24°C
28°C
南至東南風2至3級。
大致多雲，有幾陣驟雨，局部地區有雷暴。稍後驟雨增多。
| 景觀： |  |
||
| 體力： |  |
||
| 難度： |  |
||
| 路線︰ | 坑口站➡半見村➡五塊田➡上洋山➡下洋山➡廟仔墩➡釣魚翁➡釣魚翁越野單車徑➡大坳門士多➡坑口村➡鴨仔山➡少女峰➡寶坑徑➡蓮苑徑➡衛徑W029➡大上托➡井欄樹➡清水灣道➡安秀道➡寶琳路➡曉光街➡協和街➡觀塘站 | ||
| 全長： | 30公里 | 需時： | 4小時 |
|
||
| 攀升：1219米 | 下降：1219米 | |
| 最高：399米 | 最低：0米 | |
釣魚翁 - 海拔為345米，（英語：High Junk Peak） 是香港的一座山峰，位於新界東南部西貢區清水灣半島上，為清水灣郊野公園的一部分，地質為火山岩 。
釣魚翁為清水灣半島最高的山峰，北接廟仔墩，南至田下山。
從山的北面看釣魚翁，山峰尖削。因此它與西貢半島蚺蛇尖及屯門區青山合稱為「香港三尖」。但於南面望上山頂，山峰則變得渾圓。
跟香港很多山峰一樣，山頂上設有一個三角測量站。雖然海拔不算高，但於釣魚翁山頂，遊人可360度鳥瞰四周。
東面可見到郊野地區，包括牛尾洲、滘西洲、吊鐘洲、相思灣、平托坑山、大嶺桐、清水灣、釣魚台和石尾頭等；南面可望田下山，以及東龍洲及藍塘海峽海景；
西面可見到市區，包括鐵篸洲、佛堂洲、將軍澳工業邨、日出康城、百勝角、將軍澳海灣，以至對岸的柴灣、魔鬼山和照鏡環山等；北面則可見廟仔墩、下洋山和上洋山等山峰。
有遊人於釣魚翁頂三角測高柱提下詩詞：「舉頭望碧空，俯首白雲中；蒼海填垃圾，苦煞釣魚翁。」將翁頂的景致描繪得栩栩如生。
廟仔墩 - 最高點海拔333米，（英語：Miu Tsai Tun）是香港的一座山峰。它位於新界東南部西貢區清水灣半島上，北接下洋山，南至釣魚翁。該山峰得名自其東北面山腳的廟仔。它為清水灣郊野公園的一部分。
跟釣魚翁一樣，如要登上廟仔墩山頂，必須利用其山脊上沒有維修的山徑。山徑南北的兩個入口都為釣魚翁郊遊徑所經。
漁農自然護理署已於山徑入口處豎立了「懸崖危險，切勿前進」警告牌。廟仔墩的山勢沒有釣魚翁那麼險峻，部分的山徑亦處於叢林之間，景觀沒那麼開揚。
景觀主要為北面的上洋山和下洋山；東面的牛尾洲、滘西洲、吊鐘洲、相思灣、平托坑山和大嶺桐；南面的釣魚翁；和西面的佛堂洲、將軍澳工業邨、日出康城、百勝角和將軍澳海灣。
不過廟仔墩為觀賞釣魚翁的上佳位置，所以不少去釣魚翁的行山者也會順道連走廟仔墩。
上洋山 - 海拔250米，（英語：Sheung Yeung Shan）是香港新界東南部的一座山峰，位於清水灣半島北部，因山腳東部的上洋而得名。其南面為下洋山。
上洋山山頂設有香港數碼地面電視廣播之輔助發射站，服務清水灣半島、將軍澳及馬游塘等地。
上洋山亦為釣魚翁郊遊徑途經之處。
釣魚翁越野單車徑
這段山路全程約6公里，位於清水灣道。越野單車徑的入口處位於清水灣道的五塊田巴士站的停車場對面，沿山徑推石級而上就可以開始玩，但要注意的是這段路只限平日開放。
釣魚翁越野單車徑 - 官方地圖 PDF
鴨仔山 - （英語：Ap Tsai Shan/Duckling Hill），又稱魷魚灣山，位於香港西貢將軍澳坑口至魷魚灣一帶的一座小山。
