notification icon

最低氣溫17°C 最高氣溫20°C 風勢東風4至5級,初時離岸間中6級。
預測Icon 大致多雲,有幾陣雨。

總瀏覽量

00288

大磡森 深坑瀝 分流頂 (紅牛路段)加入我的最愛

2022-11-13
路線地圖
景觀: view
體力: difficult
難度: lv
路線︰ 石壁水塘➡石壁水塘道➡羌山道➡狗嶺涌引水道➡羌山郊遊徑➡分水坳➡大磡森➡深坑瀝➡分流頂➡鳳凰徑第7段➡分流村➡煎魚灣➡二澳➡大澳➡東澳古道➡東涌站
全長: 37公里 需時: 4½小時
攀升:1066米  下降:1066米  最高:466米  最低:0米<br>海拔高度值只供參考 會因氣壓測量而有誤差
  攀升:1066米 下降:1066米
  最高:466米 最低:0米
路況:
 
山徑50%
鄉郊小徑10%
單車徑10%
碎石10%
菠蘿20%
坡度:
 
攀升 1066 (50%)
下降 1066米 (50%)
曝曬:
 
60%
A A A
A A A

大磡森 - (Tai Hom Sham) 高海拔466米,位於大嶼山大澳與分流之間的山脈,附近範圍劃入南大嶼郊野公園。 山頂有標高柱,只有一條確路線上,最方便是原路折返回郊遊徑。

深坑瀝 - 高海拔431米,,位於大嶼山大澳與分流之間的山脈,山頂是一支已倒冧的標高柱,是要原路折返的山頂,而且山徑都頗為陡陗。 往深坑瀝山頂的支路在地圖上是沒有顯示(即使有顯示的地圖其位置都不正確),支路在郊遊徑近山頂附近轉左前的位置,是路胚清楚的山路,如果感覺要爆林的話,很有可能是走錯路。

分流頂 - 高海拔241米,,位於大嶼山大澳與分流之間的山脈,是高原地形,又沒有標高柱,因此很難判定最高點的正確位置。沒有明確路線上頂。

今次壞車下整得返玩到,真係開心。
大磡森山頂

今次出車得我同華哥2丁友,係上次踩完後都發覺個seat post 落左去彈唔返上黎,今次出車好遲先check 車。 去到早一晚先攪,發覺完來屋企係冇叉/seat post pump,所以即係whatsapp 華哥問佢有冇叫佢帶比我。 去到當日,一齊係東涌食個早餐先。食完後就整車,拆左個seat post 出黎先知,原來rockshock 或者其他牌子都有個蓋cover住個打氣位。 冇工具拆唔到,只好踩去逸東邨單車鋪。去到單車鋪有工具拆個蓋,仲打返氣,點知都係唔得,彈唔返上黎。 單車鋪哥仔好好人,不停介紹我去其他單車鋪,最後落左去下邊村單車鋪,幫我試下加油,換油。希望黎啦,個seat post 彈得返上黎。 但再試下按返落去又唔得啦,最後老闆整多幾整又吸返D氣之類,成功用得返。十分開心 : ) 因為好耐先出得一次車呀~

石屎路段GEE越野單車徑
到達大浪灣營地

咁樣整完,時間都差唔多11點幾啦,唔洗諗,改行程搭巴士。點知巴士站人龍長到不得多,去大澳有幾百人排緊~嚇一跳! 所以又改一改搭11A,搭去石壁開始。今次踩紅牛路段,亦即係幾個山頭,包括大磡森、深坑瀝、分流頂落返分流。 成功搭到11點40分班車,但落車都12:20分有多~一落車就去對面石壁水塘打返個卡先起步。 過左立冬,天氣都仲係咁熱,好似有成30度咁。 踩石壁水塘道轉上一小段羌山道,見到大嶼山郊野公園個牌轉左入返引水道。沿住引水道慢慢熱個身先。 一路踩到狗嶺涌營地,本身想去埋狗嶺攻頂同嶼南界碑打咭。點知踩左落去後,見到好多人係度,仲有一部份漁記係度。 原來佢地帶一批義工係度修路,我地只好回頭返返上去。

