notification icon

最低氣溫16°C 最高氣溫21°C 風勢北風4至5級,離岸間中6級。
預測Icon 大致多雲。早晚天氣清涼。下午部分時間有陽光及乾燥。

總瀏覽量

00628

沙羅洞 黃嶺 七木橋加入我的最愛

2021-02-15
路線地圖
景觀: view
體力: difficult
難度: lv
路線︰ 大埔➡沙羅洞➡平山仔➡黃嶺➡七木橋➡烏郊滕➡大美督➡小白鷺➡大圍
全長: 50公里 需時: 5小時
攀升:970米  下降:974米  最高:608米  最低:0米<br>海拔高度值只供參考 會因氣壓測量而有誤差
  攀升:970米 下降:974米
  最高:608米 最低:0米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 970 (50%)
下降 974米 (50%)
曝曬:
 
60%
A A A
A A A

沙羅洞 又寫作沙螺洞,是位於香港新界大埔區的一個盆地,佔地超過80公頃。整個盆地被八仙嶺郊野公園環抱,原有三條傳統村落,分別是張屋、李屋和老圍。沙羅洞是香港唯一的淡水濕地,擁有良好的自然環境。香港接近六成半的蜻蜓品種(截至2008年末有72種,全港115種),以及三成半蝴蝶物種,故被列為具特殊科學價值地點。

乾隆年間,沙螺洞村李姓開基始祖為子禎公之長子第十六卋維仁公,妣為張氏育有三子,長學賢,次學泰三學群。

很久以前,沙螺洞的村民大多以種水稻維生,大片稻田包圍各個村莊。大約在1983年,發展商開始向村民購地,後來遭受到環保團體極力反對並不獲香港環境保護署通過,未能發展高爾夫球場及低密度住宅區。因此沙羅洞得以維持原貌。

 

黃嶺 是香港一座海拔639米的山峰,為香港新界東北部的最高點。黃嶺處於新界大埔區的北部,其附近範圍被劃入八仙嶺郊野公園之內。

 

橫七古道 係上世紀六十年代,八仙嶺橫山頭東北山腰處的四條古村通道 - 橫山腳上村、橫山腳下村及七木橋上村、七木橋下村,村民於上世紀六十年代已遷出,明顯的泥土小徑或石磴古道完整易行,兩旁林木茂盛,榕樹、樟樹、竹樹守護著廢村。

 

沙羅洞 黃嶺 七木橋 64
沙羅洞 黃嶺 七木橋 1

親住冬天仲凍凍地,就一定要玩下D長途同辛苦路線,如果唔係以香港天氣黎講有超過9個月都唔適合去依D路線, 因為要行都會攰,更加唔洗諗都知要拎埋架三十磅單車上山有幾唔好受,當然好多高手/體能好都可以夏天玩到,但咁辛苦...又何必呢!! 今次要去想去好耐一直唔夠料同唔夠膽跟人去gee 黃嶺,因為黃嶺都幾高下,要上去要抬車起碼45分鐘或以上。所以要準備充足加上好天氣去玩。 正常依條路線同行山友玩gee 九、八、七、六差唔多, 即係九龍坑山、八仙嶺、七木橋 + 鹿頸。 我地就偷小小雞唔上九龍坑山,改係沙羅洞經平山仔上去。話晒第一次處男作驚力有不逮。 一早約左華哥係大埔八號花園食個早餐先。食飽飽就出發去鳳園,係果度上沙羅洞。

