第19日 基隆 - 台北
行程: 基隆=》野柳=〉富貴角燈塔=》淡水=>台北(松山車站起點)
住宿:茄子青旅
旅程最後一日,踩返台北 - 松山車站起點,行程會去最後一極 極北 - 富貴角燈塔。 一早6點半起身,同 同樣黎自香港嘅燿哥傾計,加埋旅店老闆請飲嘅cafe,傾到8點9先離開旅店。 落左樓下 麥當勞,食個早餐就開始最後嘅路程,離開基隆冇耐,好快接上沿海路段,又係超美的。有好多人係海水浴池內游泳,對住個太平洋黎游正。
中途撞上昨天的香港父子檔單車,他們都順利完成。 踩左一段路,去到野柳 - 火山地質景區,同兆康拎埋架戰車上去影。 過左野柳,就到富貴角燈塔,又係好靚嘅燈塔,雖然係平日但都有點遊人。
去埋佢,原定環台嘅6極都去齊 - 東南西北中高,好滿意。 話說lee個時候已經十分十分餓,求求奇食樹皮咁見餐廳就入去(其他都冇得㨂,得佢)。雖然好餓,但最後叫左半隻雞竟然食唔晒,皆因佢韌得好交關。噍佢幾百下都唔開,食蔗咁樣。雞可殺,不可食。 被隻雞Ko 左之後,帶住未飽嘅身軀上落坡,經三芝到淡水。 淡水平日都多人到爆,睇黎係遊客必到。我地就沿住 金色陽光自行車道踩返台北,一路2x KM 都是逆風,最終回到最初起點 - 松山車站。
高速公路有句話我很認同:「安全回家才是唯一的路。」 好感恩這19天都很順利~(^^)v 有開心有踩到悶嘅時候,但冇放棄嘅念頭~ 多謝我最愛的人s 無論係身邊還是途中的朋友,都是我力量嘅來源。
台灣真的很美,風景其次,美是遇上的人和事 這一個月在台灣嘅旅程,成為人生中重要回憶之一 完~