notification icon

最低氣溫17°C 最高氣溫22°C 風勢東北風4級,稍後東風4至5級。
預測Icon 部分時間有陽光及乾燥。早上清涼。

總瀏覽量

00662

橫七古道 橫涌石澗 南涌郊遊徑 屏南石澗

2021-08-01
路線地圖
景觀: view
體力: difficult
難度: lv
路線︰ 新娘潭➡八仙嶺自然徑➡橫涌石澗➡橫七古道➡七木橋➡鹿頸村➡南涌➡南涌郊游徑➡屏南石澗➡丹竹坑➡鶴藪郊遊徑➡布格仔路➡龍躍頭➡粉嶺
全長: 23公里 需時: 3½小時
攀升:822米  下降:890米  最高:407米  最低:0米<br>海拔高度值只供參考 會因氣壓測量而有誤差
  攀升:822米 下降:890米
  最高:407米 最低:0米
路況:
 
山徑40%
樓梯20%
鄉郊小徑10%
馬路10%
石板路20%
坡度:
 
攀升 822 (50%)
下降 890米 (50%)
曝曬:
 
60%
A A A
A A A

橫七古道 位於八仙嶺東北方山腰,山徑連接尤德亭、七木橋、以及荒廢舊村橫山腳。當中以尤德亭景觀較開揚,可鳥瞰鹿頸南涌以及沙頭角海一帶。途中有多條支路連接黃嶺、烏蛟騰及新娘潭等地方。為往日八仙嶺附近的橫山上下村與七木橋上下村來往的通道,雖然村落現已荒廢,但古道鋪設完整,更是衛奕信徑十段路線,是一條相當完善的行山路線。
景色方面,橫七古道穿梭昔日廢村之間,可略略體會過往村落鄕村風情;走至近南涌路段,除可在橋山橋看到洶湧澎湃的屏嘉石澗外,更可於尤德亭欣賞到南涌至大陸鹽田的開揚景色;有行山經驗者,亦可走小路到秘景石板潭,見識獨特的天然壺穴瀑布,景色非常豐富。
難度方面,路線全長約8公里,長度適中,除起始起步要走約1公里上坡路外,路線都以平路或下坡為主,難度不高;由於橫七古道為衛奕信徑十段路線,鋪設及指示非常完善,新手都相當適合行走。至於石板潭,由於要走小路及石澗,需手腳並用攀爬,雨天時更需注意洪水,新手並不推薦。
整體而言,橫七古道是一條新手可行的中長度路線,景色豐富,十分推介。

有網站介紹在大尾督走八仙嶺自然教育徑出發,但個人認為八仙嶺自然教育徑頗為納悶,建議由新浪潭的仙嶺自然教育徑入口會更佳,一來可上坡較少及路程較短,二來可省去沒什看頭的八仙嶺自然教育徑,走起上來會比較起勁。

橫涌石澗(八仙嶺至龍珠瀑)難度:第三級 特色:怪石嶙峋。橫涌石澗是九大石澗中一條幽美而難度不高的石澗,相信各位行友已熟知其旅遊路線及景點.龍珠瀑為全澗主瀑,絲絲白水瀉下崖壁,為澗途添一雄偉景觀。橫涌石澗,源起黃嶺以西,流經橫山腳村成一大澗至涌尾入船灣淡水湖,為九大石澗之一,下源林蔭景秀,但較滑難走,中段石澗疊起至龍珠瀑,極具氣勢,上段較緩的澗途稱為繞絲溪,水清景秀,風光明媚。

南涌郊遊徑 沿路穿越的屏南石澗則有不同的蜻蜓。繞過龜頭嶺,便看見丹竹坑與新屋仔村,散落在丹竹坑的耕地、水道、荷花池、果園和濕地,是觀賞蝴蝶、蜻蜓的地點。野生動物與零星的村落與農田共處在這片淡水濕地上。難度方面,南涌郊遊徑鋪設清晰,沿路都有樹蔭遮蔭,但需要上落400多米,是中上難度的郊遊徑入門路線。景色方面,路線最大特色是近南涌入口會穿過屏南石澗,大可以在夏天時屏南石澗的水潭嬉水消暑,而往丹竹坑下山時,亦可俯瞰鶴藪排至中國大陸的開揚景色,但沿途大部份景色都會被樹木阻擋,但以蔭林路徑來說,整體景色算是不錯。

屏南石澗  (俗稱「死神石澗」) 位於粉嶺鹿頸,為香港九大石澗之一,水源自屏風山,流向南涌,因而得名。

屏南石澗位於八仙嶺北山麓,八仙嶺郊野公園之內,由龜頭嶺直落鹿頸南涌河,遊人大多在南涌村衞奕信徑第十段近河道閘門附近起步,沿石澗登山,途經大小水潭、瀑布,時而手腳並用,徒步約三小時方可到達。

屏南石澗吸引之處,是沿途有多個大小不一的美麗水潭,天朗氣清時潭水清澈風光明媚,另外亦有部份岩石長期受溪水沖刷成壺穴,造成澗水穿石而過奇景,非常有趣吸引。不少人更在夏天攀登屏南石澗,沿途遊山玩水,天氣太熱便泡浸潭水消暑,享受透心涼感覺。但若遇上事前未能預測的突發性區域暴雨,石澗隨時變險境,洪水沿山麓暴發而至,遊人可能走避不及,性命不保。

