19°C
23°C
東北風3至4級，後轉東風5級。
短暫時間有陽光。早晚有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 海怡半島站➡海怡道➡利南道➡玉桂山配水庫➡假玉桂山➡利東商場➡玉桂山➡鴨脷排➡鴨脷排燈塔➡鴨脷排➡玉桂山➡利東邨道➡香葉道➡南朗山道➡南朗山➡黃竹坑站 | ||
| 全長： | 16公里 | 需時： | 2¾小時 |
|
||
| 攀升：862米 | 下降：890米 | |
| 最高：284米 | 最低：0米 | |
玉桂山 - （英語：Mount Johnston 或 Yuk Kwai Shan）是位於南區鴨脷洲東部的山峰，高海拔196米，是鴨脷洲島上的最高峰，位於利東邨以南，山形尖而圓。
山腰是利東邨、漁安苑和深灣軒，鄰近海怡半島、鴨脷洲邨和鴨脷排等地。
山徑陡峭崎嶇，碎沙碎石猶如輕量版的蚺蛇尖。鴨脷排位於東博寮海峽的中間，是鴨脷洲以南的一個附屬島，兩者由連島沙洲相連，其南端有一座198號燈塔。
連島沙洲長年累月受到海峽水流的沖積，現時除了颱風引發的超級大潮之外，基本上已長年露出海平面，成為一片真正陸地。
玉桂山有三條主要登山徑，都是由利東巴士總站開始，穿過幾條樓梯和一條藍色水渠後，便會到達一條通往鴨脷洲配水庫外側的樓梯。
鴨脷洲配水庫外側為凹凸不平的泥沙路，接上玉桂山的三條主徑：左邊那條為較易行的山徑；中間的最難行，非常崎嶇，且因近年過多人用此徑登山，令該徑沙石滿佈；右邊為驚險難行的山徑。
由於玉桂山是一座陡峭的山，三條主徑雖能夠用不足10分鐘的時間快速登頂，難度卻高，需手腳並用，且有滑倒的機會。
中間的山徑設有前人留下的粗繩，不過粗繩並不太安全，建議大家不要登山全依賴粗繩。
假玉桂山 - 則位於利東邨以西的一座小山丘，可視為 玉桂山副峰，又名「佛爺山」，高海拔143米。
假玉桂山 比旁邊的樓宇還矮小，山上有一個「玉桂山涼亭」。
在「真玉桂山」上，有無敵海景，可眺望整個南丫島及南港島一帶。相比之下，假玉桂山就比較遜色。
鴨脷排 - （英語： Ap Lei Pai）是香港的一個島嶼，地區行政上屬於南區，位於鴨脷洲以南，南丫島以北，東博寮海峽中央。
山頂最高位置海拔68米。鴨脷排是鴨脷洲的附屬島嶼之一，有一連島沙洲相連著。 鴨脷排上並沒有居民居住。
南朗山 - （或南塱山，英語：Nam Long Shan 或 Brick Hill）是香港的山峰之一，位於香港島南區，海拔284米，北靠班納山和金馬倫山，南望南中國海，西臨深灣、香港仔南避風塘、布廠灣及大樹灣，東至深水灣。
有南港島線之後，交通極之方便。路程也很短，來回只有5公里。
香港海洋公園盤據著大半個南朗山，其不少遊樂設施均在南朗山的南部山麓。南朗山的東北山坡，有一個索道系統（海洋公園纜車）連接半山和山下黃竹坑道正門附近。而南朗山的西南山坡，則由一組戶外電動扶梯系統連接半山和山下大樹灣入口。
不過南朗山的山峰不在香港海洋公園範圍之內。於南朗山道的南朗山道休憩公園有一條由南區區議會和民政事務總署建造的石屎山徑，並在山頂以西建有南朗亭。南朗亭和南朗山山頂之間亦有明顯山徑，不過主要是泥路，比較不好走。
南朗山山頂有警察通訊站和三角測量站，也設有無線電視發射站，還有數位電視廣播輔助發射站。
南朗山北面山腰有海洋公園的海馬標誌，因而被部份人俗稱為海洋公園山。
南朗山英文名被稱為「Brick Hill」，有指是因為山上曾經有磚窯，而現時磚窯遺址有大量亂石。
香港駕駛學院香港分校，曾設在香港海洋公園正門的西側，其後因應海洋公園擴建而遷出。
南朗山的北面山下還有警察學院、黃竹坑邨（已清拆)、黃竹坑道、黃竹坑站綜合發展區。
咁快又踏入新一年，新一年都係想繼續開開心心踩車，技術同耐力慢慢增長，安全第一，長玩長有。 除左上邊D客套野之外，仲想學下點拍好D 踩車片，上次出車setting 同angle 都set 得好差，成日影住個handler bar。 今次set 返好個wide angle，但係個胸帶同cam 都係影得太低，特別係一企起身踩就發覺影唔到前邊個大景，失敗!! 今次出車得我同Calvin 兩個，雖然冇咁熱鬧，但係人少好處係比較易就，無論車速、影相、拍片定休息都好易夾到。 諗緊去邊度踩車好，仲係好多地方未去同想去，今次提出話想輕輕鬆鬆郊遊，所以就搵D 相對唔高的小山仔去踩，最後決定去假玉桂山、玉桂山、鴨脷排同南朗山。 誰知...都唔算話好輕鬆，雖然長度得16公里，爬升都係得900左右，但玩完雙腳都攰。睇黎太看輕這路線了~
