notification icon

最低氣溫16°C 最高氣溫21°C 風勢北風4至5級,離岸間中6級。
預測Icon 大致多雲。早晚天氣清涼。下午部分時間有陽光及乾燥。

總瀏覽量

00614

白虎山 老鼠嶺 木湖瓦窰 圓嶺仔加入我的最愛

2021-09-12
路線地圖
景觀: view
體力: difficult
難度: lv
路線︰ 粉嶺➡坪輋路➡蓮麻坑路➡麥景陶(白虎山)➡蓮麻坑路➡週田村➡老鼠嶺➡麥景陶(瓦窰)➡木湖瓦窰➡圓嶺仔➡麥景陶(南坑)➡虎地坳道➡上水
全長: 34公里 需時: 3¾小時
攀升:427米  下降:440米  最高:76米  最低:0米<br>海拔高度值只供參考 會因氣壓測量而有誤差
  攀升:427米 下降:440米
  最高:76米 最低:0米
路況:
 
山徑10%
樓梯10%
鄉郊小徑30%
單車徑10%
馬路30%
幼沙10%
坡度:
 
攀升 427 (50%)
下降 440米 (50%)
曝曬:
 
20%
A A A
A A A

麥景陶碉堡 是於1949年至1953年間興建的香港警察隊警崗,共有7座,分別位於香港邊境禁區內多座山嶺上,於英屬香港時期用以監視中國解放軍及深圳河邊界對岸的形勢。


7座麥景陶碉堡位於新界北總區,由東至西包括

- 伯公坳(沙頭角)

- 礦山(蓮麻坑)

- 白虎山(香園圍)

- 瓦窰(打鼓嶺)

- 南坑(文錦渡)

- 馬草壟(落馬洲)

- 擔竿洲(米埔)

根據《邊境禁區修訂令2015》,以上碉堡已於2016年1月4日第三階段邊境禁區縮減之同時,全數剔出禁區範圍外。但是,由於保安理由,碉堡仍然不會對外開放。7座建築物設計相似,為兩層高建築物,頂層為八邊形或圓形設計,皆望向北方以臨視深圳河以北局勢。碉堡外有鐵絲網包圍,設有生活區(煮食區、休息室、洗手間)、發電機房、水塔、更有防彈牆作防衛用途。

 

白虎山 - 舊作白花山,標高98米,位處香港北面邊陲,倚深圳河以南,可以說是香港最北的制高點,是香港四極中的「北極」,曾為禁區,近年解封。今白虎山之碉堡位處山頂東面,監視着昔日一片荒蕪的蓮塘口岸。

 

老鼠嶺 - 高海拔75米,位於新界北臨近邊境文錦渡的一座小山丘,山頂以北有一座麥景陶碉堡(瓦窰)。

 

沙嶺 - 位於文錦渡與羅湖之間的一個小山崗,標高129米,被政府劃為墳場,依山而建,當中有一墳場名為「沙嶺公墓」,是香港唯一的公墓,安葬無人認領的遺體,甚至可以看見名字也不知道,只能刻上編號的無名墓碑。

 

 

白虎山 老鼠嶺 木湖瓦窰 圓嶺仔 76
白虎山 老鼠嶺 木湖瓦窰 圓嶺仔 1

好耐冇開返D簡單路線同車友一齊踩,今次決定Plan 條簡單冇咁多推抬山gee路線郊遊一下。 係心中其實都有好多地方未去過,今次諗起北區7座麥景陶碉堡,今次本身打算去其中4個(白虎山、瓦窰、南坑、馬草壟)再加老鼠嶺同牛角山 因為伯公坳好難去要爆爆地林,而礦山亦即係係紅花嶺上去要爬高,及係米埔擔竿洲GEE有比魚咬風險,所以都唔去。 一早問左幾位一齊踩開GEE師兄同大師,但最後因各原因得偉哥出席到,今次仲有鐵膽華哥同Calvin。

