| 景觀： |  |
||
| 體力： |  |
||
| 難度： |  |
||
| 路線︰ | 大山巴士站➡河背體驗經➡河背黑鑽➡英國仔➡光明頂➡大石路➡劏軚徑➡元朗仔支路上➡元朗仔➡大草地➡南坑排 | ||
| 全長： | 23公里 | 需時： | 2½小時 |
|
||
| 攀升：651米 | 下降：1116米 | |
| 最高：508米 | 最低：0米 | |
巨石路/大石路 - 2022年的大帽山新路線，起點位於大欖林道涼亭附近，鄰近法國仔 / 元朗仔藍線出口，還處於建設中，但路況十分好。因為賽道途中會經過一舊巨石/大石，所以暫時叫做巨石/大石路。係Strava App睇A.R.S.E - ANother Real Shitty ExerciseinTrailBuiling 就係依條路，起點高度387米，終點為300米，出口於河背近劏軚徑附近。全長約1.6公里。路況以泥路為主，以之字型下降，有多個髮夾彎，有上有落，十分好玩，難度跟元朗仔接近。
河背體驗徑 - 分長、短兩線。國際越野單車協會藍（Blue）及綠（Green）級。由漁護署、香港爬山單車協會、義工依國際規格建造，予新手合適環境體驗越野單車運動。
2011年，漁農自然護理署與越野單車團體合作，在大欖郊野公園越野自行車道河背段起點設置了一座越野單車體驗設施，設施參考了國際越野單車協會可持續使用路徑的規格建造，分為綠徑（適合初學者）及藍徑（適合進階技術人士），各長200米。2013年3月18日，位於荃錦坳入口附近、全長1.4公里的河背段越野自行車道新段開放，沿途設備跳台及碎石路等；該路段與行山徑分開。
河背 - 河背（大帽山越野單車徑 河背段新段）-- 國際越野單車協會黑鑽（Black Diamond）級，由漁護署、香港爬山單車協會、義工（包括大笪地會員）興建。
從荃錦坳管制站旁邊的越野單車體驗徑開始，連接至河背下陂路前數公裏處，以取代因嚴重水土流失之原來單車徑。
單向路段、狹窄、連續多彎下坡，需一定技術及經驗，新手不宜。
元朗仔 - 田夫仔北黑鑽段 一圈長約7.8公里，包括4.5公里總爬升達330米的林道爬坡，以及十多分鐘3.3 公里的高速off-road 下坡。
田夫仔北越野單車徑 -（黑鑽級），本港第二條黑鑽（Black Diamond）越野單車徑，工程名稱為「天門越野單車徑」，由漁護署、香港爬山單車協會、義工（包括大笪地會員）興建。與田夫仔北越野單車徑（藍級）共用同一入口，百多米後進入分叉路。單向路段、有密林狹窄及開揚碎沙石路、連續多彎下坡、旁邊是數十米山坡，必須具一定技術及經驗，新手絕不適宜。
話說上星期見到好多車友都Post 2022年大山新路出黎，新路個名就未定，但係見火神兄條片講叫巨石/大石路都唔錯，因為中途會遇到一舊好大巨石，都幾貼設。 今星期巧合遇上屋企做節，所以要早回家，入大山玩新路睇黎係最好選擇。 原本米高想去吊燈籠，確實唔夠時間，所以捥拒了。華哥咁岩又OK都想踩，就一齊去啦，而奇雲就早一日行山要睇下狀態，但最後佢先堅，行完黃嶺，仲要踩上大山巴士站同我地玩，服左你。 一早約左華哥係大圍食個靚早，之後就Call Van 出發啦。搭車上去中途見到奇雲好努力咁踩上去..勁!! 好快去上到大山巴士站，一落車人頭湧湧，好多師兄係度。
