notification icon

最低氣溫28°C 最高氣溫32°C 風勢東風3至4級。
預測Icon 天晴,但局部地區有驟雨。日間炎熱。

總瀏覽量

00866

箕勒仔 北大刀屻 大刀屻 社山加入我的最愛

2021-02-21
總瀏覽 865 次
路線地圖
景觀: view
體力: difficult
難度: lv
路線︰ 粉嶺站➡蝴蝶山徑/畫眉徑➡箕勒仔/畫眉山➡北大刀屻➡大刀屻➡林錦公路➡林村➡社山神木➡社山➡蓮澳➡大埔➡大圍
全長: 38公里 需時: 4¼小時
攀升:939米  下降:951米  最高:577米  最低:0米<br>海拔高度值只供參考 會因氣壓測量而有誤差
  攀升:939米 下降:951米
  最高:577米 最低:0米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 939 (50%)
下降 951米 (50%)
曝曬:
 
60%
A A A
A A A

蝴蝶山香港一山,喺新界粉嶺,英文寫Wu Tip Shan。山高約五十米,頂上有亭,東便同南便山腳有蝴蝶山村,東北山腳有蓬瀛仙館。山有徑上山頭箕勒仔,為晨運客常經之路。山上有詠春宗師葉問之墓。

山北有蝴蝶山路,不過馬路唔上山,只喺山腳。上山有幾條徑,其一條叫蝴蝶山行山徑,喺蓬瀛仙館側邊,田心休憩處停車場嗰邊上,近百和路。另一條蝴蝶山路近寶生園養蜂場上。

蝴蝶山腳有好幾間學校,北便有中華基督教會基新中學,蝴蝶山路頭,西南便有粉嶺救恩書院、聖芳濟各書院、佛教普光學校。另有一間老人院,恩怡護老之家,喺東北方。而警察機動部隊總部,亦設喺蝴蝶山西側山腳。南便山腳處,有蝴蝶山休憩處。

 

箕勒仔 - 香港一山,喺新界和合石同大隴之間,為山脈一部份,東北同西南向,英文叫Kei Lak Tsai。山高二百五十六米三,頂西南有觀景臺。

西北蝴蝶山有山徑來,舖咗石屎,西面昌盛苑亦有山徑來,叫畫眉徑,都舖咗石屎。而箕勒仔觀景臺,西南沿山脊行折南,就到北大刀岃。中間叉開條徑,西走分脊落營盤,可以去粉錦公路。

北大刀岃Turret Rock Pak Tai To Yan),又寫北大刀屻,舊誤聽爲北大頭羊(Tai Tan Yang (North)或Tai Tau Yan (North)),係香港一山,高 479 米。佢喺新界中部偏北,林村以北,大窩以西,和合石以南。行政上係大埔區、元朗區同北區嘅地界。部份地劃入林村郊野公園之內。同東南面大刀岃,一脈相承。之所叫大刀岃,皆因山脊兩側,都係懸崖或斜坡,形似大刀向天。

北大刀岃同大刀岃,係同一山體,北大刀岃佔山體東北部。山體走向,西南到東北,由林村到粉嶺。佢東側係大窩谷地,西側係打石湖嘅谷地。佢東西都有山平而走,東面對住九龍坑山,西面對住鷄公嶺。

北大刀岃北邊尾,畀和合石谷叉兩邊,北支過箕勒仔尾落蝴蝶山,東支係和合石墳場。蝴蝶山好近粉嶺火車站。而東側山下,有南華莆、泰享、坑下甫等村。西側南有牛牯角,而山腳有打石湖、營盤、大壟等村

大刀屻(英語:Tai To Yan),是香港的一座山,位於新界北部林村郊野公園內,主峰高566米,跨越北區、大埔區和元朗區。大刀屻山脊兩側都是懸崖或斜坡,形狀像刀刃向上的一張刀,故得其名。