一早約左係海怡半島站出口等，點知原來同Calvin講就講左利東站，攪到Calvin要踩返過黎，真係sor9。 海怡半島出左站就周圍踩搵下有乜好野食，最後見到有間新鋪 "十分.幸福"，咁好意頭就去試下。 入去坐左陣，剛剛叫左個餐，Calvin就到達，果真快馬。其實點解要海怡半島站出發，係因為今次會上埋去假玉桂山，又名「佛爺山」，係玉桂山副峰。 由海怡半島去就唔洗踩回頭路。食飽出發，先順住海怡道踩去利南道，右手邊會見到一個閘口位，後面就有條石屎上山路，由這路一直上到盡路就係玉桂山配水庫。 轉入上山路，路口會見到玉桂山的路牌，一直沿梯級落上，唔算長只有428級，上完就會到山頂啦。山頂見到玉桂山涼亭，係假玉桂山的標記。 山徑路況都係好工整石砌路黎，山頂有三支標高柱，但景觀好差，係咁E影下相就算。 影完就沿梯級落山，由一開始闊到尾段很窄的樓梯，初段可踩，後段就推落去。 落到底左手邊會見到紅色大涼亭。沿途同遊人、晨運伯伯講新年快樂同傾下身心健康之道，大家都好開心。 穿過遊樂場鐵閘後，就進入利東邨商場，落返巴士站出口，準備今日戲肉。
戲肉黎啦，就係準備上玉桂山，上網睇過路線話上有三條主要登山徑，一開始穿過幾條樓梯和一條藍色水渠後，便會到達一條通往鴨脷洲配水庫外側的樓梯。 鴨脷洲配水庫外側為凹凸不平的泥沙路，接上玉桂山的三條主徑：左邊那條為較易行的山徑；中間的最難行，非常崎嶇，；右邊為驚險難行的山徑。 今次我地上去就行中間，其實都幾斜，不過有力，只要小心都冇乜大問題。上左一半打下咭休息下，就上埋另一半。 一上到頂，就見到標高柱，雖然今日能見度唔高，不過景色都還好。係山頂影相影左一段時間，先向左手邊出發，踩落少少就會見到鴨脷排連島沙洲，景色一絶。 遇上好多遊人、傾下講下又借下車比佢地影相，佢地又幫我地影返相，樂也融融。右手邊係鴨脷排連島沙洲，而左手邊就可一覽深灣、布廠灣、大樹灣一帶。 等代遊人都落晒山，先上返去再落一次黎影下片，今次跟住Calvin落山，發覺佢勁好多，好多佢落到或者敢落GEE位我都唔敢或者落唔到，技術有代提升~ 落山路段以碎石沙泥路為主，都幾冼下，頭軚冇晒釘，加上原來唔記得放氣，真係好冼，再加上"弱雞"技術就變得更難。不過依段路係幾好玩，都踩到1/3左右，安安全全咁落到去沙洲。
落到沙洲好多遊人同行山客都同我地吹水，驚訝點帶單車落黎等問題，有時聽到佢地咁講都有D飄飄然，但其實我地都係山車界黎講都廢廢的，大把高手又飛Jump又大Drop。 係沙洲回望返上玉桂山又係另一番味道，睇返都幾斜，不過拍片或者影相就覺得好平咁。 大休後，就抬車上鴨脷排，山頂最高位置約海拔68米左右，頭段都幾難上下，不過我地有兩個人就可以用合作技，傳車上慳力。 鴨脷排上到頂，又可以踩一段路落，只係中途有D位係有少少叢林會撞到handler bar同腳踏。踩多一會，左手邊再望去就係一陣會上GEE南朗山。 繼續落斜，一路去到198號燈塔，因為天氣關係，境色一般，唔夠藍~同燈塔影下相，借車比山友/遊人影相之後就回程。 回程係相同路況，要提係中途去到沙洲見到有架街渡，話語$40一位，攪到想唔抬返上玉桂山。點知Calvin一句激起我令我唔搭船仔，就係:"好樣衰喎咁多人睇住。" 哈哈.....心諗都係!!其實仲有力仲未到底，就抬返上去啦!!比架街渡忘記左去女鬼手。 慢慢抬呀抬.....中途休左次息就上返去，上到去又打過卡，今次係左邊那條為較易行的山徑落返山，不過這路比較多叢林。
落返商場，食個靚tea 先再上路，阿姐叫我地推埋架車入去食!v good~ 食飽就踩返利東邨道再經香葉道，離開鴨脷洲，之後向黃竹坑方向踩，一路去到南朗山道。 由南朗山道一直上，過了加拿大國際學校之後，馬路變成了單程路。沿斜路一直上，右邊是停泊了很多船隻的布廠灣係玉桂山都見到。 繼續踩，直到左手邊會見到一個山徑入口，就係上南朗山GEE路黎。 抬車上樓梯，一陣就到南朗亭，繼續向上行，大部份都是樓梯，越上風景越遼闊，係岩石上有好多遊人打卡，我地都有影相。 繼續前往南朗山山頂的路段，工整樓梯變成左板梯，兩邊山路有角鐵同鐵支，所以好小心，怕吉穿車軚。 過左板梯會到一個較平路，係度見到野豬，前行一會係分岔口，左轉是前往南朗山，右轉是前往直昇機坪，見到天色已開始黑，我地都快快上山頂。 上到山頂，係上邊轉左一個圈，亦同無線電收發設備後標高柱影相。 五點幾係時候落山啦，天黑先落就難度就會大增。準備落山，竟然係南朗山頂先記得放軚氣，架車即時好踩左好多，跟住Calvin 慢慢落，去到中間我地有入去右手邊山路落其中兩段，幾好玩的， 落山不用10分鐘就到山腳。最後落返黃竹坑站作結。美好的2022 首遊~
Relive Video
