notification icon

最低氣溫28°C 最高氣溫32°C 風勢東風3至4級。
預測Icon 天晴,但局部地區有驟雨。日間炎熱。

總瀏覽量

00260

豬黃嶺 丫髻山 衙前山 龜山 南沙嶺加入我的最愛

2022-02-13
總瀏覽 259 次
路線地圖
景觀: view
體力: difficult
難度: lv
路線︰ 錦上路站➡天空之城➡元朗站➡東頭圍新村➡豬黃嶺➡大井圍➡丫髻山➡ 衙前山➡朗屏邨➡屏昌徑➡朗屏邨➡大井圍➡邊境路➡龜山➡尖鼻嘴➡深灣路➡南沙嶺➡深灣路➡天影徑➡天水圍➡元朗➡新田➡上水➡粉嶺站
全長: 53公里 需時: 4¾小時
攀升:633米  下降:633米  最高:121米  最低:0米<br>海拔高度值只供參考 會因氣壓測量而有誤差
  攀升:633米 下降:633米
  最高:121米 最低:0米
路況:
 
山徑40%
樓梯5%
鄉郊小徑25%
單車徑25%
馬路5%
坡度:
 
攀升 633 (50%)
下降 633米 (50%)
曝曬:
 
50%
A A A
A A A

豬黃嶺 又稱豬橫嶺或豬郎山,是香港元朗區北面的一座山峰,高度海拔52米。它位於元朗的元朗工業邨的中央。


髻山 (英語:Kai Shan),又名丫髻山,是香港元朗區橫洲北面的一座小山丘,高度海拔121米,它分隔了元朗工業園及天水圍新市鎮。遊客可以由朗屏邨巴士站旁的小路登上髻山,山勢雖不高但視野良好,可以遠望尖鼻咀及南生圍一帶的魚塘。
髻山上有多座屏山鄧氏的祖墳,包括一世祖鄧漢黻之「玉女拜堂」穴、四世祖鄧符協的「仙人大座」穴及由稔灣遷葬的十九世祖鄧夢月和其母陳氏之墓共四個墳墓。

 

衙前山 位於元朗區,海拔76米。
髻山和衙前山,分別121米高和76米高,可能衙前山太過矮小,又毗連髻山,
沒太多人知道其名字了,大家都統稱此處做髻山或丫髻山。髻山位處橫洲,在天水圍與南生圍之間,
上落山的位置包括接近元朗的朗屏邨、蝦尾村,或從北面的盛屋村出發,及工業邨路線。


龜山 高海拔71米,位於新界西北的尖鼻咀,位置比流浮山、天水圍北一點。
整個「尖鼻咀」坐擁后海灣,被濕地所包圍,而對岸就是高樓林立的深圳蛇口市。
龜山的名字由來,是因為其山形似龜殼;而尖鼻咀,則因山腳伸延入海中,形同象鼻吸水而被命名。
三百多年前,龜山搭有寮屋,為鄉民及行商的休憩處。當時,兩岸盛產甘蔗,經商也非常頻繁。
以前的外國人一般稱中國人為唐人,所以亦把龜山上的寮屋,命名為唐夏寮。
昔日的寮屋當然已不在,現今則以觀鳥亭代替,也取其名為唐夏寮。
龜山山頂被大樹緊緊包裹着,是觀察后海灣雀鳥的地方,故大涼亭刻意稱為觀鳥亭,而非觀景亭。

 

南沙嶺 海拔68米,位於新界西北,位置於流浮山旁,是行山和看日落的首選。到南沙嶺,一覽無盡白泥、後海灣、深圳灣大橋、深圳全景。

豬黃嶺 丫髻山 衙前山 龜山 南沙嶺
豬黃嶺 丫髻山 衙前山 龜山 南沙嶺

今日原定係同米高、挪威車手、華哥玩逆雞公嶺再去牛潭山。但世事又豈能盡如人意!! 我地約左係錦上路出發,先去天空之城一齊食個早餐。 華哥自己踩去,所以就一早到左,我都早左去到錦上路,所以都去搵華哥坐底食住等。 過左陣米高同挪威師兄都到達啦~ 挪威師兄係之前去南丫島踩都見過,不過佢唔認得我啦...哈哈~~ 挪威師兄佢有個youtube channel 係主要講踩山地車,都好多人like 同subscript,證明佢都好有心去做。 但最主要係佢夠膽係不同地方share,的確做youtube 如果要多人睇,特別係香港踩山地車黎講,要多人睇係唔易。 marketing 同宣傳確不可少,2022我都開始試拍片、剪片,的確係要好多時間去做。 所以對我黎講真心服各位拍片剪片車手。因為講錢的確搵唔到D乜。 係確確實實 GEE 愛~~