大刀屻有兩個主要山峰,北面副峰名爲「北大刀屻」,南面主峰正式名稱亦爲「大刀屻」,為分辨二者,大刀屻主峰又被坊間稱為南大刀屻。

大刀屻曾經是香港著名險峰,主峰以南沿山脊線延伸的一段山徑沙浮石滑且非常狹窄,兩邊都是近乎懸崖的斜坡,僅夠二人通過,早年被行山人士譽爲「天險」,曾發生墮崖事故,後來香港政府於險處加建金屬鐵鏈欄杆,被行山界雅稱爲「金銀橋」,政府亦修整容易滑坡的山徑路段,山徑已變得相對平坦易走,加上近年香港行山風氣熾熱,舊時雜草叢生的山徑經過遊人頻繁踩踏後已變得清晰明顯,故大刀屻山脊線主徑現今已幾近無險,但其他循山坡攀升的野徑仍有一定危險。

大刀屻主峰東北方有一溪谷名爲「牛牯角」(英語:Ngau Kwu Kok),清中葉時有宋張二氏從嘉應( 今天的梅州市)五華遷居至此建村,後因人丁繁衍,耕地不足,約百年前舉村遷到谷外的打石湖,牛牯角逐漸荒廢,爲密林所覆蓋,僅餘一些殘留建築,不過山谷下部近打石湖村部分仍有農田,山坡上亦可見梯田的痕跡,流淌谷內的溪流發源於大刀屻近山頂處,爲雙魚河的上源。

大刀屻又名橫台山,因大刀屻主峰和副峰北大刀屻高度相近,遠看兩個山峰之間的山脊線像連成一條直線,山體猶如一個平台而得名。目前,橫台山一帶有多條政府認可原居民村落、數條非原居民村落,以及低密度私人屋苑。

 

社山 - 香港一山,標高195米,位於大埔西面山區,為大帽山東北一脈。北為林村谷地,有社山村,南有谷地蓮坳,東有大埔濾水廠。蓮坳有山徑通往社山村。

社山村一邊,有社山風水林,法定具特殊科學價值地點。

箕勒仔 北大刀屻 大刀屻 社山
箕勒仔 北大刀屻 大刀屻 社山

今次出車又係同華哥兩條友仔,今日會試下踩大刃屻。之前都試過踩由牛牯嶺上北大刃屻,但係未試過上到大刀屻頂同由蝴蝶山上。 華哥作為粉嶺地膽就當然已經踩過啦,不過聽佢講之前踩落返嘉道理都炒過車,所以今次有心理準備唔好亂黎,又係果句安全第一,長踩長有~ 一朝早就同華哥先係粉嶺一起食個靚早餐先,然後就出發。

箕勒仔 北大刀屻 大刀屻 社山
箕勒仔 北大刀屻 大刀屻 社山

過左火車站落隧道後就去到蝴蝶山徑入口,就係由依道開始上山啦。先跟住條石屎路慢慢踩上,好快就去到幾十米高gee 蝴蝶山,會見到一個拱型蝴蝶山行山徑門牌。 過左蝴蝶山後,由遠處聽到有直升機聲音,聽行山客講原來有行山人仕整親落唔到山,所以上邊有好多消防同警察,因為位置較入,所以要call 飛行服務。 我地就繼續留意住沿途慢慢踩上,蝴蝶山徑都有點斜,一路踩到樓梯口,右邊會見到條泥路都係可以上到山,比起抬/推樓梯好好多,信相如果係落係可以踩到。 一直上到康樂亭 『旭日東昇山遠景近 皓月南照海闊天空』 休息下,加睇定D上邊消防同警察。最後都係冇等佢地走就照上去啦,好快就去到一座標高柱,原來依度就係256米高的箕勒仔。 原來上箕勒仔仲有另一條路上,叫畫眉徑,由聖芳濟各書院旁上山,佢都係鋪咗石屎,有機會搵次可以係果邊上下。

