19°C
23°C
東北風3至4級，後轉東風5級。
短暫時間有陽光。早上稍涼，晚上有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 錦上路站➡天空之城➡錦上路站➡河背村➡河背水塘➡大欖隧道落山➡大草地➡環半塘Offraod➡細草地➡小欖山➡康輝路➡青山公路程(大欖段)➡大欖涌村➡圓墩北坑➡圓墩郊遊徑➡南坑排➡錦上路站 | ||
| 全長： | 46公里 | 需時： | 5小時 |
|
||
| 攀升：790米 | 下降：790米 | |
| 最高：237米 | 最低：0米 | |
小欖山- （英語：Siu Lam Hill），又稱141山或141號山（英語：Hill 141），是香港新界西南部的一座山丘，位於大欖涌水塘西南近小欖一帶，海拔141米。
小欖山山頂設有香港數碼地面電視廣播之輔助發射站（大欖涌141山發射站），服務大欖及小欖等地。
圓墩郊遊徑- 位處大欖郊野公園，由青龍頭出發，經過深井聚水塘，沿青龍頭引水道向上走，不久就抵達圓墩。圓墩原是一個村落，現已改作民安隊訓練營地。當局保留了數座圓墩村客家村屋，讓遊人懷緬昔日圓墩村的景況。
往後的路段大多是林蔭小徑，雖然大欖一帶都是以植林區為主，但不少的本土植物亦佔據一些地帶，為本地的生物提供食物。沿途除了欣賞植物之餘，不妨也留意一下身邊出現的昆蟲。
當山路變得開揚，走得更高時，可以欣賞大欖涌水塘一帶優美景色。走到圓墩郊遊徑的終點，可依著路牌走，到永吉橋附近的草地休憩場地。要離開這裡，有頗多不同的山路小徑可供選擇，但不少要花上個多小時的步程，一定要預留充足時間，避免日落西山後仍未走到出路。
圓墩村- 是香港一條鄉村，位於新界荃灣區青龍頭，為荃灣鄉事委員會屬下一客家村落，祖籍為嘉應州五華（舊稱長樂）；舊村位於荃灣青山公路青龍頭高達海拔230米的山上，現為民安隊圓墩訓練營，而一排古老圓墩村古屋則被保留，全村村民於1970年代搬到現時山下青山公路龍如路旁的位置，村口有牌坊，對聯：「逢迎遠近逍遙過，進退連還達道通」，全部14個字部首皆為辵部。
環塘- 難度較低，視為山地車入門路段。主要由一條約 17 km 環繞大欖水塘之路線（50% 石屎路+50% off road）+ 幾條支路構成一個越野單車徑網絡（亦會不斷拓展 / 掘新路）。
可從荃錦坳經 M9 （M9 亦屬於此單車徑），或大帽山郊遊徑（亦屬於此單車徑），或從大棠、黃金海岸、大欖監獄、青龍頭進出。
環半塘(Off-road段) - 一般指由吉慶橋大草地開始/終點，另一邊起點/終點為大欖涌水壩旁細草地。無論順環定逆環，路段都有幾個技術位，如果要成功踩過去都要一定技術，主要為上坡技巧及體能。
話咁快又兩星期，又到出車日。今次出車決定都幾多變數，先問david 踩唔踩到，想試下踩太平山、奇力山加歌賦山，可惜佢要返工。 之後米高問上唔上九徑山，興趣唔太大，因為一黎去過，二黎天氣仲係好熱，最後問華哥同奇雲去唔去，點知一個未決定，另一個大病初癒。 華哥原來早幾日病左，所以佢本身都決定自己單拖去環塘同圓墩。 聽完都OK喎...因為環塘會經過一個小山，就係小欖山，可以去攻埋依個頂順便郊遊一下。華哥就到時再決定一唔一齊上頂。 最後約左華哥係錦上路附近天空之城食早餐。 一朝早就起身，天陰有毛毛雨，搭火車去到錦上路，去到時雨已經停下來。 慢慢踩去天空之城 樂都冰室，原來都好多車友係度聚腳。一會華哥就到，叫左個醒神早餐，個美式漢堡蛋包都幾正。
