24°C
29°C
南至西南風4至5級，離岸及高地間中6級。
大致多雲，間中有驟雨及狂風雷暴。雨勢有時頗大。下午驟雨逐漸減少。
| 景觀： |  |
||
| 體力： |  |
||
| 難度： |  |
||
| 路線︰ | 北潭路➡北潭凹➡赤徑➡大浪坳➡蚺蛇坳➡蚺蛇尖➡米粉頂➡東灣山➡長咀徑➡長咀➡大浪頭➡長咀徑➡東灣➡大灣➡鹹田灣➡大浪坳➡赤徑➡北潭凹➡北潭路 | ||
| 全長： | 38公里 | 需時： | 9小時 |
|
||
| 攀升：1240米 | 下降：1247米 | |
| 最高：468米 | 最低：0米 | |
蚺蛇尖（英語：Sharp Peak）是香港西貢區東部的一座山峰，海拔468公尺（1,535英尺）。
由於蚺蛇尖山勢陡峭，碎石遍佈，而且地方偏遠，被遠足人士稱為「香港三尖」之一，也被政府漁農自然護理署列為全香港十六個『郊野公園曾發生致命及嚴重意外的高危地點』之一。
「蚺蛇」粵音讀作「嚴蛇」，但該山的另一官方英譯Nam She Tsim取用「蚺」字的另一讀音「南」，坊間一般亦俗讀和俗寫成「南蛇尖」。在舊版地圖中標示為南蛇頭。
蚺蛇尖位於新界西貢半島大浪灣以北，蚺蛇灣以南，米粉頂以西。
蚺蛇尖西北部的一條通往高流灣的山脊，被遊人俗稱為東龍二輋。而蚺蛇尖北面的海岸線，則被俗稱為千溪海岸。
米粉頂 高約363米，是「香港三尖」之一蚺蛇尖的東面延伸的山峰，與東灣山及長咀半島連成一脈，能看到米粉咀、短咀、東灣山、東灣等開揚景致。
東灣山（Tung Wan Shan）係香港嘅山，海拔高298米，喺西貢區，附近範圍劃咗入西貢東郊野公園。
大浪咀 （又名長咀），是香港陸地可連接的最東端，位於新界西貢半島東部，蚺蛇尖東南面，大浪大灣東面，屬於西貢大浪灣的一部分，並與北面的短咀相對。
大浪咀的石灘上豎有兩座紀念碑：一為紀念1981年一隊童軍隊伍被巨浪沖走做成三死四傷的意外，另一座為紀念前曙輝旅行隊隊長陳榮俊先生於美國加洲旅遊時墮崖遇難的意外。
1981年8月，新界北區第七旅童軍舉行五日四夜「烈日長征」活動，全隊八人前往露營，於第四日晚上在大浪咀紮營。數名童軍在岩石上進行活動，豈料突然有巨浪把童軍捲入海中，最終導致三死四傷的悲劇。
事後有好心人在大浪咀石灘上修建紀念塔，藉以紀念三位喪生的童軍。
大浪頭 - 高海拔98米，於「長咀」上有一排小山丘，最高點名叫「大浪頭」。
都幾偏遠，沒有車船，只有徒步可到達。全程來回超過廿公里，山徑前段及後段均是石屎路，中段為普通山徑，部份有少許崎嶇及穿越叢林。如要避開叢林，可走回頭路。
米高好耐之前就已經成日講幾時一齊去返轉蚺蛇尖，佢自己就出過幾次蚺蛇尖，仲去過短咀添。 但因為天夏熱，所以一路大家都話等涼D先啦。咁岩最近真係開始涼返啦。 係出發前一星期米高就係whatsapp 問黎近有冇興趣一齊去蚺蛇尖 加 長咀，當然好啦，其實都想去好耐。 但一路都怕力有不逮，今次天氣涼，機會黎啦!!長咀聽返米高同Calvin 講原來都係首次去。 今次大長征有我、華哥、米高同Cavlin，春花落傻人4人組。 一朝早約左係大圍食早餐，再call van 入北潭涌出發。 Calvin 搭錯車食唔到早餐，但佢買左3個包上路，問佢洗唔洗咁多呀，佢話上次冇野食踩到虛晒，果然係有經驗。 去到北潭涌都成十點半啦，其實都唔算早。先踩沿馬路上斜踩去赤徑。 赤徑頂小休遇到米高車友青蛙哥，一齊影張相就落斜啦，沿途山友都好友善，當然我地都好友善，一路早晨同唔好意思!! 大約十多分鐘就落到赤徑，之後就要上返ard 170米高大浪坳，天氣清涼加有陰，所以都上都唔算好辛苦!!但大浪坳尾段都幾斜，踩到大脾都熱晒!!