箕勒仔 北大刀屻 大刀屻 社山
箕勒仔 北大刀屻 大刀屻 社山

過左箕勒仔就有一條好平gee 山路,十分好踩。 一直去到分叉口,右手邊係落營盤,之前就係果邊落去多,係幾好玩gee山路黎,而左手邊就係去牛牯嶺/北大刀刃,今次我地就會去北大刀屻,所以轉左。 上北大刀屻前要抬一條幾十米梯級,推完就會到480米gee北大刀屻,北大刀屻頂景色好靚,而今日天氣亦好好能見度都幾高。 山頂上好多人打卡,有D山友都問我地借車影相,傾下計郊野共融一下。由北大刀屻頂開始就係好玩但亦要小心路段,這大刃屻徑路況都係碎石,乾沙泥路為主,路都幾闊。 向住大刀屻方向進發,前段都係好緩但不缺一些技術位,好好坃。一直去到大刀屻頂前先要抬一段幾十米路就到566米大刀屻。

箕勒仔 北大刀屻 大刀屻 社山
箕勒仔 北大刀屻 大刀屻 社山

首次同單車上大刀屻,梗係要打多幾張咭,係頂自拍加山友幫手影相後,就準備落山。落山路都少斜但係落到,一直去到另一打卡位 - 金銀橋, 過左金銀橋後就係比較激gee落山路段,這段落山路係乾沙泥路,唔可以鎖得太慢同唔可以太多後brake,跟住華哥落安全地著陸,一直去到尾段。 這段開始比較多樓梯位,亦係我弱頂,小心翼翼下安全落山。出返去就係林錦公路近嘉道理。未諗之後去邊,先去醫肚,直落去林村食個靚飯先。 決定到一陣去社山逛一逛,社山神木幾年前同腎少同david 去過,但係就冇上過社山。今次上去睇下咩料~~

箕勒仔 北大刀屻 大刀屻 社山
箕勒仔 北大刀屻 大刀屻 社山

由林村出發,向返上斜路去到社山路,轉入去直入社山村,去到社山村都唔係好識路,有少少踩過頭,上網睇返地圖,原來要去社山村兒童遊樂場附近。 去到遊樂場發覺路路不通,放底架車先人入去探下路,因為社山神木入邊D路爛左,但好多年都冇人整返,可能因為太多遊人去睇,村民都唔想咁多人去吧!所以一直冇整返好。 探路成功,推車入去同社山神樹影相,真係好鬼大棵,不槐為全港之冠,不過個樹況好似唔太好。 同神樹影相後就係旁邊山路上社山,都幾斜下要推上去,不久就上到195米gee 社山,上社山依段路都遇到行山友,疫情真係令到好多人行山,連冷門小山都有人行。 係社山頂影相打卡後就落山,落山路好正,係泥路好好玩但落左幾十米高左右好快就落返去蓮澳路口。 最後係石蓮路落返去,中途係半春園見到袁師父,同佢一齊地影張功夫相,完成好正gee一日。

相關影片(Related Video)

cover-youtube
大刀屻~牛牯嶺之旅(1)
cover-youtube
大刀屻~牛牯嶺之旅(2)
cover-youtube
大刀屻~牛牯嶺之旅(3)
cover-youtube
大刀屻~牛牯嶺之旅(4)
cover-youtube
大刀屻~牛牯嶺之旅(5)
cover-youtube
大刀屻~牛牯嶺之旅(7)
cover-youtube
大刀屻~牛牯嶺之旅(8)
cover-youtube
大刀屻~牛牯嶺之旅(9)
cover-youtube
大刀屻~牛牯嶺之旅(10)
cover-youtube
大刀屻~牛牯嶺之旅(11)
cover-youtube
06-11-2011 大刀屻
cover-youtube
06-11-2011 北大刀屻


【 箕勒仔 北大刀屻 大刀屻 社山 】
路線地圖



最新山車遊記

返回頁頂
Back to Top

searchbtn
首頁 路線搜尋器 路線地圖 全港山峰 登入 免責聲明