25°C
30°C
南風4級，間中5級。
部分時間有陽光，有一兩陣驟雨。
| 景觀： |  |
||
| 體力： |  |
||
| 難度： |  |
||
| 路線︰ | 大圍➡火炭➡黃竹洋➡針草坳➡狗肚山➡鹿山➡四色林➡松仔園➡大埔➡大圍 | ||
| 全長： | 43公里 | 需時： | 4小時 |
|
||
| 攀升：1063米 | 下降：1065米 | |
| 最高：495米 | 最低：0米 | |
狗肚山（英語：Kau To Shan，又名Cove Hill），部分土地雅稱九肚山，古稱龍窩，是香港一座山峰，位於新界沙田區火炭之西北，海拔399米。
狗肚山東部山腰位置雅稱『九肚山』，在清朝期間已有原居民居住。鄉村旁邊的土地在1970年代成為英皇御准香港賽馬會（現稱香港賽馬會）興建沙田馬場而設立的挖泥區。挖泥區現變成兩個主要地區：1980年代發展的傳統九肚山地區及2000年代發展的新九肚山地區。此地點為新界東部傳統的豪宅區，以低密度的洋房及私人住宅為主。
鹿山（英語：Luk Shan），是一座位於香港的山峰。該山的最高點達海拔408米。行政規劃上屬大埔區。山下為大埔滘松仔園一帶。
四色林徑 - 位於新界大埔滘自然護理區。香港政府於1926年開始在新界進行植林，護理區當時原稱「大埔滘植林區」；由於當時栽植的主要為馬尾松，故又稱作「松仔園」。
政府在1977年將大埔滘460公頃的土地劃作特別地區，是香港首個特別地區。有別於郊野公園，特別地區以保護自然生態為主，康樂設施相對較少。大埔滘自然護理區是香港其中一片最成熟的次生林，護理區內擁有草地、 淡水河溪及水池等多樣生境，是觀賞林鳥和蝴蝶的上佳地點。
大埔滘自然護理區內闢設了一條自然教育徑及四條林徑。自然教育徑長0.7公里；而四色林徑——紅徑、藍徑、啡（棕）徑及黃徑分別長3公里、4公里、7.5公里及10公里，四條皆為環迴路線。
話說對上一次同華哥出車，踩完之後五勞七傷，首先係支seat post 落到底升唔返上去，第二就係前叉回彈唔知幾時撞到彎左，唔可以改動。 所以上星期日就拎左架車去到老遠，元朗攪攪佢。去之前都打去問左幾間車鋪報左價同整唔整，另外就係都想換支新前叉，一黎34唔係好夠玩，二黎係舊叉都壞啦，不如換左佢好過整。 最後去左元朗雲鵬整seat post，最後整好左，原來係因為冇油啦，都用左兩年係正常，整車價錢好抵下，值得老遠都搭車黎整。 之後就去左出名多靚山地車gee 順利單車店睇下前叉，本身打算買支2021/2022 27.5 Fox 36前叉，但係無貨啦。 最後係2020同2022 叉中揀買左支最新款2022 29/27.5+ Fox 36叉，豪就豪啦，反正都會長踩。 仲換埋個原裝水檔，靚仔晒。買野係開心gee, 希望今次保養得好D，可以用耐D。
今日重陽節，本身係預出唔到車。但最後11點到5點有空檔就拿拿聲換衫出車。E個時間去長征係唔可能，但又想去D新地方玩下，最後諗到不如試下去狗肚山先， 再睇時間睇下去唔去得切鹿山落返四色路玩。首先出發踩去火炭睇下中洲新樓盤再食個靚飯，之後就途經駿洋苑打個咭。 今次都係會上針草坳先，沙田單車上針草坳應該有3條比較容易。 第1條係 穗禾路，即係去沙田十景之一獅子亭路上 第2條係 今日試GEE黃竹洋路上 第3條係 沙田道風山，友愛村上 其實三條路都係上到百多米就踩唔到，要推車/抬車上針草坳。
今次黃竹洋路上都唔算好艱難，斜度比觀坪路易亦比較短，不過亦有一少段較難要壓車頭比力上。不久去到黃竹洋村(大約200米高左右)靠左直入，直到去到左手邊一條橋。 就係開始上山GEE路段，就這開始大約上一千多級就可以去到針草坳(大約380米高左右)，推下抬下加休息就咁大約半個鐘就到啦。 去到針草坳休息同山友吹吹水後，今次唔上草山，圍住草山踩去大埔坳，全段都係石屎路，不過因為之前兩個8號波(獅子山+圓規)吹來後，地上都好多碎樹技，要右閃左避。 不一會這上上落落路段後到大埔坳，今次會往長瀝尾方向直入，去到石屎路末，就係開始上狗肚山路段。
由長瀝尾上狗肚山路段，途中只見到一位行山師兄，證明這山唔係熱門地方，師兄問我去邊後都有點驚訝，哈哈.... 開始上狗肚山路段到山頂大約80米高左右，前段都可以踩到仲幾好玩添，直到較斜位置就要推/抬車上山，上山中途好開揚，係今日最靚景地方。 打咭後就繼續上山，不久就到狗肚山頂。山頂景色好靚有廣闊景觀，其實有一條山路可以落返狗肚山村，不過較密林，而且今日要去鹿山，所以就走回頭路落山。 落山都可以踩到部份，但因為天雨關係，牛油路好冼下，改係草地落又太斜，都係安全第一推落去啦~:P 去到最後底位先上車踩安全安全~跟住要去鹿山，要先入四色路 gee 黃路。
Relive Video
