26°C
30°C
南風4至5級。
大致多雲，有幾陣驟雨，局部地區有雷暴。初時短暫時間有陽光。
| 景觀： |  |
||
| 體力： |  |
||
| 難度： |  |
||
| 路線︰ | 達仁鄉➡多良車站➡大武➡太麻里➡台東市 | ||
| 全長： | 72公里 | 需時： | 6小時 |
|
||
| 攀升：860米 | 下降：860米 | |
| 最高：271米 | 最低：6米 | |
第13日 達仁鄉 - 台東市
行程： 達仁鄉=》多良車站=〉大武=》太麻里=〉台東市
住宿：K2 Hostel
今日6點幾起身執野，7點出門口已經見到店主為我地準備好三文治早餐係門口張枱上。食飽出發去70公里左右嘅台東市，以為好碎料，點知唔係。
一出發無耐，架車又甩左次鏈，仲卡到好死下，攪到唔敢轉波啦今次。 唯有一波走天涯，今日沿路右手邊全是大平洋海景，係幾靚，但帶黎一個問題，就係強勁嘅逆風。加上有上有落嘅坡段，我認為比琴日壽卡吃力 踩呀踩，到左最美麗嘅車站 - 多良車站，好多旅客嘅景點，但可能陰天，一般般。係上邊食左個竹筒飯、滷蛋、燒豬肉腸同hand made 火龍果冰條 有氣有力又再出發，又係上落坡。不一會就落到太麻里，佢呢樹出名嘅特產我未食過 叫釋迦 嘅水果。有菠蘿味同牛奶味，同兆康share㨂左菠蘿味黎，都okay嘅。
去到離台東市11KM 左右，兆康架車爆軚，去附近到單車店話師父行開左，只好自己落手補軚，剛拆完出黎，有個阿水問我地係咪爆軚，我地答係，同話單車店老闆行開左，所以自己黎，點知佢話：我返黎啦，大家都笑到爆嘴 老闆叫鐵頭，間鋪都幾頹，工具極簡陋。但佢手勢幾好，仲講解下比我地聽同指出兆康條尾轆內膽太大嘅問題。佢仲叫我地去台東gaint 換左佢添 去到旅店冇人，所以去到giant 單車鋪，我就整返個轉波，順返完來個波腳斜左，可能墾丁囡囡整跌左定點。兆康就換返條幼野係後轆。
整好想走，發現我前軚都穿左漏氣，師父加返d防爆奶入去頂住先。（但好似仲漏) 入到旅店沖完涼，就踩去左台東夜市掃街捧腹而歸。 聽日行山線去瑞穗。
