notification icon

最低氣溫23°C 最高氣溫29°C 風勢微風2級。
預測Icon 部分時間有陽光。下午炎熱,局部地區有驟雨。晚上沿岸有薄霧。

總瀏覽量

00857

圓墩郊遊徑 桃坑峒 屯赤

2021-02-28
路線地圖
景觀: view
體力: difficult
難度: lv
路線︰ 錦上路➡河背村➡河背➡圓墩郊遊徑➡桃坑峒➡大欖水塘➡大欖➡屯赤隧道➡屯門
全長: 43公里 需時: 4¾小時
攀升:1297米  下降:1299米  最高:344米  最低:0米<br>海拔高度值只供參考 會因氣壓測量而有誤差
  攀升:1297米 下降:1299米
  最高:344米 最低:0米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 1297 (50%)
下降 1299米 (50%)
曝曬:
 
60%
A A A
A A A

圓墩郊遊徑 位處大欖郊野公園,由青龍頭出發,經過深井聚水塘,沿青龍頭引水道向上走,不久就抵達圓墩。圓墩原是一個村落,現已改作民安隊訓練營地。當局保留了數座圓墩村客家村屋,讓遊人懷緬昔日圓墩村的景況。

往後的路段大多是林蔭小徑,雖然大欖一帶都是以植林區為主,但不少的本土植物亦佔據一些地帶,為本地的生物提供食物。沿途除了欣賞植物之餘,不妨也留意一下身邊出現的昆蟲。
 
當山路變得開揚,走得更高時,可以欣賞大欖涌水塘一帶優美景色。走到圓墩郊遊徑的終點,可依著路牌走,到永吉橋附近的草地休憩場地。要離開這裡,有頗多不同的山路小徑可供選擇,但不少要花上個多小時的步程,一定要預留充足時間,避免日落西山後仍未走到出路。

 

圓墩村 是香港一條鄉村,位於新界荃灣區青龍頭,為荃灣鄉事委員會屬下一客家村落,祖籍為嘉應州五華(舊稱長樂);舊村位於荃灣青山公路青龍頭高達海拔230米的山上,現為民安隊圓墩訓練營,而一排古老圓墩村古屋則被保留,全村村民於1970年代搬到現時山下青山公路龍如路旁的位置,村口有牌坊,對聯:「逢迎遠近逍遙過,進退連還達道通」,全部14個字部首皆為辵部。

 

桃坑峒(英語:To Hang Tung)是香港一座山峰,位於新界大欖郊野公園,鄰近屯門掃管笏。主峰高度344米。

 

屯門至赤鱲角連接路(英語:Tuen Mun–Chek Lap Kok Link),簡稱屯赤連接路、屯赤路,屬於港珠澳大橋香港段相關工程一部分,連接新界屯門區第40區及離島區大嶼山,市民可以更直接地從新界西北前往東涌、港珠澳大橋香港口岸和香港國際機場。

連接路分為南北兩部分,南面連接路稱順朗路(英語:Shun Long Road)。順朗路連接北大嶼山公路往返市區的路段於2018年10月24日與港珠澳大橋同步啟用,通往東涌支路於2018年11月30日開放。

北面連接路稱屯門赤鱲角隧道公路[5](英語:Tuen Mun Chek Lap Kok Tunnel Road),簡稱屯赤隧道,於2020年12月27日早上8時通車。屯赤隧道通車後,北大嶼山公路和青嶼幹線不再是連接大嶼山和機場的唯一對外道路,亦取消對道路的收費。

屯赤隧道刷新了多項香港紀錄,分別是取代龍山隧道成為香港最長行車隧道、香港首條建設於維多利亞港範圍外並且兩端出入口均位於新界區的海底隧道、香港首條免費的海底隧道、香港首條以鑽挖方式建造(而非以沉管方式建造)的海底隧道、香港首條由法國承建商(香港寶嘉建築)興建的海底隧道,以及香港繼1972年通車的紅磡海底隧道後,相隔48年後再度由非日本承建商興建的海底隧道。同時,工程中使用的鑽頭長達17.6公尺直徑隧道鑽挖機,是世界最大型的隧道鑽挖機。

 

