環台第5日 : 上武嶺

第5日 上武嶺

行程： 清境=》青青草原=〉翠峰=》鳶峰=》昆陽=〉武嶺

住宿：麋鹿遇上松鼠

         一早天未光就出發上武嶺，早到想食早餐7-11都未開，要去間遠d嘅先有得食。 今日路線好簡單 - 不停爬坡，25公里嘅爬坡就到武嶺。中間停左好多次，攰到hihi，影相當休息。

         最後成功上到武嶺 yeah 落武嶺唔夠5分鐘就狂風暴雨，成身濕晒凍到痴根，加上迎下面黎嘅暴雨 + 車轆捲上黎嘅水花 + 大霧，真係乜叉乜春都睇唔到，最後係一個避雨位停。得到好心司機仗義車我地去最近7-11暖身（佢有工作在身），感受深刻，非常感謝佢。