24°C
28°C
南至東南風2至3級。
大致多雲，有幾陣驟雨，局部地區有雷暴。稍後驟雨增多。
| 景觀： |  |
||
| 體力： |  |
||
| 難度： |  |
||
| 路線︰ | 大帽山巴士站➡河背體驗徑➡直升機坪➡極河➡河背平路段➡光明頂➡樓梯口➡元朗仔➡環塘➡大欖涌 | ||
| 全長： | 24公里 | 需時： | 2¾小時 |
|
||
| 攀升：749米 | 下降：1223米 | |
| 最高：537米 | 最低：0米 | |
極河 - 係大帽山內的一條山車路線，起點係麥徑路牌M162，終點係落返河背黑鑽越野單車徑，約長1.2公里。高度由大約420落到350米，落差70米，山路主要以泥石路為主，斜度比較緩。
中後段會見到分岔口，亦是新蜘蛛出口位置，係岔口轉右出極河出口。
河背體驗徑 - 分長、短兩線。國際越野單車協會藍（Blue）及綠（Green）級。由漁護署、香港爬山單車協會、義工依國際規格建造，予新手合適環境體驗越野單車運動。
2011年，漁農自然護理署與越野單車團體合作，在大欖郊野公園越野自行車道河背段起點設置了一座越野單車體驗設施，設施參考了國際越野單車協會可持續使用路徑的規格建造，分為綠徑（適合初學者）及藍徑（適合進階技術人士），各長200米。2013年3月18日，位於荃錦坳入口附近、全長1.4公裏的河背段越野自行車道新段開放，沿途設備跳台及碎石路等；該路段與行山徑分開。
河背 - 河背（大帽山越野單車徑 河背段新段）-- 國際越野單車協會黑鑽（Black Diamond）級，由漁護署、香港爬山單車協會、義工（包括大笪地會員）興建。
從荃錦坳管制站旁邊的越野單車體驗徑開始，連接至河背下陂路前數公裏處，以取代因嚴重水土流失之原來單車徑。
單向路段、狹窄、連續多彎下坡，需一定技術及經驗，新手不宜
元朗仔 - 田夫仔北黑鑽段 一圈長約7.8公裏，包括4.5公裏總爬升達330米的林道爬坡，以及十多分鐘3.3 公裏的高速off-road 下坡。
田夫仔北越野單車徑 -（黑鑽級），本港第二條黑鑽（Black Diamond）越野單車徑，工程名稱為「天門越野單車徑」，由漁護署、香港爬山單車協會、義工（包括大笪地會員）興建。與田夫仔北越野單車徑（藍級）共用同一入口，百多米後進入分叉路。單向路段、有密林狹窄及開揚碎沙石路、連續多彎下坡、旁邊是數十米山坡，必須具一定技術及經驗，新手絕不適宜。
環塘 - 難度低，視為山地車入門路段。主要由一條約 17 km 環繞大欖水塘之路線（50% 石屎路+50% off road）+ 幾條支路構成一個越野單車徑網絡（亦會不斷拓展 / 掘新路）。
可從荃錦坳經 M9 （M9 亦屬於此單車徑），或大帽山郊遊徑（亦屬於此單車徑），或從大棠、黃金海岸、大欖監獄、青龍頭進出。
今日係david 病後首次一齊出車，之前天熱都太夏唔太適合，終於涼返D，夾到期今日一齊入大山玩返轉。 好耐冇入大山，成日去抬車郊遊，所以都唔識得踩山車咁。始終都係正規規劃過山車路線會安全同比較容易練到技術。 今次華哥同Calvin 都一齊玩，華哥之前都有講開話搵次環塘教我地過D技術位，好耐冇認真煲位，對上可能係七木橋lu。
