蓮花山 三上三落 大石板 環半塘

喜香農莊 - 喜羊羊

蓮花滑梯

三上三落 - 開揚高位

離開大石板 - 過溪技巧位

講左4年，話要踩晒大山D路，而其中一條就係大石板 同 三上三落。今日終於會去啦，係大圍同david, 華哥食早call van 上大山出發。

話咁快就上到大山，天氣勁好，唔熱又乾爽，唯一不好係我副超爛左冇得戴。

係河背體驗徑入山

踩3分鐘左右去到分岔口，今次唔落黑鑽，而係踩上直昇機坪。

david 都好耐冇踩，今日比佢踩到夠..hehehe

直昇機坪

離開直昇機坪，就onroad 上蓮花山

係依個路口左轉上

路口合照

一路踩上，再踩落，入返山路，好快就到蓮花廢校

係蓮花廢校小休再出發

蓮花廢校打卡位 - 滑梯，上次N年前華哥sir 過落黎

繼續行程去清快塘，但今次唔落晒全條蓮花山天梯

而係落到中段，見到依個位，轉左入山路 (三上三落) 去清快塘

山路口合照

起初入山路段都有深坑

經過之前颱風同暴雨，多處都有塌樹

話明三上三落，當然要上....都幾斜，要老漢出擊。

三上遊啊~

推到你冇氣冇力踩 : )

上到平位小休

落左一段，加一段密密地林路後，出返開揚山路，值回票價

落返清快塘

係喜香小休

喜香 合照

綠豆沙 有臭草幾正~

大山遇到祖哥、小明哥佢地

大合照

同david合照

喜羊羊合照

又遇到村長、熊爺、星爺佢地

離開喜香去大石板，可以轉左/右踩返上斜，最後決定轉左踩多D offroad 路

有小部份路到抬車上

開始熱

向青龍頭方向繼續

去到十字口，向返大欖水塘方向走，這段路十分好玩

話咁快就出返onroad ，上一段小斜就去到亭位

青龍頭 同 清快塘 onroad 越野單車徑

單車合照

一陣會係度落，下邊轉左/右都係圓墩，中間條路就係去大石板

出發前合照

落左一段路，約4-5分鐘慢踩，就到達大石板

首次黎到大石板，黎條路都幾好玩，中間有個位推左車，睇返片應該行左手邊可以安全落

離開大石板，大部份都係緩上斜山路，最後尾出返石屎路，有2條路出，一條係落樹根似法國仔斜的路，另一條就係落梯。

出返石屎路

踩返去大草地後，就決定環個半塘

環半塘，今次都係未成功挑戰section 位，又望實左舊石.....

david 本身話自己踩onroad 怕我地等，其實仲好早大把時間

咁岩遇上毅行，但佢地早一日完成了

環塘推車位

最後決定係掃管芴走人

安全出返山

今次問華哥借電，試下買E粒

出返去叫個邪惡雞脾撈丁

正...隻脾幾好味

食飽同david 踩去屯門站

屯門站

屯門站 合照

今次踩大山旅程，諗返已經踩左4年，仲有好多大山路都仲未踩。對於我依D唔鐘意重複路線，鐘意周圍遊，入返大山踩到新路有新鮮感又開心~