18°C
22°C
東至東北風4級，離岸間中5級。
大致多雲，日間短暫時間有陽光。晚上有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 礁溪➡三貂角燈塔➡龍門吊橋➡基隆 | ||
| 全長： | 87公里 | 需時： | 6小時 |
|
||
| 攀升：860米 | 下降：860米 | |
| 最高：271米 | 最低：6米 | |
第18日 礁溪 - 基隆
行程： 礁溪=》三貂角燈塔=〉龍門吊橋=》基隆
住宿：輕旅（好新 - 4月1先開）
旅程進入最後階段，今日踩去基隆，跟行程會去極東 - 三貂角燈塔。 一早6點半起身，執野就出發去附近食早餐。慢慢Hea 住食都8點先真正出發，今日沿海邊踩好靚，又唔大風，溫度又21-2度，真係好踩。
踩到11點左右到達，爬左個小坡 上到 三貂角燈塔，暫時去左嘅3個燈塔佢同國聖都靚，因為可以帶入，望向整個太平洋海景，無得彈～ 係燈塔係咁影相同係咁幫人影相。
之後落埋去觀景台睇，依個位望返燈塔同望海仲靚。 遇到深圳女仔順風車環台，好利害 又遇上一群賞花賞草行山團，帶我地睇平時唔留意嘅小花小草，仲講左少少比我地聽 台灣東北海岸真係靚，一邊一邊影。
踩到咁上下見到條自行車道 - 上網一search 先知有得單車過吊橋。咪走雞梗係入去踩下，點知 條自行車道異常咁正，又好踩又靚又有吊橋。
路上遇上了香港來嘅父子兵，分享下路上點滴，有共鳴。 係路上便利店book埋今日落腳旅店。大成告成～ 準備去夜市吃貨
