notification icon

最低氣溫23°C 最高氣溫29°C 風勢微風2級。
預測Icon 大致多雲,有幾陣驟雨。日間短暫時間有陽光。晚上沿岸有薄霧。

總瀏覽量

01127

南山(鑽石山)斧山

2021-01-27
路線地圖
景觀: view
體力: difficult
難度: lv
路線︰ 大圍➡觀坪路➡札山道➡南山➡斧山➡鑽石山
全長: 15公里 需時: 1¾小時
攀升:629米  下降:607米  最高:473米  最低:0米<br>海拔高度值只供參考 會因氣壓測量而有誤差
  攀升:629米 下降:607米
  最高:473米 最低:0米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 629 (50%)
下降 607米 (50%)
曝曬:
 
60%
A A A
A A A

斧山(英語:Hammer Hill)是香港的一個山丘,位於九龍東部牛池灣以北,海拔140米。斧山土名坪頂,西麓曾有坪頂鄉,為「九龍十三鄉」之一。據傳約1905年時,殖民地政府繪製界限街以北地區的地圖時,發現這座山像一把錘子,故以Hammer Hill定名,其後轉譯中文地名時,錯譯為斧山。二次大戰後,官方在訂正地圖上的英文中譯地名時,發現這長久的錯誤,為解決這個問題,只好在英文地名Hammer Hill旁加上Fu Shan的音譯。

斧山之上有多條石級小徑,連接瓊麗苑、彩雲邨、曉暉花園、牛池灣配水庫、扎山道和牛池灣公園,是街坊的晨運地點。

 

南山尾Nam Shan Mei),是香港九龍東黃大仙區東北的一個山坡地方,位於象山以西,上元嶺東北,慈雲山 (住宅區)以東南,斧山以北,範圍包括現時鑽石山火葬場和金塔墳場。此地現時大多被市民視作為慈雲山的一部分。

南山尾屬山區,但不屬於馬鞍山郊野公園的範圍,建築只有鑽石山金塔墳場和鑽石山火葬場。

每逢清明重陽,由於南山尾有鑽石山金塔墳場,故此地人流較多,警方會在對出的蒲崗村道實施人潮管制。


1894年,香港發生鼠疫,當時仍屬華界的九龍城亦受到波及,死者頗眾。九龍城的慈善機構樂善堂負責將疫症死者收殮,葬於南山尾,並逐漸形成一個墳場。

英政府租借新界後,將其擴充成一個公共墳場,二次大戰後增設火葬設施。但近年因應市區發展,墳場大部分骨殖已他遷。

 

鑽石山 並沒有任何真正的鑽石礦,與英文譯稱 Diamond Hill 不符合,後者只是吸引外來遊客的委婉詞,而地鐵站的命名令此名稱更廣泛使用。

至於鑽石山得名的原因,坊間有多個解釋。現在最多人接受的說法,是因為中文名稱中的「鑽」字是個動詞,只是把岩石鑽開的意思,而鑽石山本有一個石礦場,開採了數十年,也因此使這座本來無名的小山得名。

另有解釋指因為鑽石山附近的石礦場所出產的石塊礦晶較閃亮,或者鑽石山山峰的形狀像鑽石一樣。

由於興建東隧時大量開採石材,此山已被完全剷平。現時石礦場原址早已分兩階段關閉,早於1982年關閉的部分已發展為鳳德邨,而於1990年代初關閉、未完全開採部分成為慈雲山學校區。其底層為大老山隧道入口處。

南山(鑽石山)斧山 47
南山(鑽石山)斧山 1

得2個鐘左右踩車,可以踩到gee路線唔多,睇下地圖附近仲有咩山可以去踩下,最後發現係札山道gee南山同斧山都可以去下喎。 啦啦聲換衫就出發,先踩去小瀝源恒生大學,係恒生大學旁有路踩上去就去到大老山隧道口,再繼續上斜就會去到觀坪路,觀坪路都踩過幾十次。 當年剛剛開始踩車,即係未入山時,觀坪真係好似一道牆咁,一黎齒比冇依家山地車咁好,二黎肌肉冇咁發達,所以踩親都停N腳,自從轉左踩山同用左32t x 50t 後再上觀坪就變得輕鬆好多,一開始時都要分2-3腳,多數係水位同飛鵝山花園各停一次。入得山多家下就間中可以一腳上到觀坪路路牌,甚至好狀態可以一腳上到札山道五個車位。 不過當然係好慢咁踩啦。

南山(鑽石山)斧山 10
南山(鑽石山)斧山 11

今日天氣極佳,氣溫適宜,係踩車極好日子。所以一腳上到觀坪路路牌,第二腳就去到札山道五個車位啦。係札山道涼停小休後就落札山道,好快就落到去271米高的南山標高柱,個標高柱係札山道右手邊。 落山時唔好落咁快留意下就無問題,同標高柱影左幾張相就繼續出發。落多少少係右手邊見到個涼亭停低,有個路牌寫住彩輝邨/牛池灣公園同斧山,我就係要去斧山啦。

南山(鑽石山)斧山 20
南山(鑽石山)斧山 21

依個時候就轉入山路,係一條好工整gee梯級黎,坡度好緩可以好輕鬆咁慢慢落,兩旁都有好多樹木,所以好陰涼。落左大約一百米高到咁上下就會見到平路,路況就係鋪得好好gee石拼小徑。 一直去到分岔口,有好多唔同出口,右手邊係去豐盛街,左手邊係去返牛池灣公園,我就繼續直行向牛池灣食水配水庫去斧山。

南山(鑽石山)斧山 29
南山(鑽石山)斧山 30

踩多幾分鐘同上少少梯級就到左斧山啦,斧山高140米,正確位置係距牛池灣食水配水庫上156米上岩石,好快就見到舊石,石旁有搭建的梯級,依個就係斧山山頂。 係石頂同下面都影相留念。之後就跟住路牌落山,係中途見到山友,同佢傾開計原來有個好靚秘景,位置係落梯後轉左,跟住會見到一個好窄gee路,剛好夠一個人過, 但原來左手邊都過到去,可以推埋單車入去打咭。

南山(鑽石山)斧山 38
南山(鑽石山)斧山 39

入邊會見到一舊越巨型大石,做出一個露出來的頂,十分有氣勢,係入邊影左好多相就走。落山路都係梯級為主,但去到尾段路就好窄要推車,最後去到東九龍分科診療所出口。 踩去鑽石山站搭最近期開通屯馬線回家。一條簡單輕鬆on road 路線,四周逛逛探索一下也很有趣!!!

相關影片(Related Video)

cover-youtube
觀坪路 - 沙田出九龍


【 南山(鑽石山)斧山 】
路線地圖



【 南山(鑽石山)斧山 】
路線GPX下載


Back to Top

searchbtn
首頁 路線搜尋器 路線地圖 全港山峰 登入 免責聲明
PlayStore MSStore