過左陣，奇雲都上到黎啦。慢慢著甲吹下水先。再慢慢set 下個gopro，對上兩次都拍到一pat 屎咁。 今次有經驗，加上華哥一齊研究一下，原來個扣係要倒轉插先可以調教到個cam 向上，再係巴士站做一次坐同企住踩測試，掂左!! 出發前仲見到光哥同佢D FD，每次踩大山總會遇到車友，一齊打左張咭就出發。 今次起步會踩好耐冇踩GEE河背黑鑽路段，對上一次原來係2020年尾踩，已經一年多前!!! 一開始踩河背體驗徑熱身，今次上唔到試驗之石，太廢啦!!之後玩到河背頭段，開始順返，比起一年多前係有進步到，基本石位都過到。 今次Calvin因為壞車，用返架26吋舊車玩，沿途聽到佢架車D切菜聲，都幾得人驚，但佢都過到晒，比著係我應該好多位都唔敢過。 河背黑鑽真係好抵玩又好玩，唔怪得玩極都唔厭。
一路落山，特然聽到前面好墟冚咁，原來係祖哥、小明、Honhon, DH仔、Michal、May姐，仲有兩位師兄師姐佢地，見親佢地都好開心咁一大班車友入山，好鬼熱鬧。 佢地原來停低個位係Mountain Walker，即係烏Sir 影相位，信相玩開大山車友都識佢，好有heart 差唔多每星期都黎捕捉車友踩車動態，影好多靚相。 今次換左位置，最後佢仲幫手影大合照添。過左河背頭段好快就去英國仔。得知牛丸上次炒左都幾傷要微創，意外有時好難講，今日南坑排臨尾都小炒左，好彩冇事。 英國仔開始又係好好玩好順，中途估唔到有郊遊人仕係度放狗狗，慢慢等佢捉實狗狗先過佢地，始終係郊野共融，大家都安全開心。 之後去蝦仔池前GEE石陣石，好多技術位都要推車過，一黎能力不足，二黎唔夠信心，華哥話慢慢keep 住踩可以過到，但我覺得好似快速D咁過安全D，未學識慢慢踩咁過。 過左石陣路，去到河背高速好好玩，今次華哥新買碼錶可以capture 到每次跳躍，都幾過癮咁，我係後邊都跟住試下細細咁跳下，好玩!! 好快就去到好熱鬧gee光明頂。
光明頂又遇到好多師兄同以前學初級山地車阿SIR，不過佢唔認得我啦。係光明頂齊人又影相後準備出發前，有行山人仕想落賽道，太危險啦!! 大家都連聲建議都解釋比佢地聽，落去有多危險。相信說語語氣最重要，內容道理都係其次，要佢地聽入耳，先要讓佢地知我地係為佢地好，而唔係話佢地。 最後佢地都明白行返上黎，叫做左件好事。之後大家離開光明頂，好快就踩到去梯口，抬完上梯，大家休息下同吹水，華哥示範endo 同wheelie，係利害。 上埋條斜路就去今日主角 - 2022新路 (暫時叫佢大石路先)。大石路起點位於大欖林道涼亭附近，鄰近法國仔，還處於建設中，但路況十分好。 因為賽道途中會經過一舊巨石/大石，所以暫時叫做大石路，起點高度387米，終點為300米，出口於河背近劏軚徑附近。全長約1.6公里。 路況以泥路為主，以之字型下降，有多個髮夾彎，有上有落，十分好玩，我地慢慢落大約8分鐘多D就落到連接河背出口，難度就跟元朗仔接近。
因為我要5點左右返到家，所以冇等齊人就走左，踩完大石路。就落劏軚徑，今次都係冇踩落去，雖然條路整靚返同順左，但心理未ready。 過左劏軚徑，今次轉左上返元朗仔中段，依條路真係好考上斜技術同體能下，踩到大腿都緊埋。 Calvin 今次用26吋舊車玩都小炒左，個尾架都甩埋出黎，不過人就完全冇事。 都好快就上到元朗仔中段分岔口，上次唔敢落果個位，今次跟住華哥落，內心好放鬆咁就落左，都冇乜技巧，順粹膽量，反而落左去亂石要控返架車。 Calvin 都順利落黎，去到大berm位又遇見返光哥，影張相就走人。今次落元朗仔尾段條路好靚，鋪返平好好落好順。 離開元朗仔，落大草地，最後決定係南坑排走人去701食飯。 南坑排又係成年幾冇玩，好多好窄石梯路今次都好順利咁落到。但點知去落到一個位要落右邊泥路，冇望清楚就直隊，前軚落左山炒左。 好彩人車都冇事，最後安安全全去701食飯。好耐冇好似今日咁可以全日都踩唔洗點抬車，原來又係幾正，玩得多應該唔會想再抬車....哈哈!!
Relive Video
