24°C
29°C
南風4至5級。
大致多雲，間中有驟雨及狂風雷暴，初時雨勢頗大。
| 景觀： |  |
||
| 體力： |  |
||
| 難度： |  |
||
| 路線︰ | 兆康站➡何福堂➡東昇亭➡九逕山➡大石頂➡竹篙屻嶺➡公庵山➡公庵山石河➡洪水橋 | ||
| 全長： | 17公里 | 需時： | 3小時 |
|
||
| 攀升：836米 | 下降：836米 | |
| 最高：507米 | 最低：0米 | |
九逕山 - （英語：Kau Keng Shan），別稱九徑山及1665山（Hill 1665），位於屯門新市鎮東面，海拔507米，遙對青山的主峰（583米），比青山矮76米。
山頂設有不少建築物，包括發射站、直昇機停機坪、無線電站、導航燈及山火瞭望台。清《新安縣志》雖然曾記錄九逕山下臨屯門澳，以及發生在此地的戰事，但現時官方郊遊地圖及地政總署地圖上卻沒有為其冠名。
九逕山的主要路線大致有三條：其一經由屯門徑接九逕山西北方的水泥級上攀；其次由麥理浩徑第10段的引水道循南脊碎石山徑上攀；其三可經由俗稱「神仙轍」的景點再接東面山徑前往。
九逕山山嶺範圍有很多山徑，故得名和別稱九徑山。
而1665山中的「1665」意指高1665英尺的山頭。位於山頂的中電無線電站就名1665山無線電站（Hill 1665 Radio Station）。
九逕山的餘脈範圍雖則不夠青山的廣，但較闊。其北面的餘脈延伸至公庵山，東面的餘脈則可伸延至蠔殼山。九逕山的山脈整整包圍了大棠及十八鄉南部的三面。
九逕山的東部餘脈與大帽山的西面餘脈相連，分隔的山坳為馬鞍崗坳。
九逕山北部亦有兩個狹長的山谷，均有溪澗，分別是老虎坑及丹桂坑，它們的下游分別設有藍地灌溉水塘及洪水坑灌溉水塘。
大石頂 - 約是485米高，是位於屯門「九逕山」與「黃泥墩水塘」之間的兩座山峰，兩座山均沒有官方高度。山頂有兩舊巨型大石，是山中地標。
竹篙屻嶺 - 約是422米高，是位於屯門「九逕山」與「黃泥墩水塘」之間的兩座山峰，兩座山均沒有官方高度。山徑非常崎嶇，全是浮沙碎石坡，而且非常陡斜。
公庵山 -（英文：Kung Um Shan），又稱297山或297號山（英文：Hill 297），是香港新界西北部的一座山峰，位於元朗區洪水橋東南、大棠西北，海拔297米。
公庵山山頂設有香港數碼地面電視廣播之輔助發射站，服務元朗及十八鄉等地。
今次米高開團上九逕山去公庵山，去到前幾日知道去到，就決定參加，雖然知道九逕山依條路線都係抬多玩少，但係未去過都係點都要去返次。 對上一次去公庵山係抬上，今次就係玩落，可以玩到公庵山石河，上網成日見到師兄就公庵山山頂一直落到底，好似好好玩咁，係今次條路線賣點之一。 約左一朝早係兆康等一齊食早餐後出發，所以好早就起身，有左屯馬線後可以唔洗轉車直接搭到去，方便左但都要成個鐘。 去到兆康站，今次見到米高都同時到達，可能因為今次約左好多山車前輩唔敢遲吧!!哈哈~ 今次有8個人一齊玩，米高、我、華哥、Calvin、火焰焰、番茄、潮英同陸明。 個個都係山車界有資歷師兄，今團最雞就係我...呵呵! 食飽就出發，先踩去何福堂書院，即係麥徑十段終點起步。去到何福堂，Calvin 發現架車有問題，睇左一輪原來係個Hub 有問題冇得即場攪啦!! 好可惜要退出，但都比起係上左山先壞係好~~同佢影張相後就道別。