原來由坑口村直指至鴨仔灣，但後來鴨頭和鴨頸被平整，成為了今日的富寧花園及厚德邨。
遊人可在此飽覽將軍澳坑口及寶林一帶景色，而北面可遠眺西貢海牛尾洲吊鐘洲。
少女峰 - 高海拔199米，位於「鴨仔山」以北的一個小山丘，兩峰一脈相連，級級而上，是將軍澳居民的晨運徑。
一處小平台就是少女峰的山頂，山頂沒有標高柱，但可眺望到整個牛尾海。
大上托 - 海拔399米，（英語：Tai Sheung Tok），又名過背山，是香港西貢區的一個山峰，約為九龍秀茂坪至新界井欄樹之間。
該山曾為香港主要的石礦場─安達臣道石礦場的所在地。大上托原來的高度為1,374英尺（419公尺），至少直至1974年仍然未變。採礦過後，大上托的高度減至399米。
在1924年的測量地圖中，可見大上托舊名的英文譯音為Chin Lan Chu，對照中文相信為井欄樹山。而於1968年的九龍半島地圖中，大上托則被標示為過背山Kwo Pui Shan。
按照目前香港區議會分區，安達臣道以東的大上托山坡、山頂及原石礦場範圍（安達臣道石礦場發展計劃（ARQ）範圍）均屬於西貢區，安達臣道以西的山腰下方（安達臣道發展計劃（DAR）範圍，
包括公共房屋安泰邨、安達邨等）屬於觀塘區。而自安達臣道發展計劃區域屋邨完工後，該區域普遍亦被分別視為四順及秀茂坪一部分。
本身復活節想踩個車，去下鷓鴣山、大上托再加少少山路，例如西貢古道同白水碗咁。 但最後整個復活節都冇出車。順延到今日。 係早一晚問左奇雲同華哥，佢地都OK黎到，奇雲就問起不如早上先踩個釣魚翁，同埋睇下上唔上埋山頂，因為原來我地都係未上過去。 當然都冇問題，出黎玩就係有唔同意見，盡量揀個大家都玩到又開心GEE旅程。 加上廟仔墩同釣魚翁山頂都唔帶車上過去，落黎又可以玩下釣魚翁越野單車徑落大坳門士多，依段路上網見過外國鬼仔玩好正下，都想試好耐。 最好決定玩完釣魚翁，晏晝食飯再大家睇下去邊。
一朝早約左係坑口站等，一齊食早餐後就出發，先去文曲公園放低幾兩。 扮完大小事項就起步，今次都係先由半見村上清水灣道，再去釣魚翁越野單車徑(五塊田)起點。 今日天氣好熱，有成30度，先推一小段上斜路就可以開始踩，釣魚翁越野單車徑頭段都係以上斜為主。 坡度都好大，以之字型咁上斜，中途不停貫串返行山徑，要一腳踩到上頂，無論心肺，腳力同耐力都缺一不可。 因為今日都大長途加上天氣炎熱，所以都唔會去盡。踩咁上下就抖下再上。 上到去平路位置，可以爽下啦，途中經過上上洋山同下洋山路口但都唔上去啦，因為都唔係今日主菜。 一路山山路都唔算難踩，但都有唔少技術位，有D位都要推上。好快就到達上廟仔墩的路口。 中分岔口約250米高推抬上333的廟仔墩，都唔算太難，因為路況都幾好唔密林。 去到廟仔墩山頂都好開揚，向前望就見到三尖之一 的釣魚翁，依個角度睇真係好尖下，好似把刀咁。
