25°C
30°C
南風3至4級。
大致多雲，有幾陣驟雨。早上短暫時間有陽光，稍後雨勢有時較大及有狂風雷暴。
| 景觀： |  |
||
| 體力： |  |
||
| 難度： |  |
||
| 路線︰ | 大圍➡西沙➡北潭凹➡赤徑➡鹿赤走廊➡鹿湖郊遊徑➡上窰➡白沙澳➡南山洞➡蛇石➡蛇石坳➡深涌➡榕樹澳➡水浪窩➡西沙➡大圍 | ||
| 全長： | 76公里 | 需時： | 6¾小時 |
|
||
| 攀升：1421米 | 下降：1418米 | |
| 最高：290米 | 最低：0米 | |
鹿赤走廊 - 全段約2.5公里。 來往鹿湖至赤徑的山徑，連接鹿湖郊遊徑，屬西貢東郊野公園範圍。
農曆新年前後，鹿赤走廊及鹿湖郊遊徑的路上均可以欣賞到美艷的吊鐘花盛開。
鹿湖郊遊徑 - 連貫著西灣亭與鯽魚湖之間的山徑，山徑主要穿梭於山坳中，山徑會經過 牌額山 與 大枕蓋 山腰之間。全程山徑寬闊，途中會穿過雙鹿石澗近千絲瀑與鳴幽瀑之間等位置。
官方長度是4.7公里，需時3小時。 而「鹿湖」是一個高原，不是一個湖，位於西貢萬宜水庫以北，牌額山與大枕蓋兩山之間。
蛇石坳 - 位於西貢，高度127米，乃通往深涌、白沙澳、石屋山等地方的要道，為往來深涌與南山洞之要道。
該山坳的草叢中匿藏著兩尊大石，石上一道彎曲的粗紋隆起，宛如靈蛇盤踞，蛇紋大石為著名景點。
白沙澳青年旅社作起點，依指示往荔枝莊方向。在水泥路上走，途經南山洞的村屋。走到支路左方(右方往荔枝莊)過河續走。
蛇石位置較為隱蔽，可在未到達蛇石坳前(大約一百米)右邊的隱徑前往，不數步便見蛇石於左首。
三個星期無出車啦，除左架車生锈，連個人都退化埋。 星期六問華哥有冇團/車出，佢就好快答話不如踩下鹿湖郊遊徑加北坑/雙鹿石澗浸下水。 無上網睇過條路線就答應左，但求有車踩下。 早上約左係大水坑食早餐等，食完靚早就由西沙踩入西貢，向赤徑出發。 西貢D路上上落落，咁耐冇踩，去到赤徑都有D攰，心知今日都不妙。
去到赤徑，有新GEE 自助加水機，都幾好環保健康又慳錢，因為今次之後第二次上黎加水加到滿...正!! 落赤徑，今日D行山友好友善，我地邊落邊早晨、唔好意思、thank you，大家都好nice 笑住咁回應，真係好共融~ 落到赤徑士多，想買支棷青水，見貴忍左手。士多伯伯見我地入去鹿赤走廊，竟然話冇路架!!好彩華哥事前有行過探過路。 鹿赤走廊 上返鹿湖郊遊徑初段 都唔難推/抬，一路好順利就去到北坑，北坑源於鹿湖，匯集牌額山、大蚊山的流水，流出赤徑口。 不過今日北坑水質麻麻，好多青苔。可能係因為水量不足??見水質一般所以都冇落水浸。
繼續 鹿赤走廊，中途遇到好出名的 『帶孩在野』，一班幾歲小朋友就開始行山，而且經驗豐富，我諗比起好多大人都有所不及。 過左北坑後GEE路段開始斜，有點吃力，直到轉上梯級。D梯級好鬼死大級，行到我比華哥遠遠拋離，仲大脾少少老抽添。 問華哥借出比廢bird的安美露後就鬆返。去到接上鹿湖郊遊徑，都仲要抬少少，直到去到最高位大約280米左右吧，就著得pad開始落山啦。 華哥仲有單拖行落奔槽瀑，探完都係唔多水同有青苔，所以冇去浸水。落山路段都好多梯級，落到手弱，支震好似唔夠頂，其實係個人都唔夠頂。 中間都推左幾段，叫做順利安全落到底，落到去就係北潭路近麥理浩夫人渡假村。
落左山休息後，諗緊去黃石開飯定去上窰開飯，一睇地圖都係去上窰安全。 係發記食左個好正GEE餐蛋麵同咸檸7後就起行去白沙澳。踩去白沙澳依段路都幾吃力下，先要再爬上赤徑，去加加水。 落返條好爽GEE大斜路，再要爬返上猴塘溪大灘，再落去白沙澳。 話說蛇石坳依條路都未玩過，以前未入山成日見到有山車團搭船入荔枝莊，再踩出深涌/白沙澳。果陣已經想踩返次，點知要幾年後依家冇乜人踩先黎踩。
白沙澳去荔枝莊都係石屎村路小徑黎，好好踩。過左荔枝莊分岔口往蛇石路開始變成泥路、亂石路等不同路況。都免強有部份踩到，但係就唔順。 話明蛇石坳，點都要搵下蛇石，原來已經過左，好有心咁返轉頭去打卡，點知都唔係好似。去到一個好出名要抬車GEE位，諗住幫華哥手，誰知佢已經連人帶車抬左上去，勁抽!! 我就叫佢幫手抬上去...哈哈哈哈。最後見到一條小溪，都幾清，見仲有時間就嘆下。嘆完就落山去返香港少有大草地 深涌，打左幾張卡走人。 由深涌 出返水浪窩條路都幾長，如果人行真係要成個鐘以上。出到公廁位，有位Road bike 師兄話想跟我地一齊出返烏溪沙，點知踩左一陣就唔見左人，唔知係咪我地太快定點!! 最後係小明哥介紹gee 你的廚房開餐，劃上圓美句號。
Relive Video