今次係大圍改一改食新大利，再call van 上大山，Calvin 就自己踩上去，約左係大山巴士站等。 去到大山巴士站，已經見到好多師兄。今日會去玩返次 極河 ，對上一次同華哥兩丁踩大山都已經想去，點知落錯左條不知明青苔路，落到心驚膽跳。 著好護具就出發，先踩上河背體驗徑熱一熱身，再落返停機坪。之後出返石屎路就踩去極河入口，極河入口比起蜘蛛徑、河背都低好多，明顯係玩少左落山路。 唔怪得唔係咁多人玩，叫得極河意思就係極速落河背，路況都好緩，以泥石路為主，難度亦都唔大，所以可以相對高速。 華哥今日全日帶頭，慢慢落依條極河，Calvin同我隨後，david 就最後，佢應該係怕擋住我地，不過佢踩落都冇問題，最後梯級落得仲順過我。
極河真係好快就落到河背越野單車徑，出口係接住Strava 寫Ho Flat 即係平緩山車徑，就依度去光明頂係最順最平緩，可以高速咁落，冇乜障礙物。 好爽咁就落到光明頂，係光明頂坐左一陣就見到祖哥，牛丸，Honhon,DH仔佢地，仲有女將May 姐。吹水休息左好耐先再出發，好開心歡樂~ 之後起程由光明頂去梯口，睇返以前好多過唔到位今次都順利過到，不經不覺進步左，睇返strava 先知快左好多，但冇特登加速。 去到梯口，大家都抬車上去，david 黎到依道抬車就明顯體能狀態未回復到。之後齊齊踩上元朗仔木牌，一齊影大合照後，祖哥佢地就落法國仔，我地就上元朗仔。 上到田夫仔頂轉個圈休息下，就準備落山。
對上次落元朗仔原來已經係5個月前啦，聽華哥講條路尾段爛左好多，多左好多窿，佢之前踩都見到人炒車，所以出發後警覺性都高左。 華哥車頭，緊接係Clavin，我排第三，david 殿後，頭段都冇乜大變化，好順暢。不過自己明顯太緊張，膊頭同手都好緊，起初大家都跟得好貼， 但過左幾個髮夾彎後就好快唔見人啦，明顯技術有分野，最後係元朗仔支路齊人。見到有個師兄擦傷左，Calvin 咁岩有噴霧膠布借佢一用，其實好輕微傷，唔影響行動。 休左陣就繼續，準備落元朗仔最斜位，我R底去左左邊落，華哥同Calvin毫無壓力就落左去啦。David 就心思思想落，最後佢落左去。 我係左邊落到去先知佢炒左，不過好彩有頭盔有護甲，只係少少輕微擦傷。休息左陣，睇埋頭先兩個師兄落，一個好順利，另一個就考慮左好耐。 我覺得考慮得越耐就越大機會炒，因為明顯信心唔夠，會好影響表現。最後佢都冇落到，我地就繼續啦，過左平台大berm位就到後段。 後段果然多左坑同窿，好彩我跟住華哥條線咁走，所以都好順利安安全全咁落到底，不過真係冇得好似以前咁快。David 都順利安全完成，咁耐先玩返算勁!!
玩完元朗仔，就飛快咁落到大草地，係大草地大休同諗下踩邊好。 最後決定去玩環塘，環塘比元朗仔更耐冇玩，對上次都係路過上去千島湖經過，真正踩晒半塘off road 路應該一年多前了。 Calvin 都好耐冇踩，得華哥比較近期玩過下，佢話有幾個技術位可以試下挑戰下同教我地過，正!!! 第一個技術位: 係上幾級樓娣，轉個彎，再係中間窄斜上去。難度唔高只係要體能同信心。都過到! 第二個技術位: 係要轉上左彎，左邊有兩舊大石，路斜左向左，要上到右邊舊石，再追埋上去，超難!!首先好易比果兩舊石嚇到，之後難在過左石尾軚會冼返去中間。好怕會撞石，上左第一舊石就驚了! 第三個技術位: 上亂石 - 中級難度，要識重心轉移，過左石後要重心向前，同時追餅踩就過啦。頭兩次都失敗，之後係倒轉方向睇，明明好易，有返D信心，就-6過到。 第四個技術位: 係大壩右手邊踩上去，要夠速有火，加追餅，冇火GEE我唔成功! 睇返片，原來自己個姿勢好差，成日坐左係度同冇乜重心轉移。真係要睇片先知道。 玩完都好滿足，david都接近到頂啦，最後大家落返大欖食tea，食完同david call van 返去火炭洗車。
Relive Video