橫七古道 橫涌石澗 南涌郊遊徑 屏南石澗 76
橫七古道 橫涌石澗 南涌郊遊徑 屏南石澗 1

對上一次出車已經係接近一個月前啦。天氣炎熱,仲記得上次出車難忘經歷。又唔夠水又出汗疹。 今次出車有奇雲,米高,華哥同我4人行。 依次華哥帶隊,一早係幾日之前已經探路去睇定點入橫涌石澗,唔知係咪真係大蛇灣後,所以穩陣左...哈哈哈! 一早係粉嶺一齊食早餐,今日亦係消費卷可以拎取的頭一天。 OK便利店外大排人龍,原來因為拎消費卷可以拎到20蚊OK現金卷。 早左少少去到就坐低慢慢叫個餐食,食野吹水都一個鐘。 最後call van 直接入新娘潭,我都幾支持依個決定。 一黎天氣熱,平路入又悶,留返D力踩之後好玩路段。 加上有4個人入去,除返開夠平呀。

橫七古道 橫涌石澗 南涌郊遊徑 屏南石澗 16
橫七古道 橫涌石澗 南涌郊遊徑 屏南石澗 17

落車後襟左支可樂就出發,起點係新娘潭巴士站附近。 依條路係八仙嶺自然教育徑,係上返橫七古道,以前自己落過一次,好多梯級。今次係第一次抬上,華哥預計15-20分鐘可以上到去。 的確真係依個時間,話晒係出發大家都有體力。 好快就去到入橫涌石澗入口。二話不說就換裝,今次帶左條BALL褲去玩/游水。 橫涌石澗好好水,果然係香港九大石間之一。而且佢難度真係幾低,路闊又平,我地推住單車入去都好輕鬆。 係石澗打卡,游水,睇魚,睇水草,探索下咁,玩左接近兩個鐘,不亦樂乎。

橫七古道 橫涌石澗 南涌郊遊徑 屏南石澗 31
橫七古道 橫涌石澗 南涌郊遊徑 屏南石澗 32

玩到夠皮,差唔多點幾啦,係時候踩返段山路爽一爽,依段路好正下,差唔多全部可以踩到,比較緩~~ 一直由橫七腳上村、下村,再到七木橋上,下,最後落石板路去返鹿頸村。 落就真係好快。不一會就落到去。去左BB食餐食晏~叫左個出名gee All day 加可樂!

橫七古道 橫涌石澗 南涌郊遊徑 屏南石澗 46
橫七古道 橫涌石澗 南涌郊遊徑 屏南石澗 47

食完都差唔多3點7,8啦,諗梗仲踩定係走人。最後決定玩埋南涌郊遊徑,原來我係未行過。 一開始就要抬一段20分鐘左右,去到屏南石澗中段左右,拿拿聲又換裝落水浸下降降溫。 同橫七石澗比,屏南難度看來高D,水源都好充足。我地係路旁水池浸下便心足了, 始終要留力為一陣上山路段。浸飽左又上路,浸完水再起步,開始心力不繼啦,睇住華哥、米高遠遠拋離。 少左踩車抬山體力果然係比下去,奇雲轉過頭都過左我啦,靠意志一直上,我估慢佢地2分鐘左右啦都上到去。

橫七古道 橫涌石澗 南涌郊遊徑 屏南石澗 61
橫七古道 橫涌石澗 南涌郊遊徑 屏南石澗 62

去到山頂,我亦到頂。米高派福利有龍眼,正想起步時,佢部車個seat 通有問題,原來條威也斷左。 華哥有工具搞唔掂,但可以set 到最低咁落山都OK呀。開始落山,時間都六點後了,天有點黑。 落山路段都幾激,近山頂路段超滑,要好小心唔可以太多後brake。其實連頭brake 都唔可以太死,怕冼就推左兩個位。 過左冼路後就係,我最怕GEE石板梯路段,雖然佢左水邊都有小小山路可走,但始終好多位要去返板梯先落到。 心理上之前吸過車有包伏,有D冇信心位置都係推車過算。眼見華哥、米高老早落左去,過多一個彎後奇雲都消失於眼前。 自己知自己事,慢慢落唔洗急,唔係為左追車而大意。天黑加上仲帶住副全視線眼鏡,更加小心!!!因為有D路睇得唔清, 激烈路段過左,去到最尾段,小心翼翼順利安全完成,雖然慢但係好玩!!安全先拎到冠軍...哈哈~安慰下自己~ 開心落山後就經多條村路(鶴藪郊遊徑、布格仔路同龍躍頭)返粉嶺。完成一天開心旅程!

相關影片(Related Video)

cover-youtube
2013年7月14日 南涌郊遊徑 part1
cover-youtube
2013年7月14日 南涌郊遊徑 part2
cover-youtube
2013年7月14日 南涌郊遊徑 part3


【 橫七古道 橫涌石澗 南涌郊遊徑 屏南石澗 】
路線地圖



【 橫七古道 橫涌石澗 南涌郊遊徑 屏南石澗 】
路線GPX下載


Back to Top

searchbtn
首頁 路線搜尋器 路線地圖 全港山峰 登入 免責聲明
PlayStore MSStore