南山古道南大嶼郊遊徑地塘仔郊遊徑法門古道

2023-07-09

南大嶼郊遊徑打咭位

青龍石澗 (南大嶼郊遊徑)

雙龍石澗 (南大嶼郊遊徑)

南大嶼郊遊徑另一打咭位

青龍石澗 (南大嶼郊遊徑)

今次華哥定行程，話想由梅窩出東涌，玩/浸多條澗，消消暑。

一早8點幾約左係中環碼頭等早上唯一一班入梅窩慢船。

係羅碼餐廳食過早餐，再去惠康買飽就出發。

天氣炎氣，先踩單車徑去南山古道入口。

睇左一陣地圖，最後搵到銀樹街入南山古道。

踩入麻布村搵到南山古道入口

南山古道入口

南山古道兩旁好多植物，遮蔭一流，但不停上網。

古道石砌成，一路向上走，但唔算辛苦。

一路上好快就到達古道出口，亦係南大嶼郊遊徑及鳳徑2段入口。

南大嶼郊遊徑

南大嶼郊遊徑 > 伯公坳 (約7公里)

踩過一段平路，再上一段梯級

第一次逆走都幾新鮮

小休一會

路旁都鋪左水管，都幾長~

唔記得講D乜咁開心~

到達雙龍石澗

立即降溫

水量不少，同時亦好清~

雙龍石澗打個卡

雙龍石澗

浸完水降溫後，繼續行程

離開雙龍石澗，越走越開揚，但向上踩唔算容易。

不久就到達下一條澗 - 青龍石澗

青龍石澗開揚景觀

青龍石澗

係青龍石澗又再浸水消暑

水比雙龍石澗更冷涼

浸到人都有D凍先離開

慢慢執拾行裝

青龍石澗

青龍石澗 - 奇雲爬高一點去探一探

青龍石澗 - 合照

離開青龍石澗，繼續走

上多一會就見到打卡位

南大嶼郊遊徑打卡位大石位

再向前走多會，又係另一開揚打卡石景

南大嶼郊遊徑打卡位

離開打卡位，之後經過青龍左澗➡南龍石澗，這兩澗水量都不多，沒有停下來。

直到到達鳳大南坑這水池位，就濕濕水洗個臉同浸浸衫。

離開鳳大南坑，很快就到伯公坳出口。

南大嶼郊遊徑半徑 - 伯公坳出口

伯公坳

係伯公坳向舊東涌道落東涌方向，去地塘仔郊遊徑。

地塘仔郊遊徑

由這去石門甲約3.5公里

地塘仔郊遊徑不停上上落落，唔算好踩。

接返法門古道，好快就落到石門甲村出返東涌，快快去食個晚餐。

是日晚餐，天還未黑。

南大嶼郊遊徑 - 老漢推

南大嶼郊遊徑 - 開揚

雙龍石澗

南大嶼郊遊徑 - 打卡位

南山古道➡南大嶼郊遊徑➡地塘仔郊遊徑➡法門古道

景觀：
體力：
難度：
路線︰	梅窩碼頭➡銀樹街➡南山古道➡南大嶼郊遊徑: (雙龍石澗➡青龍石澗➡青龍左澗➡南龍石澗➡鳳大南坑)➡伯公坳➡舊東涌道➡地塘仔郊遊徑: (鳳東飛流➡北天門左澗➡地塘仔澗)➡法門古道➡石門甲➡逸東邨
全長：	19公里	需時：	3小時