圓墩郊遊徑 桃坑峒 屯赤 77
圓墩郊遊徑 桃坑峒 屯赤 1

話說都未諗到有乜地方好踩,華哥就plan 左一條路線,就係踩逆圓墩全段 + 桃坑峒,都幾好因為圓墩整條都係可以踩得到,桃坑峒我連行山都未去過。 一朝早自己係大圍食個食餐先,之後搭車去錦上路join 埋華哥。先由錦上路去河背村,踩上河背水塘,再踩上河背路口,依段路全都係踩上,都幾攰下。 係路口休息下先再出發。 平時就大機會踩逆軚,但今次就踩河背舊路,依段路都幾好玩,又係可以全程踩,當然我廢bird 都有落下腳。 出返石屎路,就會見到好大個標誌禁止單車,而依段路其實就係落返河背村,以前已經好多師兄奇怪這個做法。 因為E條路係出河背村最快最直接的,如果不選它出河背村又要入返山。

圓墩郊遊徑 桃坑峒 屯赤 16
圓墩郊遊徑 桃坑峒 屯赤 17

上返石屎路,就踩去圓墩,今次會逆圓墩,即係會上暗斜踩圓墩郊遊徑全段。如果順走圓墩郊遊徑好多車友,特別係新手都好鐘意玩,因為佢坡度較緩,難道較低,路闊,可以較高速。 踩起黎好順暢,對好多踩山車人黎講順暢連貫性係好重要。我地逆上圓墩期間都遇到兩個對頭小朋友自己踩,真係開心,年紀輕輕就可以有架軟架車入山玩。 雖然話圓墩E條路好靚,但keep 住緩緩上斜都踩到出晒汗,中途亦有幾個技術位要過。整條路都好陰涼,夏天踩都冇乜問題,中後段仲有好靚GEE竹林可以打咭。 我估用左大約半個鐘左右踩出返大欖林道~不經不覺都爬升左大約120米左右。

圓墩郊遊徑 桃坑峒 屯赤 32
圓墩郊遊徑 桃坑峒 屯赤 33

大欖林道石屎路口位打左幾張咭,就繼續踩圓墩郊遊徑,依個時候係開始下坡,由210米落到170米左右,中途會見到好特別扇形石級。 石況都係泥路加少許梯級,都幾好踩下,中途會經過鋪得好靚gee木橋。 踩完落之後就要上返,由170米上返230米,依段路有一半左右踩到,踩唔到都可以推,所以唔係好費力氣。不久就去到圓墩郊遊徑同上桃坑峒路口 會見到有好心人係木頭上邊標記左去桃坑峒同去圓墩營或者水塘方向。 轉左入去上桃坑峒路,不過依段路就唔係講玩啦。起初路況還好是泥路,越行越密林,後期直頭密到見唔到架車...哈哈~ 過左密林後,就好開揚,但唔好開心,因為條上山路好斜有D崎嶇,抬到半死,終於見到桃坑峒個標高柱啦!! 桃坑峒山頂位置好靚可以望到整個大欖水塘。打完咭後就準備落山~

圓墩郊遊徑 桃坑峒 屯赤 47
圓墩郊遊徑 桃坑峒 屯赤 48

原訂華哥係打算由山路落去大欖波波,我地一開始試左落依條路,落左10分鐘,唔對路喎~條路落都可以咁難....難到係十分鐘落左不足300米。 真係好斜同見到前邊係一個深谷,我地決定放棄依條路。快快趣回頭上返去山頂先。又用左10分鐘多D上返去。 最後睇地圖見到有條梯級可以落返大欖水塘,就開始落啦。條梯都唔易落,幾斜下。最後安全順利落返山出返大欖涌村。 係村度食個飯,見有時間就決定一陣去睇下屯赤依個新景點。

圓墩郊遊徑 桃坑峒 屯赤 62
圓墩郊遊徑 桃坑峒 屯赤 63

慢慢踩青公去屯門,沿單車徑踩一段路就入到屯赤,屯赤果然係新景點好多唔同人黎遊車河、踩單車、野餐或者打咭。 去到屯赤大草地仲遇到另一位華哥,原來佢係度練緊控滑翔傘。吹下水後同係屯赤打下咭就回程,去返屯門搭車歸家。 華哥就踩返去,強勁~

相關影片(Related Video)

cover-youtube
挑坑峒山腳起步(1)
cover-youtube
挑坑峒到344米標高處(2)
cover-youtube
挑坑峒山頂落地面(3)


【 圓墩郊遊徑 桃坑峒 屯赤 】
路線地圖



【 圓墩郊遊徑 桃坑峒 屯赤 】
路線GPX下載


Back to Top

searchbtn
首頁 路線搜尋器 路線地圖 全港山峰 登入 免責聲明
PlayStore MSStore