notification icon

最低氣溫28°C 最高氣溫34°C 風勢南至東南風3至4級。
預測Icon 部分時間有陽光,有幾陣驟雨。初時局部地區有雷暴。日間酷熱。 酷熱天氣警告

總瀏覽量

00725

苗三古道 荔谷古道 媽騰古道 烏蛟騰郊遊徑

2022-09-11
路線地圖
景觀: view
體力: difficult
難度: lv
路線︰ 烏蛟騰➡九担租➡苗三古道➡苗三石澗➡三椏涌➡三椏村➡山尾坳➡印洲塘郊遊徑➡荔枝窩➡梅子林➡珠門田➡荔谷古道➡分水凹➡媽騰古道➡亞媽芴➡烏蛟騰郊遊徑➡烏蛟騰➡新娘潭➡涌尾石澗➡新娘潭路➡鹽灶下村➡沙頭角公路➡粉嶺站
全長: 33公里 需時: 3½小時
攀升:522米  下降:522米  最高:259米  最低:0米<br>海拔高度值只供參考 會因氣壓測量而有誤差
  攀升:522米 下降:522米
  最高:259米 最低:0米
路況:
 
山徑60%
樓梯5%
鄉郊小徑25%
馬路10%
石板路30%
坡度:
 
攀升 522 (50%)
下降 522米 (50%)
曝曬:
 
50%
A A A
A A A

苗三古道 - 處於吊燈籠與橫嶺之間,接駁上苗田及三椏村的一條古老道路,上坡比例不高,亦設補給點。
兩山之間的最高山坳位置(海拔110左右)於上苗田以西300多米處,此路線樹蔭指數高,岸邊生物多樣化,不難在岸邊找到招潮蟹及赤紅色岩石。


若由烏蛟騰進入
左路(犂三古道):經犂頭石至三椏村
右路(苗三古道):經上苗田、下苗田、三椏涌至三椏村

走(苗三古道)為較低的山徑,比起走(犁三古道)為較高的山路 到三椏村,原則上要多走一公里路。但由於犁三古道是依吊燈籠山而建,比苗三那邊高50米。
若雨天後,苗三古道時有水浸,需要涉水,建議選犂三古道。

初段九擔租與上苗田之間較開揚,可以遠眺東北地區的最高峰吊燈籠。

中段會進入上苗田,亦是到了苗三石澗的河谷,經過苗三石澗,馬上是林蔭蔽日,加上流水潺潺,份外清涼,古道石砌的部份雖然有點殘破
,卻另一有種古樸味道。沿路前行約五百米,路旁有數間只剩下牆垣的破屋,這便是下苗田。

尾段是苗三石澗的出海口,便是三椏涌。那裡的地質跟東北海岸一樣是紅褐色的沉積岩,型態古怪,鮮艷奪目。

苗三古道景點:
景點1︰九担租紅葉
景點2︰三椏涌岩石一億年歷史
景點3︰三椏村客家美食 : 客家午餐大有選擇,合益蜂場/綠悠遊山莊/福利茶室/源興食店


犁三古道 - 依吊燈籠山而建,從烏蛟騰開始走上山腰,接駁犂頭石及三椏村的一條古老道路,上坡比例較高,樹蔭指數低。
一路上也有好幾道山溪,但是酷暑中只有兩道山溪水沒有斷流,路徑比走下苗田要短要快。
此古道是其中一路線去上落吊燈籠。

 


荔谷古道 - 是連接荔枝窩與谷埔之間的古道,上落幅度平緩,大部份路段都有樹蔭,及部份路段由大石砌成。
由荔枝窩空地廣場開始,去到谷埔岸邊大約是4公里,係昔日村民往來東和墟(現沙頭角)嘅主要道路。

荔枝窩是一條超過300年歷史的客家圍村,建有風水圍牆,為慶春約七村(荔枝窩、鎖羅盆、梅子林、蛤塘、三椏、小灘及牛屎湖)中最具規模同保存完好嘅村落。
沿途可看到的紅樹林和泥灘、銀葉樹、白花魚藤、巨樟樹、巨秋楓樹等,風水林等。
荔枝窩村內還有兩座相連嘅廟宇「鶴山寺」(觀音廟) 同「協天宮」(關帝廟),為七村村民共同參拜嘅地方。廟旁還有1927年建成嘅「小瀛學校」,為當時七村內唯一提供基礎教育嘅學校。

谷埔村包括新屋下、一肚、二肚、三肚、四肚、五肚、老圍及田心,是最雜姓的客家原居民村落。
包括早期的宋、楊、鄭,其次有吳、張、曾、何、李,每一個「肚」為一個姓氏,當中以姓宋的人數最多。
村內有一座已經有90年歷史、獲評為三級歷史建築嘅「啟才學校」。
地理方面,谷埔臨迎沙頭角海,村外有一大片濕地和紅樹林,是鷺鳥的棲息地。


媽騰古道 - 烏蛟騰至阿媽笏一段被稱為媽騰古道,此古道其中一用處是烏蛟騰村民揹負農產品往沙頭角東和墟賣出。
現在古道上可以找到一塊<創修荔枝窝村直達東和墟大路小序>,上書修路主要因為此路段難於步行,為方便村民而修建此路。
碑上可見捐款者主要由各村鄉紳贊助,曾,黃二姓佔有的比例較多。