開始上山，只要跟著指示一條路一直行，沿欄杆及樓梯一直行大約十分鐘，便來到屯門徑及麥理浩徑的分岔口。 轉左去屯門徑，路經都係石拼路及梯級，繼續行上一段梯級後。係主徑旁有一條山徑，有山友做的指示牌，上邊寫住向上走就往九逕山，而沿主徑繼續行，就是屯門徑去彩虹欄杆。 我地就轉右上九逕山路段。沿途都是山徑梯級，梯級高度大小不一。中途會見到由山友開發的怡心園，為晨運之用。一路往主徑大路走，好快就到達東升亭。 東升亭大約240米高，即係上左一半左右啦。大隊係東升亭大休等齊人，東升亭左邊向下行的是往虎地坑，即藍地灌溉水塘，亦可前往洪水坑灌溉水塘、黃泥墩水塘。 向上行的就係上九逕山山頂。大休後就開始上九逕山天梯，聽叔叔講有9百多級，今日天氣好，狀態亦不差，上天梯都唔算好吃力。 行下就回望山下打下卡，一直去到白色屋仔，原來係山火瞭望台。影左幾相張後，上多幾級就上到直昇機坪，大家一齊係度合照。依度係今日行程最高點。 而直昇機坪旁有條樓梯上就是九逕山山頂，但上網睇話都唔會看到標高柱。因為標高柱設於發射塔頂要航拍才看到的。
離開九逕山山頂，係直昇機坪正面山路落，向石石頂出發，這路段初期都幾好玩，唔太斜以幼沙泥路為主。好快就到達大石頂，大石頂附近有好多奇型怪石。 其中有三舊比較吸引我，一舊又圓又大的飛來石，一舊比人寫上小魚的石及一舊放上眼睛的cute 版怪獸石。 我地係度影左一輪相，之後就離開大石頂，落大石頂路線好好玩，大家都落得好開心，點知原來行錯路....哈哈~爽錯左上返大石頂。 原來係左手邊條山路先岩，路況都係浮沙碎石為主，要控得好好，我自己落得太多brake 好易失控。接落黎分岔路口是靠左行，靠右是往金沙左坑。 之後落一個大斜坡，路太粉啦唔易落，行都好冼。去到第二個分岔口，右邊望好靚gee千島湖，亦是往金沙右坑的路。 靠左走，同樣路是浮沙碎石，前方最高的山峰就是竹篙屻嶺，上次冇上到山頂，今次可以上去望個究竟。
上多大約40米高浮沙泥路段就到達竹篙屻嶺，竹篙屻嶺頂並沒有標高柱，風景雖然唔錯，但總有些被樹木遮擋住，不夠開揚!! 攻頂後便從另一端落山，打後路段係上次的逆向版本，轉右後前邊有左右兩條路，右邊是沒有那麼斜的。左邊就要落大斜坡，而且是光頭的浮沙碎石路，冇人敢踩落這路，實在太斜了!! 落到斜路底之後右轉彎，接上一條窄路後，回望剛剛的山路有幾斜。由竹篙屻嶺去到公庵山大約還有4公里的山路，上途上上落落，而且會途經往神鵰石的路口，不過今次冇人去。 我地上次去左亦都唔想再落多次去了。今次再經過將軍坡，上次有米高同牛丸都挑戰成功。但今次就冇師兄落了，太粉啦，上次難度低左因為泥地濕左D好咬地。 但今次我地剛好遇上了一隊爬雞車隊，有幸見識到佢地上將軍坡。欣賞後就繼續向公庵山進發，有番茄帶頭好快就去到公庵山山頂。
上次都有同Calvin 上公庵山山頂，不過就只係打咭。今次就可以由頂踩返落山腳，正!!!由這開始，應該係整個路段最可以踩到，所以好期待。 好快趣，番茄、火焰焰佢地就落左去，咭都打唔切就落山，落山路段，斜度其實唔係好大，但係路就真係好鬼粉，好冼~~我都落得好狼狽，但係係好玩GEE~ 去到一個路口分左右，大家都落左右手邊，得潮英落左手邊，落得好穩定，今次火焰焰仲忍唔住要挑戰下，抬返車上去玩一玩，當然成功攪掂。 中間挑戰左一個落石位，搞掂左，另一個粉地落山位，一起步就派左，撞到小腿小抽，所以冇再挑戰~~ 去到石河路段，上網睇片見人係石河可以一路飛到山腳。心諗正啦，但我地遇上左工程，右手邊大部份路都進行工程中，幸好還有左手小小窄的路可踩落山。 雖然冇想象中咁好玩，但都OK啦見識見識!最後大家安全成功落山，去左洪水橋未來CBD 食TEA~~ 食完TEA見5點未夠又仲有力，就同華哥踩屯馬超級單車徑回家。
Relive Video
