜梯落
上述兩個方法也需穿林。到達動物通道後並穿過後，可以在前面的維修斜梯上汀九引水道離開。
如拿單車，建議用汀九引水道前往，因為路線較明顯。基本上，動物通道內很乾淨，也沒有動物出入。
成日都抬車，今日見天氣麻麻又有D雨，就決定去玩下大山。 但當然唔會淨係大山咁單調，點都要去郊遊一下，所以就搵左個未去過GEE山 - 風門山，看個究竟。 最後奇雲仲帶路去探大欖動物隧道，真係悠閒遊都變探險遊。
一早約左華哥係大圍食個靚早再call van 上大山，奇雲就自己食完踩上去，好利害呀! 去到大山，見到好多師兄，係著緊甲set cam時。仲見到大富、星爺、村長、蚊神、馬田佢地都係踩大山。我要兩星期先踩到一次，又成日想踩多D新路，好耐冇跟大家一齊踩。 今次咁岩遇上就一齊踩。 今日天氣濕滑，一開始玩河背黑鑽過樹根位都有幾下跣到，玩得小心同慢左，不過安全第一。 玩大山真係好正，因為真係全踩路線，踩唔到GEE都只係因為技術膽量唔夠先要落腳。 河背頭段長期都濕滑，小心翼翼咁順利玩完。之後去到英個仔果段都好多技術位。 冇乜技術又細膽GEE我就落左好多腳。
到去到英國仔，難度降低返，岩我踩，但係一落返去河背石路段又開始要成日落腳，中途仲遇到個師兄，佢真係勁，有技術又好果段咁向前踩。 直到過左水池，去返平路段，依段對我黎講係最正，因為又易又可以快到，仲有D石位可以小小跳起，依個程度路可以叫做岩我level，玩得比較隨意。 好快就去到光明頂，又遇見到大導、九叔佢地。 係光明頂大休左好耐先出發，今次會逆大石路上返去。原來都幾好玩，都好多踩到，但要小心對頭車，不過今日一架都冇...哈! 之後決定係法國仔落，睇返記錄，原來有成年幾未玩過法國仔啦。今次再玩，真係玩唔掂，又濕又跣又斜，係咁落腳。 不過返去睇返原來同上次比已經快左好多好多。希望下次再玩係靚地可以試下落得會唔會好D。 九叔同ANT就飛JUMP，太強啦，唔同LEVEL~ 離開法國仔，踩水管路，又係好耐冇踩，今次跟住星爺落，大部份都玩到晒，應該係好過以前好多。最後落清快塘 - 喜香大休。
大休後就同大家分頭，我、華哥、奇雲就去風門山，之前都睇過條路點去，所以好快就搵到上山路口。 中途仲遇到ken 哥，影左張相。上山路都唔算難行，去到中段有段小密林，但路程唔長，好快就去到風門山。 風門山頂好開揚有標高柱，又係例牌影相打咭就走人。 落山有兩條路，一條係落深井沉殿池，另一條就係回頭路，睇過行返回頭路會易D同岩之後路程，所以就回頭落山。 好快就去到頭先上黎個路口，之後就係落深井食燒鵝gee路。 落深井依條路得奇雲行過，竟然華哥同我都係第一次落....依段路係onroad 路黎，中後段有石屎梯級。 不過難度唔大，只有其中一個S位梯係要推車過。不過行人好多，要控制車速同禮讓，必要時推車為上。 話咁快就落到深井開餐，今次又係食燒鵝飯，但很一般，因為比左唔靚部位我同唔夠熱。
食完，原本就係就咁踩去荃西站走人。誰知~奇雲問有冇興趣加料去下大欖動物隧道，問長問短後決定去埋。 但比想象中難，條路都唔係好清楚GEE路黎，應該係好少人行，更加唔好講話拎埋單車。 不過真係好彩決定去埋，因為去到大欖隧道口附近，真係幾靚景同特別~~而且條路好有探險feel~ 落返大欖隧道地面仲要行一D渠位，都幾過癮下~好快去到大欖動物隧道。 大欖動物隧道 - 是香港首條動物通道，位於大欖涌隧道內，於1998建造隧道時興建，這條位於三號幹線汀九段的動物通道（下稱「大欖動物通道」），整條隧員長70米圓形石屎管道，直徑1.8米。 這條動物隧道比想象乾淨很多，所以相信冇乜動物會行。一黎太人工化...全石屎，二黎太窄，如果有對頭動物都唔知點??? 一探動物隧道後就上返去欖涌引水道，踩落油柑頭，再去新起很短的荃灣西單車徑，最後踩去荃灣西站，完~~ 間中真係要踩下大帽山/芝麻灣/Bike Park，對踩車技巧會有更大增張，而且又可以享受下踩車速度感。
Relive Video