古道有部份路段鋪上工字形石,此為古時的原有的鋪路方法,加上石塊昂貴,工字形可以節省成本。


烏蛟騰郊遊徑 - 位於船灣郊野公園內,屬一條短線郊遊徑,官方長度只有2.4公里,約需1.25小時完成。
路線途經桅尾嶺、減龍嶺,中間會經過烏蛟騰山火瞭望台,旁邊有一個烏蛟騰郊遊徑觀景台,亦是全程最開揚的地方,可遠眺吊燈籠、馬頭峰、八仙嶺、黃嶺等。
路況大部份都是大石階梯,上山一段是緩坡上斜,梯級比較疏落;落山一段則比較斜,梯級也比較密。

烏蛟騰原名叫烏龜田,但因為烏龜帶貶義,村民後來以烏交代替,於村內還可找到烏交田的刻字。

第一次踩苗三古道同烏蛟騰郊遊徑,滿滿新鮮感同大滿足。
三椏涌 - 地質跟東北海岸一樣是紅褐色的沉積岩

話說天氣仲熱,華哥佢地話踩條有澗浸路線,我當然跟啦。 今次踩烏蛟騰,會行下路亦即係苗三古道,平時多數都係行上路亦即係犁三古道。 上路會比走下苗田要短要快,所以好多時都係行上路,我自己就未行過下路,所以都幾期待下。 今次我、奇雲、米高同華哥先係粉嶺食個早餐。之後就懶鬼決定call van 直入烏蛟騰。 蚊神就係烏蛟騰直接等我地,係車度中途都見到蚊神踩入去。

經上苗田、下苗田
三椏涌去三椏村

一開始慢慢踩由烏蛟騰進入,去到過左木陣,今次行右路(苗三古道):經上苗田、下苗田、三椏涌去三椏村。 初段九擔租與上苗田之間較開揚,係落梯前大家都著甲帶PAD,苗三古道都幾多技術位幾好玩下。 中段會進入上苗田,亦是到了苗三石澗,天氣炎熱,岩晒我地。 係石澗浸左好耐D水好清涼,爽夠先肯走人,離開石澗,好快林蔭蔽日,古道石砌的部份雖然咁多年,但都保存得好好。 好快就去到下苗田,路旁有數間隻剩下牆垣的破屋就係。 尾段是苗三石澗的出海口,便是三椏涌。那裡的地質跟東北海岸一樣是紅褐色的沉積岩,這段不好踩要推車過。

係合益午餐,叫左半隻雞
苦瓜等...都幾正~

好快就到達三椏村,係合益午餐,叫左半隻雞,苦瓜等...都幾正~苦瓜仲要係當地種。 離開三椏村,經過山尾坳向荔枝窩走,中途會經過荔枝窩觀景台,平時次次去都冇上去。 今次見大家係度打咭休息,決定上去睇一睇,上到去冇咩特別,景色亦未見特別開揚。 沿海邊小路繼續踩,好快就到達荔枝窩。係荔枝窩遊下遊下睇下野踩下車又打下咭咁休息。 之後繼續上路去分水凹,一條係右手邊荔谷古道,另一條就係左手邊先去梅子林再接返荔谷古道。 我地就行左手邊,因為緩D同可以踩多D。先踩上梅子林,小休一會再推抬上珠門田。 再小休接返荔谷古道去分水凹,係分水凹大休。

又打下咭咁休息
小瀛故事館

對上幾次黎都係落荔谷古道去谷埔,但今次就轉左上亞媽芴。 分水凹上坡依段幾有挑戰性,平時睇片成日都見到黎黎去去都係得一兩個踩到上去,對腳力同平衡力都好講究下。 今次我地輪住挑戰,打頭陣係華哥,果然有料到,比佢一野就上到去,不過佢都出盡力咁。 之後奇雲、我同米高試,原來連去到第一個樹根位都唔係咁容易,真係要苦練先得。 挑戰左幾次都係咁上下之後就上到上邊停機坪,依段路叫媽騰古道,故明思意就係烏蛟騰至阿媽笏一段。 古道有部份路段鋪上工字形石,此為古時的原有的鋪路方法,加上石塊昂貴,工字形可以節省成本。 一路向上推到約250米的阿媽笏。

上分水凹
分水凹

繼續踩就會接返烏蛟騰郊遊徑,依段山路幾好玩,因為都幾闊,不停落坡落到手軟, 中途見米高停低係水池邊洗臉,我都停低休休同降溫,再落好快就落到烏蛟騰。 之後我地踩去新娘潭,再到涌尾石澗浸水爽皮下。 浸到夠皮近天黑才離去,由新娘潭路接鹽竈下村,出返沙頭角公路到粉嶺站,完。 一次浸水之旅,天氣熱有水浸真係好好多,加上第一次踩苗三古道同烏蛟騰郊遊徑,滿滿新鮮感同大滿足。

相關影片(Related Video)

cover-youtube
苗三古道
cover-youtube
烏蛟騰郊遊徑


【 苗三古道 荔谷古道 媽騰古道 烏蛟騰郊遊徑 】
路線地圖



【 苗三古道 荔谷古道 媽騰古道 烏蛟騰郊遊徑 】
路線GPX下載


0%

searchbtn
首頁 路線搜尋器 路線地圖 全港山峰 登入 免責聲明
AppStore PlayStore MSStore