沙羅洞 黃嶺 七木橋 13
沙羅洞 黃嶺 七木橋 14

上沙羅洞路都係馬路黎,一直慢慢爬坡,天氣清涼所以都好快就上到去。一直踩到去分岔口,左手邊係去鶴藪水塘,右手就係去平山仔,兩邊其實最後都可以殊途同歸。 不過我就覺得平山仔路較易踩,新手可以踩依邊,而今次因為係上黃嶺,所以揀依邊係會近D。 整段山路8、9成都踩到,一路踩直到去到上黃嶺路口黎個大休。因為要準備抬車上幾百米,唔講得笑。係路口同一批友善山友一齊影相,真好似去左旅行咁,同平日返工冷漠港人成強烈對比。 都休左越過15分鐘,要開始上路啦。依段上斜路真係好長同幾辛苦,雖然天氣算涼但係抬住架車上唔知幾多千百級都搞到汗流浹背。 由底抬到屏風山爬升近三百米高,比起之後抬GEE山路都要甘,中途停左越過3、4次先上到去。上到平位樹底大休一下先再上路。 由E度開始路況變緩,可以踩到車啦,感動!!依段路最主係大石同碎石路為主,中途都有D技術位,唔得就推車。 一路踩好快就去到一個路口位,左手邊係落返去南山/白燕岩,而右手邊就係可以上屏風山,眼看左手邊條路好靚,忍唔住向果邊踩左一大段,係好好玩同好靚。

沙羅洞 黃嶺 七木橋 26
沙羅洞 黃嶺 七木橋 27

今次冇上到屏風山山頂,因為都怕冇力。所以就直行去黃嶺進發。由岔口去黃嶺前段都係平緩路可以踩到,但中後段又要開始上坡啦,由480米高要去到639 米gee黃嶺。中途景觀超美,所以都忍唔住成日停低係咁影相。 因為能見度都幾高下,可以望到內地添。上網睇好多車友都係去到黃嶺gee 木牌而冇推埋上去,今次第一次黎就老連都要去埋,真係好彩有上埋去,上邊除左有標高柱外,景色仲靚到核爆。 搵左幾個好靚打卡位叫埋華哥上黎一齊影,excellently~仲見到一批山友由觀音即係慈山寺上黎。都影左好耐下,係時候落返山。

沙羅洞 黃嶺 七木橋 39
沙羅洞 黃嶺 七木橋 40

好玩路段由始起,好快就落到一個分岔口,左手就係落返七木橋,而右手邊就係繼續衛徑去八仙嶺八個山峰,上網就只會十成十見到大家都係依度落七木橋,唔會再去八仙嶺。 因為要去八仙嶺果八個山嶺要上上落落,而且好多都踩唔到。所以99%都係會係依個路口落山,享受推架車辛苦咁耐落山gee樂趣。 落山路段都算好靚,主要係大岩石同少量碎石為主,但係就都幾激下。要揀岩路落同要夠定先可以落到,依段路好正,不過我都落左幾次腳,同埋落到手軟呀。 最後好快就落到橫七古道約250米高,即係咁就落左三百幾米高。真係上就個幾兩個鐘,落就十幾廿分鐘,辛苦抬黎自在落...呵呵!

沙羅洞 黃嶺 七木橋 52
沙羅洞 黃嶺 七木橋 53

安全落山十分好~~過左激烈路段後係路口休息下打下咭,又再出發,今次會直接落八仙嶺自然教育徑去新娘潭路,這段路其實都唔弱,只不過係玩完黃嶺落山後就變得冇感!! 好快就落到去新娘潭路,E個時候已經好餓啦。沿住新娘潭路出返大美督開飯。咁就完美完成今日黃嶺旅程,同華哥話別後就自己踩返屋企,見仲有少少時間,就決定去一去番新左gee小白鷺一轉。 咁耐冇去都仲認到路,都幾多車友去打咭,我都唔例外,影返幾張相先走人。又一個開心愉快出車日 : )

相關影片(Related Video)

cover-youtube
2020 Epic Ride - Pat Sin Leng Hike-a-bike | Mountain Biking Hong Kong 沙螺洞 黃嶺 八仙嶺
cover-youtube
2016年4月21日 黃嶺
cover-youtube
沙螺洞 黄嶺 八仙嶺 七木橋 mountain bike


【 沙羅洞 黃嶺 七木橋 】
路線地圖


Back to Top

searchbtn
首頁 路線搜尋器 路線地圖 全港山峰 登入 免責聲明