19°C
23°C
東北風3至4級，後轉東風5級。
短暫時間有陽光。早晚有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 沙田坳道➡獅子亭➡吊草岩➡大老山古道➡麥徑5段➡基維爾營➡麥徑4段➡尖尾峰➡打瀉油坳➡麥徑4段➡茅坪坳➡大水井古道➡茅坪新村➡西貢市中心➡菠蘿輋路➡ACTV➡麥4➡LG Bypass➡龍尾村路➡竹洋路➡木棉山➡Trout➡Leker Smoked Trout➡西沙路➡井頭➡馬鞍山➡大圍 | ||
| 全長： | 40公里 | 需時： | 4¾小時 |
|
||
| 攀升：940米 | 下降：940米 | |
| 最高：463米 | 最低：0米 | |
尖尾峰 - （Tsim Mei Fung） 位處西貢黃牛山的西南面，海拔高385米，喺沙田區同西貢區，附近範圍劃咗入馬鞍山郊野公園。
可分別由北面近石芽背、東面或南面近麥理浩徑標距柱M092的小徑上攀到達，登峰一段山徑的植被稍為茂密。
木棉山 - （Muk Min Shan） 位處西貢西南面，海拔高284米，喺大埔區同西貢區。
沿石屎路往上走，可連接麥理浩徑四段。
走到一個被紅漆塗污的竹楊路路牌,旁邊有一條小徑，走入去見到一座看似發射站的無名字建築物及一個山火瞭望台，沿鐵絲網往前走,便到了木棉山山頂。
大水井古道 - 保存良好的石砌古道，全長約1.5公里，山徑非常清晰。途中經過一間伯公廟宇，古道一邊連接上馬鞍山郊遊徑，另一邊接上北港古道。
這段小徑全是石砌古道，一直延伸下至大水井，故被人稱為大水井古道。
由於全程下走，加上景觀開揚，可俯瞰西貢景色，故走來倒也輕鬆。途中經過一所伯公廟，維修得不錯，似乎仍有信眾到來保持香火。
LG Bypass Trail - 黃竹洋至龍尾一段石板古道，初段比較平緩，中後段多彎較斜，全段路線以下降為主。
Rainbow Trout Trail - 西貢木棉山以北一段荒徑，以前是作為黃竹洋村至水浪窩出入路徑，後經有心人修輯一番，以高速DH為主，長度較短。
Leker Smoked Trout Trail - 西貢黃竹洋分叉路口至企嶺下老圍一段小徑，路況多石，因為長期光照不到，令石面滿怖青苔及濕滑！
今次出車得我同華哥，奇雲就要同一眾師兄去青山覆診。 華哥好早就講定想去玩下獅金鷹，即係獅子山、金山加鷹巢山，當中有一段我都未玩過就係尖沙徑，都想試下可玩度如何。 一早係大圍同華哥食個早餐，就CALL VAN出發上獅子亭。上山途中已經見到爺爺踩住架ROAD BIKE上緊山。 去到獅子亭一落車，點解會咁多警察守住獅子山上山路線。可能因為今日係特首選舉，得一個人去選都唔會選乜....算!! 唔講政治野~ 正正因為封左上山GEE路，同華哥傾下有邊度好去，最後決定不如去玩下有萬里長城之稱GEE石板路，即係麥徑5段，再踩大水井古道落西貢。 最後就玩最近西貢近木棉山GEE新DOWN HILL路。
先離開獅子亭，慢慢踩上去觀坪路口，中途遇返阿爺一齊踩傾下計咁，好耐冇見阿爺踩/同佢踩車，因為KILL 標PROJECT，加上雙週先踩一次， 有機會都真係要跟團踩返下。一齊踩到觀坪同阿爺話別後，我同華哥就試下踩大老山古道，依條山路我都係第一次踩，原來好正好方便。 先講路況，佢算係好平緩，踩到8-9成。最正係佢出口位係接返麥徑4段基維爾營方向，可以慳返一段抬車路段。 不過條路都係比較陰森，都有D青苔要小心。好快咁就踩到去接返麥徑路段，依段出基維爾營山路之前都玩過兩三次。 今次踩得比以前順，路都算好多踩到，好正好快咁就出返大路接去基維爾營。
進入基維爾營路段，即係麥徑4段黎，一開始好多梯級路段，落都落到手弱。 離開梯級路段，推上一小段後進入萬里長城石級路，依段石級不停上坡，真係要好有耐力先可以踩得晒。 之前試過倒轉玩落就真係好正~去到麥理浩徑標距柱M092附近，有條山路可以上去，果度就係尖尾峰。 上依一段山徑的植被稍為茂密，得我一個上去，上到去景色好開揚。打完咭就落返去繼續踩，依段路都開始好踩，一路去到打瀉油坳。 係打瀉油坳小休後，就向茅坪坳方向前進，依段落山路都激激地，好多大石頭，要揀岩路先可以順利落到，一直上上落落咁去到茅坪坳。 因為係茅坪坳前休息左，所以唔休息啦，直接就落北港古道，再轉左接上大水井古道。 大水井古道 最記得當年同DAVID踩，果時我仲係用硬架，佢就借左架軟架車比我落，嘩.....不得了~~好好落好好玩。就係咁就成功毒我。 從此搭上踩山之路。 講返大水井古道，的確係幾適合新手入門，佢坡度算緩，但係又唔洗點踩，有少少難度得黎又好好玩。技術同體力好一腳落晒唔係難事。 好正咁一野唔休息咁落晒成條古道，離開茅坪新村，落梯去西貢開飯。
食完飯後，就先由菠蘿輋路踩返上去，沿途經過好多西貢村，去到過左隔坑墩轉左有條入山路 - 叫ACTV，以前唔踩佢就會直接落左去，要再抬返車上黎。 依條ACTV路就可以接返麥徑，條路好好踩，係好正OFFROAD路黎。接返麥徑4段，再踩出黃竹洋村，行一段竹洋路係右手邊入返麥徑。 入邊麥徑後，一直踩留意左手邊，係竹樹林有一個明顯入口，這條路叫LG Bypass，係一條DH路，一直落到龍尾村路。依條路唔易玩，又斜又多石，而石面都有唔少青苔。 所以唔係好玩得掂，都落左好多腳。小心翼翼咁落，最後落到龍尾村路，休息左一陣，就開始踩返上竹洋路，都開始冇乜力啦，上返段斜都幾用力。
慢慢咁踩上，接返麥徑路段，繼續踩上，去到分岔路口，轉右上木棉山。上去打下咭KILL下標。之後就落返黎轉右，進入新路 Trout。 依條西貢木棉山以北一段荒徑，以前是作為黃竹洋村至水浪窩出入路徑，後經有心人修輯一番，以高速DH為主。這段Trout 路好順暢好好玩，沒有甚麼難度。 但之後分岔口左轉就係Leker Smoked Trout，右轉就係Rainbow Trout。今次只玩了Leker Smoked Trout。這段路又係黑鑙之上級數，好多技術位同路況都幾跣。 中間我都落左唔知幾多腳，去到接近尾段，華哥已經提示小心，但我就冇理繼續去，最後級左車。好彩冇乜事~~ 炒完休息左陣再出發，點知落多陣已經係出口了，真係臨尾香。 出口位係引水道，要推返一段石級落返西沙路。踩返西沙路，見時間仲早就提議去井頭村食個靚TEA。 雖然餐廳改左名，但質數都幾係幾好~~食一頓美食後，一齊踩到孖橋後，各自歸家。
Relive Video