豬黃嶺 丫髻山 衙前山 龜山 南沙嶺
豬黃嶺 丫髻山 衙前山 龜山 南沙嶺

好啦~~講返正題!! 原定上雞公嶺去牛潭山,但天氣不似如期,keep 住落雨,所以我自己就唔係咁想上去啦~~ 一黎我能力未必玩到,玩到都冇咁安全都好玩,二黎咁辛苦冇景同靚相,對我真係冇晒吸引力。 所以我自己決定去下西北小山,華哥都有同感。但米高就好堅定,都係想照原定路線。 咁就分左AB團,A團食雞闖牛潭,B團食豬、龜、沙、髻、衙。 離開左天空之城,同華哥先去橫入邊一個小山,叫豬黃嶺。是香港元朗區北面的一座山峰,高度得52米。 它位於元朗的元朗工業邨的中央。要上去都要搵下路,去到東頭圍新村,我地先去左娛苑打咭。 之後搵到法定古蹟二聖宮,係二聖宮旁有條小路入去就係上豬黃嶺。 上豬黃嶺以石梯為主,旁邊有山路,但太多地雷吧,我同華哥都只好抬車上去。 好快上到山頂,冇乜景色,我地有探另一邊落山路,但中段太密,最後都係由原路落返去。

豬黃嶺 丫髻山 衙前山 龜山 南沙嶺
豬黃嶺 丫髻山 衙前山 龜山 南沙嶺

離開左豬黃嶺,我地就去最近人氣好高GEE髻山同好少人講GEE衙前山。因為最近有個單車公園正在建造, 叫丫髻Bike Park。 丫髻山,是香港元朗區橫洲北面的一座小山丘,高度海拔121米。勢雖不高但視野良好。 衙前山,可能衙前山太過矮小,沒太多人知道其名字。 今次上髻山,我地由大井圍上,這邊上山路大部份都要推抬車先可以。一直去到山頂位置,開始大雨同有霧,影幾張相就走人。 今次落山都幾冼下,所以好小心同好慢。去到只有76米高的衙前山,因為唔識路,所以直接落,冇去到新GEE丫髻Bike Park。 最後係近朗屏站的出口離開。

豬黃嶺 丫髻山 衙前山 龜山 南沙嶺
豬黃嶺 丫髻山 衙前山 龜山 南沙嶺

出返市區,先去搵飯食。 去返朗屏果邊食,食飽就出發去尖鼻嘴。今次華哥帶路,先去朗屏邨經大井圍,穿過好多漁塘,去到邊境路。 都好耐冇黎過,之前成日踩錯去左人地間屋,被狗追...哈哈。 一路踩好快就到達龜山入口。跟住華哥挑戰下踩上龜山,左手邊有條山路仔可以踩到,估唔到我都踩到上去,應該係肌力進步左。 不過轉左彎後都係要推上去,大約推幾分鐘就到達龜山山頂。 係山頂有個涼亭,影左幾張相。睇地圖發覺有另一條路可落山,係一條off road 路黎,頭段大部份都踩到,到去中段就比較密林要推下, 最後尾段又可以踩返,係地墳附近出口離開。

豬黃嶺 丫髻山 衙前山 龜山 南沙嶺
豬黃嶺 丫髻山 衙前山 龜山 南沙嶺

落左龜山後左轉,發現似廢車場加上入邊有狗,所以都係安全回頭出返深灣路穩陣。 係深灣路一直踩,過左沙橋村後,留意左手邊入口,有路可上南沙嶺。 之前上網睇片探過路,所以都唔洗點搵路。先直上,係左手邊會見到條斜泥路,真係幾斜同冼下,華哥都未能一腳到頂。 我都有挑戰下,就上得更低....哈哈~~ 上左斜路後就開始踩到下,路況都係幼沙為主,都幾跣下。 沿路景觀好靚好開揚,四野冇人,是行山和看日落的首選。 之後要抬一段路上南沙嶺,到達山頂可以一覽無盡白泥、後海灣、深圳灣大橋、深圳全景,非常值得。 係山頂休息享受下個美景,之後就係落山路,直行一小段,右手邊就係激斜落山路,華哥好堅咁直落,我就冇信心推左落去。 之後一直踩去接返上山路段,係左手邊上返山,繼續後半段山路,後半段全部都踩到,好快就玩完。 落返山中途比一批山羊攔路,影下相後就踩返出天影徑去天水圍,最後同華哥踩返粉嶺一齊食TEA。 仲遇返米高同挪威車手添。

相關影片(Related Video)

cover-youtube
【MTBFever - 山車瘋人院】 MTB路線 「豬黃嶺」 西北小山 + 隱秘小山│Chu Wong Ling
cover-youtube
【MTBFever - 山車瘋人院】 MTB路線 「龜山 尖鼻咀」 西北小山 + 隱秘off-road│Tsim Bei Tsui + Kwai Shan
cover-youtube
【MTBFever - 山車瘋人院】 MTB路線 「南沙嶺」 西北小山 + 360度絶美景色


【 豬黃嶺 丫髻山 衙前山 龜山 南沙嶺 】
路線地圖



最新山車遊記

返回頁頂
Back to Top

searchbtn
首頁 路線搜尋器 路線地圖 全港山峰 登入 免責聲明