去到大浪坳同其他好多山友都一樣，大家都係度大休同等隊友，同山友傾下計，知道我地上蚺蛇尖都有點驚訝!! 休息一陣同影相後就開始抬車啦，抬車路都算開揚，所以唔太難，先要抬上少少再落返蚺蛇坳，係蚺蛇坳小休幾分鐘又出發， 之後就抬上約320米高gee 分岔口，這個位置好開揚，右手邊有山路可以落去掌牛墩，睇落去條路好靚好好玩咁。但踩左少少落去影相就發覺都幾冼下，因為好多碎石。 大家都係度休息，之後繼續上山，前面有條路，最左係比較斜gee 路上蚺蛇尖頂，最右係可以避開唔上蚺蛇尖頂，我地就揀左中間較緩gee 路上蚺蛇尖， 一路上有好幾個位置都可以望到整個蚺蛇尖，所以中途都影左好多相。抬上蚺蛇尖gee路亦比想像中易，只要小心企穩左先小步小步上，其實比好多大梯級山路更輕鬆。 上到差最後80米高到頂，係度搵山友同我地四個拍照留念，佢地亦借車影相...哈哈。慢慢上埋最後的斜路到達蚺蛇尖啦，山頂位置很少，有標高柱，但想同標高柱影得靚好有難度，因為周圍都係人。 係蚺蛇尖左手邊低少少位置，有個打卡位，可以影到蚺蛇灣。華哥排隊影相，Calvin 就渣機，我同米高就開餐食野，我地食完佢地都未等到，應該有10分鐘多吧!!哈哈...氣得華哥上返黎食野先~~ 食住等，又比幾個青年山友搶先，又係影個不停，數分鐘後才等到。係山頂遇上一個航拍師兄不但為我們拍照，更用他專業航拍機為我們拍個短片，真係好人!!!
兩點左右，我們要下山去下個目的地 - 米粉頂，先要落蚺蛇尖，中途有一個大石位要傳車，落大約80米高，去到落山尾段可以踩到一小段車。 望住前面有個山就係米粉頂啦，上大約幾十米就到頂，米粉頂山頂冇標高柱，但景色好靚，可回頭望返蚺蛇尖，前看就望到東灣山同幾個之後會到的海灣。 係米粉頂又小休一會再出發，落米粉頂gee路以前睇美孚安片見佢落過，果然西利，因為我落唔到，Calvin就落左一段仔。落到尾段就平好多可以踩到，但好快就見到前面上東灣山gee路。 由依個位置大約要上返一百米先上到東灣山，上東灣山前右手邊其實有路可以直接落東灣，這是一個退出點，可以及早回頭。 我地大家就仲係有體力，所以直接抬車上埋東灣山。米高同華哥都好有體力同狀態好快就上到去，我同Calvin 就慢少少，去到接近山頂有個分岔口，右手邊上多二十幾米就可上埋東灣山頂， 我同Clavin 決定上埋去一看究竟，東灣山頂好正。可以望到整個長咀，亦可望見東灣、大灣同鹹田灣。兩個係上邊打咭打到要華哥叫走人先離開，匯合返華哥同米高就一齊係東灣山落長咀啦。
由東灣山275米高位置落到長咀約100米高，前段東灣山落山路都要推車，去到中後段就係開心高速路段。 進入長咀我地決定順時針遊一圈，原來咁行係要落到近0米海拔，這段路要過一點密林同石坑，之後就去到一個大平地，係露營勝地。 係近長咀海邊影相，又要上返98米高gee大浪頭，係上緊大浪頭時，華哥叫我們，原來大浪咀即係長咀就係我地左手邊，我同米高就落左去睇下，不過我落左少少就冇再踩去，只有米高一人踩到去長咀盡頭。 影左好多相，之後回頭上返大浪頭，剛好太陽開始落山，華哥從山上影落黎話好靚，最後佢忍唔住行落黎同我調位，我幫佢影相佢幫我抬一少段車，哈哈! 人齊上到大浪頭影下耶蘇光後就走人。話說我地出長咀都遇上兩批山友，佢地同我地離開時間差唔多，但都接近入黑了。 係長咀高速公路快快回程，再撞上他們，這時候太陽開始下山，惡夢來臨~~
話說全日都狀態唔差，全賴天氣好加上夠食物同水。但去到離開長咀去東灣路上，因為天開始黑亦黑得好快，加上我冇帶到頭燈，所以寸步難行，再加上這出東灣路都幾密林，同好多石。 原來同我地一齊行gee山友好快就消失了，幸好大隊們都有燈才可繼續前進，不過落東灣這段路就花了很多時間。 去到東灣，原來真正大佬係依度，因為前邊有一座牆，要拎住單車加上摸黑跨越的確要好小心。幸好人多齊心再高gee牆都過到gee..呵~ 繼續密密地林咁慢速前進，不久去到大灣，大灣有一段近一公里沙灘路，可惜踩車仲費力過推車，而推車亦花點力。過了沙灘路去到鹹田灣見到文明的行蹟才安心!! 最後去左安記士多叫野食買野飲，真係好好食同好飲~食完補充體力後，上多兩個大斜，分別係大浪坳同赤徑，最後火速落北潭涌回程。今次花左近十個小時，真係一條長途線。 最緊要安全回家，又係一次難忘回憶!!
Relive Video