白虎山 老鼠嶺 木湖瓦窰 圓嶺仔 16
白虎山 老鼠嶺 木湖瓦窰 圓嶺仔 17

今日天氣好好,陽光普照。一朝早搭火車去到粉嶺,偉哥已經到左,一齊食個靚早餐齊人出發。 第一個先去白虎山碉堡,先踩去坪輋路再去蓮麻坑路。途經新開蓮塘口岸,因為封關所以冇人,第日唔知可唔可以拎單車直接係依度過境返大陸。 踩左一段蓮麻坑路,左手邊有個路口上斜就係上白虎山gee 路,白虎山唔高得98米,上到去見到三位師兄係度,仲幫我地影相,very good~ Calvin、華哥同我都拎埋單車上碉堡,不過拎上去影相都一般,踩樓梯落返黎後。睇地圖發覺另一條路應該係可以去到白虎山標高柱。 我地就再次上去探一探,去到山頂可以望晒整個蓮塘口岸及內地。但搵左一陣都搵唔到個標高柱,仲以為係冇,但返去上網查返係有,可能係草大高同密所以睇唔到。

白虎山 老鼠嶺 木湖瓦窰 圓嶺仔 31
白虎山 老鼠嶺 木湖瓦窰 圓嶺仔 32

落返去join 返偉哥,就一齊落山踩回頭路去返蓮麻坑路及坪輋路路口,仲途仲去左士多補給飲返罐汔水。 飲完汔水休息完就出發上老鼠嶺,經鳳凰湖入週田村去到嶺英公立學校,係學校後邊有條上山路就係上老鼠嶺。 老鼠嶺得75米高,推上去都唔算好辛苦,只係有一個位置比較斜較費力。上到老鼠嶺天氣炎熱大家都休息下,係老鼠嶺落瓦窰碉堡都係密林路。 半推半踩咁去到,中途偉哥狀態都一般,就好似我平時跟華哥踩咁追到半死,不過之後就食粒糖同飲野就回覆狀態,仲勁左。 What doesn't kill you makes you stronger就係咁解~ 係瓦窰碉堡打完卡,就去木湖瓦窰搵窰洞景點。搵左都一段時間先搵到,Calvin好勇猛咁帶頭入去,入邊好多蚊同蝙蝠,地上滿佈蝙蝠屎尿。 忍受住咁快快手影左張相,拿拿聲出返去,點知Calvin 話想拎燈照下有幾多蝙蝠,真係好野!!服左佢~ 原來真係好多,成個窰頂都係,有成百幾二百隻左右掛~

白虎山 老鼠嶺 木湖瓦窰 圓嶺仔 46
白虎山 老鼠嶺 木湖瓦窰 圓嶺仔 47

離開依個攪到周身痕gee地方之後就去沙嶺方向,去到沙嶺山下見到大興土木,原來係起緊新墓地火化之類野。我地係沙嶺山下士多買野飲, 老闆娘好健談又教路教我地點上碉堡,又請我地食西瓜,十分nice~告別老闆娘後,我地就上沙嶺出發,推車上樓梯後上到去發現一個好大GEE工地。 沙泥機器滿怖,真係有大型工程。係入邊踩住單車都幾特別,同時亦好小心睇下有冇釘之類GEE野!! 最後比我地搵到南坑碉堡,圍住佢轉左個圈再上左圓嶺仔標高柱,好好view~~同D機器影相留念就落山。

白虎山 老鼠嶺 木湖瓦窰 圓嶺仔 61
白虎山 老鼠嶺 木湖瓦窰 圓嶺仔 62

離開圓嶺仔,走沙嶺路行老闆娘教路GEE路線去羅湖道,經文錦渡大水管,去虎地坳道順利回程。 返到去上水,華哥帶路食好西,點知間野執左,改食其他~ 今次路線對我黎講幾正,因為好多地方都未去過。但原來經驗老到GEE Cavlin 差唔多全部都去過,真係利害!! 其實上網睇之前有師兄Roger拎單車一次去晒7個碉堡,果然強勁。 不過今日咁樣分開去輕鬆又係另一種玩法~各有各好~遲下再去埋未去過GEE碉堡(擔竿洲、伯公坳)~

相關影片(Related Video)

cover-youtube
GoPro HK MTB Channel : [精選] 7.1.2016 轟炸917梯級及沙嶺邊境
cover-youtube
【秘景豚】木湖瓦窰 & 大水管|香港單車|帶你輕鬆遊北區
cover-youtube
木湖瓦窰 瓦窰村
cover-youtube
160724鏡蓉書院,白虎山 單車


【 白虎山 老鼠嶺 木湖瓦窰 圓嶺仔 】
路線地圖


Back to Top

searchbtn
首頁 路線搜尋器 路線地圖 全港山峰 登入 免責聲明