19°C
23°C
東北風3至4級，後轉東風5級。
短暫時間有陽光。早晚有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 大圍➡元州仔公園➡太和➡石鼓壟村➡泰國寺➡錦山➡馬窩➡桃源洞➡運頭塘➡運頭角里➡圓崗➡大埔公路➡荔枝坑➡大埔滘林道➡荔枝山➡龍城堡➡山塘路➡大埔火車站➡元州仔公園➡大圍 | ||
| 全長： | 48公里 | 需時： | 3½小時 |
|
||
| 攀升：719米 | 下降：723米 | |
| 最高：282米 | 最低：0米 | |
錦山（Kam Shan），高海拔139米，位於大埔區大埔郊區錦山路，鄰近太和以南的一個小山丘。
山頂無開揚景觀，有標高柱、一片類似公園休憩地及一個中式大涼亭，名叫「馬窩亭」，主要是晨運之用。
另外，「錦山」附近石鼓壟村對上有一所泰國寺、小靈山靈顯法寺，泰國寺內有一座倒塌小屋。有大樹纏繞並於溪邊，幾有特色。
圓崗，又稱運頭角山，舊稱旗桿山（英文：Flagstaff Hill），是香港新界大埔區的一個地方，位於運頭塘北部的一個山丘，即廣福道與大埔墟站之間。
圓崗的鷺鳥林（官方名稱為大埔鷺鳥林）於1994年8月13日被劃定為具特殊科學價值地點，面積1.2公頃。
1899年，新界成為英國的租借地。該年3月27日，時任香港總督卜力遣警察梅含理率人到圓崗搭警棚準備接收新界。
同年4月17日，殖民地政府在該處舉行升旗禮，正式接收新界租地，並將該處稱為「旗桿山」以茲紀念。後來該處於1907年興建北區理民府，成為早期管治新界的中心。
荔枝山，高海拔282米，位於大埔滘自然護理區，亦是大埔滘山火瞭望台。
分別有條路線可達，分別從大埔公路翡翠花園、荔枝坑及大埔尾上山或於松仔園（大埔滘自然護理區）上。
上荔枝山會途經一條接近600米長的梯級。
原本隔周出車的，今個星期應該係冇得出車，不過去到2點左右難得可以出車，所即時諗下有乜近近地未去過GEE小山探一探路。 最後睇下地圖，決定試下去錦山、運頭塘山、馬窩山 + 荔枝山。但最後只去到其中三個。錦山就係太和附近、果頭有個新景點，就係泰國廟同樹屋啦，所以都去試下去埋。 乜都冇帶，冇背包冇水冇工具最輕裝咁上陣出發。先由屋企踩去大埔，今日好多人踩車，可能因為天氣清涼吧!! 今次大圍去大埔用左36mins 係咁多車黎講，都算唔錯呀~
去到元州仔公園都冇停直接踩到入太和錦山村先停，睇一睇地圖，先去左泰國廟先。泰國廟係錦石新村停車場，就會發現一條石屎路，沿住石屎路入去，過埋橋就得返一條主路入泰國廟。 都係小量上斜，有夠力的都可以踩到上去。去到泰國等，原來要放底架車係出邊先可以入去，所以入到去影左幾張相，再拿拿聲落去樹屋打咭就走人。 係泰國廟想買水飲，佢冇收我錢，就話可以損款添下香油隨心便可，都幾好。沿路落返山，就準備上去錦山。 今次我都係上網睇下路，先去錦儒路，沿馬路一直踩上，直到大光德萃書院。係書院左手邊有條山路梯級可以上去，就抬架車上去啦。 都唔係好多級，好快就去到梯級頂，左手邊上去就係去吐露港公路，上左去影左幾張相，就入返山徑。
山徑都係泥路為主，唔太斜而且中途有一些梯級，沿途都有紅色絲帶。不久就到引水道，轉左入山徑繼續，中途都有D山墳，再接上一條樓梯，好快就接返石屎路。 見到石屎路就好快到錦山山頂，錦山山頂有個馬窩亭同標高柱，但景色就冇欠缺。影左相kill 左標就落山lu。 落山就係好緩gee 石屎梯級路，好快就落到底，轉左就出返去馬窩休憩處。之後沿住馬窩路落，想去馬窩山，去到桃源洞，發覺上山GEE路都好密又好多蚊，而另一條路就寫住內有惡犬， 所以R底唔敢入去，最後放棄左...哈哈~~等下次人多先再戰!!
之後就去運頭塘山，亦即係圓崗，落到大埔河，沿河好快就去到大埔火車站，過左火車站再直去轉入廣福道，就見到運頭角里，由依度上到頂好近。 好快就上到山頂，山頂係以前大埔警署，依家就變左綠匯學苑，又係唔比單車入去。所以放低車，行入少少影相就算。 係隔離大埔圓崗休憩處落返山後，見仲有時間就決定去闖闖荔枝山。荔枝山 282米 之前踩四色林睇地圖都見到架啦，不過果次完左鹿山都冇時間再踩去。 今次去先上大埔公路，去到荔枝坑踩上去大埔滘林道，依條路落就試過，今次第一次踩上去都幾甘，中途仲要認唔到路睇左幾次地圖。 上到大埔滘林道高危地區，要上大約60米先轉到入山路，密密腳唔停咁上，途中有個阿叔都好好人話叫我快D...哈哈!!
轉左入山路安全啦~~踩多一段泥路就見到前邊有一條長長梯級，太約上60米高左右就到山頂，因為天氣好所以都唔攰就上到山頂。 荔枝山山頂景觀都一般，唔算太開揚，其中一邊可以望返落吐露港。又係打個咭影相就走人，落山路有好多。 可以落返林道返返荔枝坑，落黃宜坳村或者踩返去針草坳落返沙田，而我就揀左落山塘村龍成堡去大埔火車站。 雖然唔知另外路如何，但落山塘路就好舒服，全程可踩。好快就落左山，最後踩吐公返歸。 話說今日有幾單單車意外，有兩個師兄身亡仲有一重傷。意外真係好難預計，但就可以盡量小心D唔take risk，始終安全第一。 每次出車做運動都要remind 自己。