上到依個位天氣由晴變陰加大霧
能見度大降,但清涼左好多。

推返上引水道後,咁快就有D攰,況態真係麻麻。踩返小小轉頭去羌山郊遊徑入口,準備上山,就這裡開始上大約要冮280米高左右到分水坳。 上這段路有部份係石砌梯級,中後段就以泥路為主都算平緩,一路上同華哥講話這段路落山應該幾好玩,因為踩得到又唔太斜。 又抬又推咁,休左2次食下糖咁,上到一個分岔口,左邊路係繼續上分水坳,右邊路就繼續羌山郊遊徑,去羌山坳,有機會的話可以試下行。 係度休埋上分水坳最後一次息,上到依個位天氣由晴變陰加大霧,能見度大降,但清涼左好多。上到80米高就到達分水坳,最後用左近55分鐘先到達。 上到分水坳就大休一下,左手邊就係紅牛路段往大磡森方向,右手邊就係靈會山方向。

大磡森頂好開揚
用左10分鐘左右上到頂,特然天清氣朗。

休息過後著埋甲就出發,一開始係一小段上坡,落返少少又上過,好快就見到去大磡森頂支路。 華哥唔去上攻頂打咭,只好單挑自己上去,上去時都幾大霧,大約上多40米高,行多500米左右就會到大磡森頂,沿途係以矮樹為主,中段有大亂石路。 都用左10分鐘左右上到頂,特然天清氣朗,唔同角度打左咭就走,免得華哥等太耐。 落山路約一半可踩,但會整花車鈴,我就冇乜所謂因為花開。落去會合返華哥,因為天清快快再影過相。 點知幫華哥影完到我又大霧返,真係時不與我。算數~~落山踩去深坑瀝方向,依段路幾好玩,有少少坑但唔算太深,路有幾多碎石下,但路況緩可以唔理。 好快就踩到深坑瀝前,打個咭就算,因為頭先攻完大磡森頂都小小抽,體能差左sosad。繼續落享受落坡快感,沿途只見一人。 落到一個睇片成日見到GEE位,真實都幾斜下,我就落唔到,推左落去。 直到去到近分流頂,本打算影張相留念,問華哥先知已經過左,咁就唯有繼續落山,落呀落~~落到手都軟,可能係按brake 按得太耐又緊張。 中途抖一抖手,最後落返鳳凰徑第7段分流方向啦,都算幾好玩。

去到分流路段打咭位
影返張先

繼續踩去分流村陳記食麵同飲野,今日狀態差中途有兩個留斜位都推過去,不過都好快去到分流陳記,啦啦聲叫返碗餐蛋麵食同叫杯咸檸7。 大休飲飽食醉後,時間都黎到近4點10分,快快踩返去,經過煎魚灣都唔記得原來有咁多推抬位,到達二澳後路變得平坦,好快時間大約5點10分就返到大澳。 買返支豆漿補給就出發,踩東澳古道返東涌,唔想係天黑踩咁多,所以盡量唔停,不得不提東澳古道泥路執靚得好多。 5:45左右就返到深屈,最後都係要入黑踩車,中途遇到RB師兄借光一齊踩返去。6點幾就返到東涌食個靚飯。 今次多得華哥神油幫手先頂到,依兩次出車都係抽果舊肌肉,睇黎要攪攪佢先得。又一次開心旅程~~~

相關影片(Related Video)

cover-youtube
大磡森 深坑瀝 分流頂 (紅牛路段)
cover-youtube
The secret Alpine MTB Trail in Hong Kong nobody knows about!
cover-youtube
Lantau Island ?️ 紅牛 MTB with Just for Fun Team 2021 0328
cover-youtube
GoPro HK MTB Channel : [精選] 10.2.2016 紅牛分流全紀錄


【 大磡森 深坑瀝 分流頂 (紅牛路段) 】
路線地圖


Back to Top

searchbtn
首頁 路線搜尋器 路線地圖 全港山峰 登入 免責聲明