24°C
28°C
南至西南風4至5級，風勢有時疾勁。
大致多雲，間中有驟雨及狂風雷暴。雨勢有時較大，稍後驟雨逐漸減少。
| 景觀： |  |
||
| 體力： |  |
||
| 難度： |  |
||
| 路線︰ | 兆康站➡良景邨➡良田坳➡茅園山➡乾山➡寶塘嶺➡一線脊➡西坑尾山➡大石墜谷➡靈虛谷➡靈鰲石澗➡萬壽嶺➡廈村交匯處➡洪水橋站 | ||
| 全長： | 15公里 | 需時： | 3小時 |
|
||
| 攀升：1448米 | 下降：1448米 | |
| 最高：390米 | 最低：0米 | |
茅園山- 高275米的一個小峰，軍用車路經過良田坳後，在運車路頂右手邊上就可直往茅園山，小徑走10分鐘便成。
凡經過良田坳的行人，皆同時經過旁邊的茅園山，政府地圖上並無標示，所以大眾所知不多。
茅園山雖矮小，景觀卻是很美，山頂是一塊大平地，是休息的好地方。
山頂上觀賞青山的角度很好，從蝴蝶灣至良田坳之間以及整個青山尖削巍峨的一面就在眼前，一覽無遺。
從茅園山北望，乾山登山的嶙峋小徑也盡現眼前，東臨屯門市鎮，西眺后海灣一個又一個的蠔排魚排。
乾山- 高海拔394米，又稱「良田山」。乾山及圓頭山位於屯門青山以北的兩座山峰。
路段為碎石砂路兼全程毫無遮蔭，對體能及技巧要求相當高。
而比起上山， 乾山的落山更具挑戰，砂石地形加上45度的坡度，真的上山容易落山難。
乾山去寶塘嶺途中會經扇貝石，可以影下相。
寶塘嶺- 高海拔292米，山頂沒有標高柱。而一線脊就在寶塘嶺的下方。
一線脊- 2018年前一線脊還是一條窄窄的路，但現在已風化到斷開，大約還有不足一米的闊度。
不過右邊還有山徑可以行過去，沒有信心的不要冒險走過一線脊。
西坑尾山- 高海拔342米，經過了3號旗杆就到達。山頂風景360度開揚，可觀賞青山，圓頭山。
大石墜谷- 與靈虛谷是位於圓頭山（靈渡山）西北一帶盤地內的沖蝕峽谷，與青山（杯渡山）以西的月牙谷和青松紅壑合稱「杯靈四谷」。
大石墜谷與靈虛谷通路眾多，欲探遊者可由上白泥、紫田村、圓頭山和乾山等地前往。谷中藏一碩岩，還有石室。
因屬於青山操炮區，並且非常之近軍營，閒日都有演練，只能於星期日及公眾假期前往。
靈虛谷- 與大石墜谷是位於圓頭山（靈渡山）西北一帶盤地內的沖蝕峽谷，與青山（杯渡山）以西的月牙谷和青松紅壑合稱「杯靈四谷」。
大石墜谷與靈虛谷通路眾多，欲探遊者可由廈村、圓頭山和乾山等地前往。途中會經靈鰲石澗，可以洗個臉。
因屬於青山操炮區，並且非常之近軍營，閒日都有演練，只能於星期日及公眾假期前往。
今日天氣晴朗，早幾次出車時華哥已經講過想去踩返次杯靈四谷，即係 圓頭山（靈渡山）西北一帶盤地內的大石墜谷和靈虛谷，以及 青山（杯渡山）以西的月牙谷和青松紅壑。 今次就會去大石墜谷同靈虛谷，其實路線前段同杯靈雙渡尾段好近似，分別係唔上圓頭山，而係去靈虛谷。 路程唔算長，但係都幾甘下，又炒車又踩/抬到虛。不過今次路線有靚景同夠新鮮，係幾過癮。
今次只有兩丁友踩，一早約左華哥係兆康站等，一齊食過早餐之後就出發。 先踩去良景上良田坳，踩到接近頂見到閔大人話踩緊第5轉，太利害啦!! 同閔大人傾左陣同影相就繼續上頂。 好快就上到良田坳頂，係頂著甲Set Cam大休後先出發，係山頂轉向右邊路口向茅園山進發。 路況由依度開始都以碎石、沙泥、幼沙路為主，有許多部份沙都好粉好跣~ 大約踩左十多分鐘就到達茅園山，山頂是一塊大平地，景觀很美。山頂上觀賞青山的角度很好，從蝴蝶灣至良田坳之間以及整個青山。
離開茅園山後，就向高394米乾山進發，上乾山都係指定動作抬車上，不過幸好唔算好高，推百多米就到頂。 係山頂見到一個師兄行杯靈雙渡想放棄回頭，但其實佢仲有水加上回頭路程亦只慳到少少里數，跟他說罷，他便決定繼續完成。 係山頂打左一陣卡又休息夠後，就落山，但山路好斜，砂石地形加上45度的坡度，真的上山容易落山難。 要推一段才敢踩落。離開乾山就去寶塘嶺，途中會經扇貝石，仲影左幾張相。 一路踩一路間時回望青山，景色真係好靚，望左邊青山腹地又係壯觀，望右邊樓景又另一番景致。
踩下踩下就到左寶塘嶺，山頂沒有標高柱。而一線脊就在寶塘嶺的下方。 一線脊比想象中闊多，所以抬住車過都冇問題，但當然冇信心的，可以係右邊還有山徑可以行過去，不必冒險。 係一線脊影下相後又上路。一路山華哥控車明顯比我好多了，他說要控住車速，不要太快不要鎖尾等等。 不過今日都係太緊張，好多時都拿多左後brake。 離開寶塘嶺就要上西坑尾山，山頂風景360度開揚，可觀賞青山，圓頭山。但我地不上右邊的圓頭山，而係去左手邊的大石墜谷。 大石墜谷這路段只見小貓6-7人，的確唔算熱門，但景色卻很美。係大石墜谷影左好耐相先離開。 不幸的事來了，就係炒車。炒車的位置係一個唔會炒的地方，是一個斜的泥坡，那時我未調好座位高度，沒有坐後。 一緊張就按死了前brake，不幸中大幸是沒有大礙。但之後路段緩坡都嚇怕了我。
離開大石墜谷，向靈虛谷進發，靈虛谷比大石墜谷更壯觀，很值得一看。但離開靈虛谷後，路況不得了，很多上坡，而且很跣。 花上很多體力，連華哥都感到有點吃力，更說:靈虛谷果然名不虛傳。慢慢抬一路去到靈鰲石澗，係間旁大休降降溫。 離開靈鰲石澗後，冇乜力了,用埋吃奶的力上萬壽嶺，心中目標只想快快完成飲可樂。 好不容易先去到萬壽嶺。非常幸運是萬壽嶺落到山腳的路段都算是可踩到的，非常正!! 最後落到港深西部公路完成，快快趣踩去食個靚tea。 又係辛苦難忘旅程，加上炒車，令我更加著重裝備(換軚,換brake皮)，技巧(例如放軚氣，姿勢等)，不可懶惰。 期待下次幾時會玩埋另外兩個谷!!!
Relive Video