食飽飽出發，踩返去錦上路站，去河背村上河背水塘。今次華哥帶路去睇下河背水塘浸水位，原來係賽道出口，好近好方便，水質唔錯幾好水，不過可能係早幾日落雨關係，未知平時係點。 再踩上河背水塘家樂徑入口，休一休腳就開始踩入越野單車徑，地面有少少濕好咬地，好快就到達分岔口。 係分岔口，有兩個選擇，一個係踩上田夫仔(元朗仔)再落大草地，另一個就係行河背舊路(已荒廢不在是越野單車徑)去大草地。 最後揀左後者，因為怕冇力要留力上小欖山，始於未去過穩陣點好。沿途路況都唔錯，但比起以前兩邊草密了，之後山泥傾瀉的路段也只能推過。 去到尾段一個落斜梯級技巧位，右邊已經廢左，因為好爛而且密左草了。只好撰左邊泥路同級邊落，華哥好順利就落左，我就落左少少就接到手把...哈哈~ 好快就上返onroad 踩到大草地。
休一會就離開大草地，開始環半塘，之前華哥成日話好多人都低估左環塘，因為佢地好多都係推過D section 位，唔係踩過去，有分順環同逆環section位都要過。 上次佢已經同奇雲踩過拍左一次片，亦踩過左。今次我都睇下自己過到幾多先。 先係起步位竹林打個咭，因為真係幾靚。好快就到第一個位，就係上樓梯，其實中間有斜路，踩到穩夠力問題不大。 之後落左梯，華哥話依個位係順環塘section 位黎，佢當然一野就成功啦，我就試左4野先得，睇片發現我成日坐死左係度踩。 跟住果個左彎上斜石位我就試左5-6次都失敗，放棄左，睇返片發覺又係坐死左，同講真未敢追踩，右邊感覺上踩落去會撞腳踏咁。 後面果D技術位冇咁難，但有部份都落腳，但懶冇再挑戰。係壩衝上去果個都上到，但冇轉返細餅，上左之後再上轉唔切波落左腳。 去到近細草地尾，華哥講起最後有新片講肥成教大隻仔初入山踩MTB，返去睇返都幾好睇。
去到細草地，見到十大高手，一齊坐下吹下水打個咭，話別後就準備上小欖山，轉右上大欖涌加氯房。 入邊個大叔係咁同我地講冇路架，華哥大嘆佢太少見識。剛準備進入山路，十大高手過左黎，原來我漏底左個頭盔，真係感謝幫我拎上黎!!! 沿住大欖涌加氯房外圍走，入口位路徑較密，但上一會就開揚起來。其中路線難度都唔算好大，但拎住單車上亦唔算輕鬆，幸好這段山路只需上幾十米高左右。 好快就上到電視發射站位置，這裡景色比較好了，可以望到開揚大欖涌水塘景。 再推多一會就到達141山頭，又稱小欖山，係山頂影飽影夠就下山。 下山路係清晰山徑，一直落就去小欖精神病治療中心，係汔水機前大休，最後經康輝路接上青公去大欖涌食晏。
係大欖涌食晏大休後，時間都黎到近3點。慢慢踩返上大欖涌水塘，睇返記綠對上一次踩上黎係2017年了。 一路上去到打卡位影下相，好快就到達圓墩北坑，上次天氣熱佢地有浸水，今日還好所以冇浸。 近圓墩北坑有個越野單車練習場，但真心幾難玩，如果玩到晒都真係幾勁~個"之"字梯同超斜jump，land位樹根黎....心諗玩野咩~ 抬上一小段山路，一路踩呀踩到達石屎路，亦即係開心時候來，由依段開始去到尾段圓墩高速路都好玩。 最後踩埋南坑排，飽晒~慢慢踩去錦上路返歸。好耐冇踩咁多路，成日推抬托山，今次踩到9成有多....正~ 仲攻到1個頂添...very good!
Relive Video