由廟仔墩山頂有一段斜路落山玩下，落返270米左右，都幾過癮，不過今日遊人都唔少，要分幾次都等下先可以落。 玩完一小段落山路又要上返344米GEE釣魚翁，釣魚翁山頂地方不多，有標高柱，遊人很多，所以要影相都好難避開影唔到人。 今日長期都有海霧，所以係山頂大部份時間都被海霧圍住，打完咭同大休後就試下落一小段山頂哥斯拉背路，其實可以落到的不超過20米。 不過睇過以前師兄影出黎好靚，所以都想試下。 離開山頂，頭段都落唔到，只可以推車落，直到去到中後段，山路變緩可以踩車啦，不過我GEE handler bar 有78cm 好多樹位都避唔到，撞左兩次BAR。 撞下撞下咁慢慢落，最後落返釣魚翁郊遊徑大路，左手邊就係落山越野單車徑啦。一開始行左大路落左梯級，原來越野單車徑入口係右邊的。 中段推返車落去玩返，爽皮~路況都好正。去到近尾段有兩個出口位，今次我地揀左落返士多，一心諗住落去買幾飲，點知佢冇開門...SOSAD~ 尾段條路都幾斜下，不過都玩到同好玩。有機會再玩要試返晒全段，同再黎要上埋上洋山、下洋山同田下山kill 埋D 標。
離開左釣魚翁，由馬路踩返出坑口，中途係士多停低買左罐野飲爽下。馬路出到咁上下見到左邊有條村路梯級可以落返坑口，就試一試~ 真係可以落返去，跟住就踩去坑口村食個靚飯。食完飯見都近三點就決定去少女峰、再經蓮苑徑上大上托。 出發先上鴨仔山，得百多米鴨仔山踩下推下咁上到頂，仲記得以前跟團踩，見其他師兄可以落到梯級好神奇。 3-4後家下我都落到啦....哈哈~~離開鴨仔山後就去少女峰，之前經過好多次都冇上少女峰。 原因好簡單，因為少女峰山腰有條好正GEE山路可以完美避開少女峰，所以一直都冇上去。今次點都要上下去打個卡完一完夢。 今次奇雲都一齊上，上去少女峰路都係以樓梯級為主，大約幾百級左右，上到去山頂影左陣相同小休，就CALL華哥，睇下邊度等。 華哥告知落少女峰路尾段好斜有近40-45度，所以同奇雲決定落返回頭路玩返一轉。 Join 返華哥之後就繼續出發，行一D山路去寶坑徑，其中幾段落山梯級都幾激下，成條路又上又落，花了不少體力。 一直踩到去小夏威夷徑不上，直去蓮苑台瀑布，係瀑布洗個臉洗下衫，因為已經全身都濕晒，D汗係褲都滴出黎。 離開蓮苑台瀑布，接上蓮苑徑，蓮苑徑有條好公整修好的梯級，旁邊就有原本山路，個人行開山認為山路本身都唔斜又好好行，整條梯級係有點多餘。 踩下推下咁完成蓮苑徑，其實有力係接近可以踩晒，同埋如果係玩落係十分正的。
離開蓮苑徑，接上衛徑，去到涼亭位就開以大上托之旅。其實黎到依度，我已經不在狀態，今日出汗太多，本身汗線發達，之前有次夏天出車後兩邊大腳同PATPAT比火燒咁。 完來係汗疹。今日都唔例外，流得太多汗，係上大上托尾段兩邊四頭肌都抽抽地，只好拉返鬆先繼續抬車。 大上托上山路段其實回望景色都好靚下，不過條路都係太人工化，如果可以就多多學習下日本或者其他地方建造郊野做法吧。 上到大上托山頂，反而冇乜景觀，不過支標高柱個基座幾高都有D特別。係山頂打完卡後就趕緊係入黑前落山。 山頂落山路都好正好好玩，一直去到分岔口，左邊係去龍窩山，右邊係去井欄樹。開始時我地都去左左手邊，但行到盡頭發覺見到引水道梯級就回頭，睇下井欄樹落山路可踩否。 落井欄樹路段都幾密林同難玩，好多位都要推車下。不過佢應該算係快落山路黎。 最後係天黑前成功落到山。接返清水灣道後，原來直落彩虹，但我一時心急轉左入安秀道，就係咁行耐左好多先落到觀塘站。完。 天氣開始熱啦，推抬路線的確不太適合，特別係大推大台路線，都係留返秋冬清涼先去玩。可能兩星期後又可以入下大山/芝麻灣之類踩多抬少路線吧~~
Relive Video
