18°C
22°C
東至東北風4級，離岸間中5級。
大致多雲，日間短暫時間有陽光。晚上有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 東涌站➡新東涌道➡舊東涌道➡引水道➡貝澳➡小芝麻➡梅窩Bike Park➡梅窩➡東梅古道➡東涌站 | ||
| 全長： | 45公里 | 需時： | 4¾小時 |
|
||
| 攀升：1335米 | 下降：1335米 | |
| 最高：334米 | 最低：0米 | |
第二期工程的焦點，是在荔枝園村附近新增一個佔地約4.5公頃，屬亞洲地區最大型之一的越野單車訓練場，並擴展梅窩及芝麻灣路段多條徑道，形成一個循環網絡。
南大嶼山越野單車徑 網絡改善及擴展工程正分三階段施行。擬議工程完成後，更多人便可享受在南大嶼山騎越野單車的樂趣。
項目範圍
第一階段工程包括
- 改善現有貝澳至狗嶺涌及芝麻灣的越野單車徑路段；以及
- 在芝麻灣郊遊徑入口處建造1個單車人士集合地點。
第二階段工程包括
- 在荔枝園村附近建造1個越野單車練習場和相關配套設施；
- 建造由梅窩越野單車徑入口處至擬建越野單車練習場的越野單車徑；
- 連接現有芝麻灣越野單車徑兩端，使之形成一個循環網絡的越野單車徑；
- 在梅窩碼頭路的梅窩越野單車徑入口處附近建造1個單車人士集合地點；以及
- 相關的岩土、環境美化和附屬工程。
餘下階段工程包括
- 加建連接梅窩至貝澳的越野單車徑；以及
- 相關的配套設施、岩土、環境美化和附屬工程。
項目時間表
第一階段工程
已於2017年10月完成。
第二階段工程
工程已於2017年11月展開，預計於2020年下半年完成。
餘下階段工程
施工計劃，現仍在審視當中。
目前進度
第二階段工程
工程現正進行。
今日出遊有華哥、Calvin同我，原本打算係2021 完結前去返次大東、二東、蓮花山落白茫這漂亮的路徑。但世事又豈能盡如人意!!! :( 今日咁岩係立法會投票日，今次政府又諗到D勁野，就係免費搭公共交通公具一天。雖然諗唔到點推到人去投票，但對要出街GEE人黎講就慳到錢。 一早起身去要東涌，睇過MTR APP話顯徑上車只要係南昌轉一次車就可到東涌，比起大圍站轉3次好。 搭到青衣站仲撞到Cavlin咁岩同一卡 - 尾卡，一齊係東涌站落去食早餐。 等位時，諗起個尾震好似冇晒咁，唔知係壞左定點呀。Calvin 就好好咁拎出佢支2合1 氣泵出黎打打氣。點知打極都打唔到。以為支野打左"柴"啦~~只好人肉避震。 等等下見到米高又黎依度食早餐，就一齊坐啦，佢今日會跟老闆團遊老虎頭、花瓶石。華哥遲左少少都到啦，一齊食完早餐就出發。
原本我打算係搭車上伯公坳的，但3個人要兩架車又好似好煩，最後Calvin 同華哥都話踩新東涌道上去，果然係有料之人，想偷下懶都唔得添...哈哈~ 今日天氣都涼涼地，所以踩上東涌道都唔算好辛苦，但係都流晒汗。上到伯公坳，遇到LEO一家，其實我未同佢踩過，但我以前成日睇山車post見到佢一次挑戰整到麥徑，的確利害。 之後打完招呼就上樓梯，本想去大東山個牌影相。誰知上到樓梯一半就有人走過來，原來係漁記，中左蕉了。不幸中大幸，反正今日支尾震都冇左!! 最後我地只好係伯公坳諗下去邊好。
係伯公坳諗左幾個地方，一係去芝麻灣+BIKE PARK，二係去分流、紅牛。最好決定去芝麻灣BIKE PARK悠閒一下。 落舊東涌道好快就去到引水道，原本要趕路，依家心情變得輕鬆。慢慢吹住水咁踩引水道，途中見到水池位打下咭。 好快就去到引水道尾。係度著甲，今次帶左剛剛新買GEE GOPRO 9黎試下新野，都係度著埋上身。 由引水道落貝澳這段off road 路，睇片見師兄落得好順一腳KO，今次落落左幾次腳仲推左一部份，原來都唔係咁簡單。
繼續上路，好快由貝澳去到芝麻灣大門牌入口，今次踩左手邊新路入小芝麻，今次踩條路都改左少少，其中一個上坡變左S緩坡，另外多左一路去水塘。 依邊上都係以上坡較多，信相倒返轉踩會幾好玩，踩到芝麻石，今次Calvin、同華哥都有挑戰，我就試下行下正規路線。 上埋個斜好快就接返芝麻灣大路，高速路段一路落幾好玩，一陣就玩完。 離開芝麻灣就經拾塱去Bike park，踩到意大利蜘蛛出口位，見到幾個師兄係上邊落緊黎，當時都未知係邊個，我地就同佢地講話落得冇人。 望多望同Calvin 認到，原來係祖哥、Honhon同阿志。最後同佢地一齊踩，中途比水牛阻路，佢地爆林上，我就係原路等牛牛讓路。 點知我過左後，隻牛好快就跟著我變左頂住Calvin 同華哥...哈哈。一齊踩到新bike park 上斜路口就道別。
上次同華哥都踩過bike park 上斜入口路，但今次踩明顯條路係執靚左，因為可以一腳踩到上頂。之前我記得有兩到三個位都係上唔到去。 上到bike park，我地先去pump track 玩，玩左好多個圈，calvin 好似玩得唔錯，我就仲未掌握到個timing同唔知個姿勢岩唔岩，真係要拍抵先可以改善。 離開左pump track場，踩多少少石屎路，轉入去就見到有個上坡訓練位，嘩...都幾鬼斜同難上，我完全上唔到。 上到去泥坡練習pump 同bern 位，玩左幾次，都係未敢好離地。最後見時間差唔多就落山去食TEA。 落山依段係全日最好玩，好多上上落落同彎位，去到大橋位，雖然已經減慢但都飛起左，離左腳踏有D驚，不過安全著陸。 Calvin就慢落挑戰左double black drop 位，要飛的話真係要好夠技巧同膽量。好快好正咁就落左山，今次玩好多彎都轉得唔好。 落到去羅馬餐廳食tea，都幾好味!睇返今日拍D片，唔掂喎.....淨係影到個handler bar。第一次影真係拎經驗。 食完tea 去到搬左鋪位gee 老友記，入左去睇下個尾震，依又打得返氣喎。搞掂!!係入邊睇下靚車後，最後由東梅古道回程。
Relive Video
Mui Wo Bike Park will change Hong Kong MTB forever!
梅窩Bike Park - INXS , Savage DH
梅窩Bike Park - 意大利仔（Italy)
梅窩Bike Park - Buffalo Trud DH
梅窩Bike Park - 蛇徑（Snake)
Mui Wo Bike Park XC Play
Mui Wo Bike Park Shred
Mui Wo Bike Park DH Hot Lap
Uphills & Cases at Mui Wo Bike Park
Gaps and Cases At Mui Wo Bike Park
梅窩Bike Part最高點 意大利仔- Mui Wo Bike Park New Trail
梅窩Bike Park 最高點到底 - Mui Wo Bike Park Top to bottom
