notification icon

最低氣溫17°C 最高氣溫20°C 風勢東風4至5級,初時離岸間中6級。
預測Icon 大致多雲,有幾陣雨。

總瀏覽量

00216

長屻山 芝麻灣加入我的最愛

2022-10-30
路線地圖
景觀: view
體力: difficult
難度: lv
路線︰ 東涌站➡東涌道➡伯公坳➡牛塘坳➡長屻脊➡長屻山➡南大嶼山郊遊徑➡引水道➡貝澳➡芝麻灣(逆)➡十塱➡鳳凰徑第12段➡梅窩Bike Park入口➡梅窩碼頭
全長: 36公里 需時: 4¾小時
攀升:996米  下降:996米  最高:473米  最低:0米<br>海拔高度值只供參考 會因氣壓測量而有誤差
  攀升:996米 下降:996米
  最高:473米 最低:0米
路況:
 
山徑60%
樓梯5%
鄉郊小徑5%
單車徑10%
馬路20%
坡度:
 
攀升 996 (50%)
下降 996米 (50%)
曝曬:
 
50%
A A A
A A A

長屻山 - 高海拔443米,位於大嶼山塘福以北及鳳凰山以東,屹立於兩座高峰「鳳凰山」與「大東山」之間。


山頂有巨岩「長屻石」,長屻脊是一條比較冷門的山徑。雖然不是熱門行山路線,但其實官方都建有貫穿長屻山山頂官方行山徑,以及連接鳳凰徑及南大嶼郊遊徑。

 

芝麻灣越野單車徑:

香港官方15條越野單車徑其中之一:

  1. 清水灣郊野公園–釣魚翁越野單車徑 pdf
    -此越野單車徑不適用於星期日及公眾假期。
  2. 南大嶼郊野公園–芝麻灣越野單車徑 pdf
  3. 南大嶼郊野公園–梅窩至貝澳越野單車徑 pdf
  4. 南大嶼郊野公園–貝澳至狗嶺涌越野單車徑 pdf
  5. 西貢西郊野公園及西貢西郊野公園(灣仔擴建部分)
    海下至灣仔越野單車徑 pdf
  6. 石澳郊野公園–龍脊越野單車徑 pdf
    -此越野單車徑不適用於星期日及公眾假期。
  7. 大欖郊野公園(概覽地圖 ) pdf ( 詳細地圖 ) pdf
    –河背越野單車徑
    –小欖越野單車徑
    –大欖涌水塘越野單車徑
    –大棠越野單車徑
    –田夫仔越野單車徑
    –田夫仔北越野單車徑
    –清快塘越野單車徑
    –青龍頭越野單車徑
    –荃錦越野單車徑
早前中左covid,閉關休息左8日後,剛剛出關,總算完成到今日旅程。
長屻山頂 - 長屻石

早前中左covid,閉關休息左8日後,剛剛出關,個人都榭左好多,再加上三個星期冇踩,跌好多Watt。 但見到老闆開post 話黎近會上大東山,雖然知道體力未必復完晒,但咁難得都想試下。 對上一次都有試過上大東,果次有華哥同奇雲,但係去到門口就撞魚,一路都想等天氣好再去。 今日一起來就約華哥一齊食早餐,去到東涌已經見到好多師兄到達,同師兄們打個招呼,就同地鐵遇見GEE米高一齊去食早餐。 佢地3個對上上左吊燈籠同大嶼山-象山,兩條線都係推抬托GEE路線,但其實我都好想去,因為唔去就唔知幾時會再去..哈哈~ 同蚊神、華哥、米高食完早餐,恰巧老闆車隊剛剛出發,唔洗返轉頭就直接可以加入。

大東山?
南大嶼郊遊徑往南山方向

今次車隊好多人,接近30人多。一黎就先要沿東涌道踩上332米伯公坳。剛剛復完,唔敢太快,跟住老闆後邊慢慢踩,最後都成功一腳上到去,心諗狀態還可以吧,點知之後就GG~ 去到伯公坳,大家都停低大休,順道看看探探路,誰知今日有魚守住。最後冇法大隊只好踩芝麻灣同Bike Park。 大飛講起可以踩長屻山,其實經過上次經驗都諗過上唔到大東的話就Plan B去長屻攻多個頂,踩多條線。 米高興趣不大,最後我同華哥兩人上長屻山。

今日天氣極佳,能見度又高,可以望住鳳頂咁踩好正。
不一會就到達473米牛塘坳

上長屻山,先由推車上牛塘坳,頭段都係以石梯級為主,之後過左涼亭位,就開始有泥路可以踩到。 對上一次係由鳳頂上邊落黎,不過果次好大霧,乜都睇唔到。今日天氣極佳,能見度又高,可以望住鳳頂咁踩好正。 不一會就到達473米牛塘坳,係牛塘坳著PAD小休。 轉左入長屻脊,長屻脊是一條比較冷門的山徑,但並非荒徑,而是一條官方徑來,山徑兩端都有清晰路牌,只是沒有標距柱而已。 路況極佳,梯級以泥級為主十分好行。由牛塘坳去長屻山山頂頭段都以緩落山路為主,十分好落,最後只有一小段梯級上到長屻石。 係長屻石,亦算山頂打卡後,就準備落山,由長屻山頂落南大嶼郊遊徑,這路段十分好走,全程可落。大約2-3分鐘就落到南大嶼郊遊徑分岔口。 轉左就係接返去伯公坳,我地就行右邊繼續落引水道方向。這段落山路景觀開揚,以石梯級為主,不過都唔算易落,我就大約落到3成左右。 推下落下咁好快就落到引水道。

同長屻石一齊影
到我同長屻石一齊影

係引水道小休後就係引水道踩,向貝澳方向踩去,慢慢踩都好快就到達引水道尾。 有段引水道落貝澳offroad 路,都幾極下,半推半踩咁到達貝澳,這時大約1點半左右。 未餓所以決定踩返個逆芝麻去梅窩,未出發都同華哥講芝麻灣係我克星,最後果然應驗。 起初都仲幾有力,見到技術位都去上同過,直到去到接近芝麻大石前一公里左右,過技術位大脾大抽。 坐左係度休左成20分鐘先屈得返隻腳,坐係度果20分鐘食左蛋糕,power bar都仲有時間剩,好不容易舊肌肉先鬆返。 極慢速咁行上芝麻大石搵返華哥,係大石大休,有華哥GEE 鐵打酒加持後,可以繼續行程。 但係都唔敢再用力過技巧位或者上大斜,變左廢bird。

未出發都同華哥講芝麻灣係我克星,最後果然應驗。
起初都仲幾有力,見到技術位都去上同過,直到去到接近芝麻大石前一公里左右,過技術位大脾大抽。

幸好係大石位後,主要都係落山為主,所以都好順利咁去到龍尾,之後慢慢踩向十塱,飲返支可樂。 再出發,慢慢沿鳳凰徑第12段去梅窩Bike Park 5點落返梅窩碼頭,嘆返個下午茶。 最後搭6點船仔返中環。係中環碼頭離開後就踩去會展站,唔洗轉車直接返屋企。

相關影片(Related Video)

cover-youtube
長屻山


【 長屻山 芝麻灣 】
路線地圖


Back to Top

searchbtn
首頁 路線搜尋器 路線地圖 全港山峰 登入 免責聲明