25°C
30°C
南風4級，間中5級。
部分時間有陽光，有一兩陣驟雨。
| 景觀： |  |
||
| 體力： |  |
||
| 難度： |  |
||
| 路線︰ | 大帽山➡波頂➡四方山➡大城石澗徑➡肥佬麥➡大城石澗徑➡龍門郊遊徑➡芙蓉山➡老圍➡荃灣➡石籬➡金石徑➡金山路➡畢架山引水道➡紅梅谷➡大圍 | ||
| 全長： | 36公里 | 需時： | 5小時 |
|
||
| 攀升：1346米 | 下降：1992米 | |
| 最高：916米 | 最低：0米 | |
四方山（英語：Sze Fong Shan）是香港一個山峰，海拔785米，位於新界中部，為大帽山的東脊，有大量牛群棲息。在地區行政上，四方山橫跨荃灣區及大埔區。麥理浩徑第八段沿其山脊而建。是香港第四高的山峰。
肥佬麥 - 從鉛礦坳走到川龍或城門水塘，又或者由大城石澗溯澗而上，就會路經著名地標「肥佬麥」。
從地圖上看，這處沒有名字，不過石澗旁邊有塊大石，石上被人用油漆寫上「肥佬麥」三個大字，那行山行澗的人都稱呼這裡為肥佬麥。
有網友指出「肥佬麥」三字早已在1975年已經出現，換句話說，「肥佬麥」已經在郊野環境下保留了起碼40年。
芙蓉山（英語：Fu Yung Shan），位於香港新界荃灣區中部，是荃錦交匯處正北方突出的山體，爲大帽山南脊妙高台南端的餘脈，山體東面的山谷是三疊潭，西面的山谷是曹公潭。芙蓉山爲香港佛教勝地，南坡上建有數量衆多的佛教寺廟，其中歷史最悠久和最著名的是竹林禪院，其歷史可以追溯至1928年，而創建於1948年的結蓮庵則以「半山南海望海觀音像」聞名遐邇。
芙蓉山山腳分佈有7條客家原居民村落，除馬閃排村外，其餘皆爲1960年代因荃灣新市鎮發展而從荃灣核心區域搬遷到現址重建的村落，現時荃灣市中心一帶根據這些村落命名的道路即爲村落舊址所在，而山坡上亦有兩條寮屋村落及一些零散寮屋建築。目前當地建有芙蓉山路和馬閃排路貫通山腳的村落和竹林禪院，而在竹林禪院西側有一通往半山寺廟建築群及城門水塘引水道的山徑，被當地僧侶和信衆命名爲「菩提徑」。
大城石澗徑 - 是一條很清楚的山徑，沿途要跨越多個有水流的小溪澗，途中會經過有水流的禾央右坑及乾固的禾央坑。此山徑可接虎踨徑及龍門郊遊徑等山路。
龍門郊遊徑 - 位處大帽山南方，是一條名副其實的郊遊徑，7.5公里的距離約需3小時便可輕鬆完成。
起點在川龍林道中間，終點是城門水塘賞蝶園旁。
路線起伏不多，指示清晰，而且遍滿蔭林，是非常適合新手的初階路線，而這類樹蔭較多的路線更適合在夏日行走。
景色方面，龍門郊遊徑以林景為主，而中途可以欣賞開揚的荃灣景觀，景色中規中舉。但由於路線輕鬆易走。
今次出車路線由華哥決定，依條路線前半段華哥、米高同Calvin上次都踩過架啦。 就係由大帽山山頂開始，落四方山再去大城石澗。話說上次佢地去石澗浸完水走回頭路返返大埔，好似話要推返大段上都幾甘下。 約左華哥係大圍一齊食個早餐，再call van上大山出發。今日天氣極靚，天氣晴朗得黎溫度又唔高，大約22-3度左右，好鬼適合做運動。 van 仔未去到停車場位就落車，因為上邊好多車塞住，唯有落車早少少踩上去當熱身，踩下影下相，好舒服。 天氣涼關係已經見到有D鼠尾草出現，慢慢上不經不覺就上到波頂。 波頂氣象站依家貼左D口號紅字，好似唔係咁美觀。色調太唔容入大自然吧!!
係大山頂影左幾張相，就落四方山坳，左手邊係落悟桐寨瀑布，應該踩車大部份都落唔到吧。我地就直去上四方山，中途仲同D奇石影下相。 四方山好廣闊，有好多條路可以任君選擇，但揀得唔好或技術不足就可能要落腳，依條路有挑戰得黎又好好玩，對上一次踩已經有越過一年。 其實途中都會經過上燕岩頂路口，不過又係冇上去，都係好GEE。咁就可以留返個機會下次再去。 去到差唔多準備落鉛礦坳路段，難度就大增，好多好大GEE亂石。今次我地唔會落到底，去到大約一半左右就會轉入去大城石澗徑。
今次停車位置可謂剛剛好，一停車望下右邊咁岩就係去大城石澗徑gee 路，會由大城石澗徑先去肥佬麥，途中路段會經好多石澗，大約可以踩到1/3左右，性價比一般。 中途經過左4條溪就到肥佬麥啦，肥佬麥係位於大城石澗必經之路。係肥佬麥打左一陣咭，因為天氣都涼涼地所以就唔落水啦，D水都好凍下。 繼續行大城石澗徑，中途會經過虎踨徑可落城門，但我地打算去龍門郊遊徑，所以就繼續行。中途又經過多條溪澗，最後一段落山好玩路段落完就會去到連接龍門郊遊徑路口，依段算係最好玩一段。 轉右去龍門郊遊徑C34038左右，路段立即闊左同好踩左N倍。
一開始龍門郊遊徑好多平路有D似環塘，再踩下就開始有D難度，係幾好玩。由C3408 - C3405 都差唔多可以踩到晒，原本華哥係定係C3505 轉路落返近三楝屋附近引水道。 不過踩踩下已經過左啦，之後路段由C3405 開始到C3403其實都好好踩，接近9成可踩。但過左C3403打後就開始多左要推抬路段，因為要有三座石橋要過，依3座石橋都係過大圓石澗的。 其實C3403打後少少有一條路可落引水道，有機會下次再去可以一試。整體黎講龍門郊遊徑可踩成數都算高，大約近7成半左右。最後順利出到龍門郊遊徑川龍方向入口。 依個時候要睇地圖，見到附近竟然有個小山叫芙蓉山，而且路段竟然係全落，就決定去會一會佢。去芙蓉山路全可踩，Kill 埋個標就開始落719級樓梯。 華哥先落，我拍一拍片。再打左幾張卡就開始落啦。用左新叉GEE我落左百幾級開始feel 到支叉原來太硬啦。個rebound set 得唔好(未識set) 新款2022叉 compression 同rebound 都分別有兩粒掣去調較高/低撞擊壓縮同回彈。落到3百幾級頂唔住，隻手肘震到硬左。 停低就set 下粒 low-speed rebound，將佢較去龜或者叫open 果邊，回彈速度就慢好多，今次再落就舒服好多啦。 華哥原來係低少少位等左好耐，問我咩事...哈~~ 落芙蓉山最後梯級好斜下，拍得住甚至比圓墩斜，我R底冇落到，華哥就輕鬆KO
