19°C
23°C
東北風3至4級，後轉東風5級。
短暫時間有陽光。早晚有一兩陣微雨。
| 景觀： |  |
||
| 體力： |  |
||
| 難度： |  |
||
| 路線︰ | 大圍➡烏溪沙➡西沙路➡雞公山➡雷打石➡畫眉山➡樟上郊遊徑➡北潭凹➡西沙路➡烏溪沙 | ||
| 全長： | 50公里 | 需時： | 4¾小時 |
|
||
| 攀升：1185米 | 下降：1189米 | |
| 最高：399米 | 最低：0米 | |
雞公山（英語：Kai Kung Shan）是香港的一座山峰，位於石屋山西南，企嶺下老圍東北，是香港新界西貢區的一座山，屬於西貢西郊野公園的範圍內。山峰海拔399米高。
雷打石（英語：Lui Ta Shek）位於香港西貢區西貢西郊野公園內，高度為海拔379米，鄰近大網仔。雷打石名字源於山頂附近的一頭巨石。
畫眉山（英語：Wa Mei Shan），又稱「花苗山」，是一個位於香港東北面、座落於西貢半島的山峰，行政劃分上屬大埔區。附近地方則納入西貢西郊野公園。畫眉山高391米，為西貢半島較高的山峰之一。麥理浩徑第三段途徑此山東南面山腳處，但無任何通往該山的道路連接。
嶂上（英語：Cheung Sheung）是香港新界大埔區的一個高原，位於西貢半島西貢北，石屋山、岩頭山和畫眉山之間。平均海拔高三百米。嶂上四周被西貢西郊野公園所包圍，為多個郊遊路徑所途經，包括麥理浩徑第三段、榕北走廊、嶂上郊遊徑，以及一些未命名的小徑，路徑四通八達。高原上有嶂上許林士多和漁農自然護理署的嶂上營地，有燒烤爐、檯、櫈和旱廁，因此每逢假期及遠足季節，都會十分熱鬧。嶂上村為西貢北約鄉事委員會屬下的鄉村，現時並無人定居，但有一家士多。
「嶂」字粵音讀作「障」。「嶂」字是客家話的詞語，形容高險像屏障的山，應讀陰去聲，例句有層巒疊嶂。但因為此字罕用，所以衍生出很多錯誤讀音，例如有邊讀邊的「章」。
嶂上是罕見位於高原的濕地，以「嶂」為名，其實是取「障」之義，意指被層巒疊嶂的高山圍繞，形成嶂上獨特的高原濕地美景。位於西貢西郊野公園的嶂上郊遊徑，由海下路緩緩上山，沿途不但可見西貢第一高山石屋山、高原濕地嶂上，回程時向西眺望更可以一覽企嶺下海全景。嶂上村內有破舊石屋、廢棄天文量雨外站及一所鄉村學校，在日治時期曾經作為抗日游擊隊的基地，校舍雖已荒廢，卻承載著港人不能忘記的一段歷史。而有「天梯」之稱的石級，則在坳門之上，經過這道陡斜又漫長的天梯，即可下達榕樹澳村，完成這趟嶂上之旅。當然，要逆入嶂上亦無不可，但要向上行逆走這道「天梯」，大家一定要做好體能及心理準備。
嶂上郊遊徑 在西貢西郊野公園，起點位於猴塘溪附近的海下路。郊遊徑的初段較多石級，但斜度適中，可緩步拾級而上，欣賞沿途的美景，遠觀草被地為主的石屋山。開始進入黃竹塱，開揚的山路亦漸漸變得遮蔽，植林和天然林木交錯。此段路至嶂上都是平緩山徑，行者盡可在沿途看花尋鳥，細賞生態特色，過黃竹塱後便可輕易到達香港的著名高原濕地 — 嶂上。
離開嶂上，向西望可遠眺企嶺下海的全景，以及背靠著的馬鞍山。由這裡下走有天梯之稱的陡斜石級小徑，漫漫會便潛進了谷中的樹林，在小徑的兩旁都長滿了牙香樹，你不難發現很多的樹幹有被人為的破壞，因為早前這裡曾被人非法砍伐，十分可惜。最後返抵榕樹澳，可沿引水道步行約一小時往水浪窩乘車返回市區。
今日農曆年初五，唔洗拜年，食得野多又冇乜點運動，起身單拖決定去轉西貢周圍貢。 入西貢多數都冇乜補給，出發先去大圍食個沙牛麵早餐先。之後就慢慢踩去烏溪沙，再沿沙西路踩，一路上都未諗到去邊好。 直到去到西沙最高公廁位，就決定不如上一轉雞公山，之前次次都係落黃毛應，路況係點都唔係好記得，因為以前都係行山去，同多數由赤徑順走。 係公廁小休左一陣就出發，依段路以梯級為主，不停上山，一直推抬上到去往黃毛應分岔口，大約300米高，之後就黎個大休。 好彩今日天氣夠涼，如果係夏天都唔知要抖幾多次先上到黎。睇下地圖同大休過後，就繼續向雞公山進發，上多100米高就到山頂，都唔係好難上，路況都係岩石同泥路為主。 上到雞公山頂，梗係影相打卡。山頂位唔算開揚因為有好多樹遮左個景觀，有山友幫我幫相後就繼續出發。
由雞公山向雷打石落山方向踩，落山路好好玩，睇落去都幾斜同好似好激咁但其實好咬地，加上路闊，加強左落去信心同膽量。 由399米高頂一路落到大約160米高，中途去到麥徑M062位置左右，有個分岔口， 可以向左走去榕北走廊，聽講係好好玩gee路，好多都踩到，向右就可以落返石坑出仁義路，如果冇力兩條路都可撤退。 我就繼續向麥徑方向走去雷打石，這個位置開始要上斜，大約上返200米高左右去雷打石，路係石梯為主但都好闊，慢慢推車上去直到見到一個平緩山路。
這個位置大約260米高會見到右手邊係上雷打石gee路，而雷打石就係379米，即係要抬車上多一百米，諗左陣都係決定上去睇一睇，因為心諗下次唔知幾時再黎。 抬呀抬，依段路唔講得笑，越抬越密林，加上斜度都幾吃力下，幸好天氣一流。中途停左兩次休息先上到雷打石頂，原來雷打石頂都有標高柱，我都係第一次上黎， 係上邊係咁打卡，同大休，好多山友都好奇點上黎....哈哈，影完標高柱，就落去同地標雷打石影相，又係有好多山友幫手影，同借車影，十分和諧!!
雷打石頂其實有幾條路可走，分別係回頭路回麥徑、雷打石直落路回麥徑、往太墩路徑，係山頂就咁睇應該去太墩路係最可以踩得多，另外兩條都係只可推返落去。 因為想去埋畫眉山，所以就決定回頭路落返麥徑，落返麥徑之後，就繼續上路，竟然有得一路落斜，落左60米高去到榕北走廊岔口，依個分岔口就係榕北走廊，向左轉就去返榕樹澳， 向右轉就去北潭涌。見到路況咁正，真係好少少心動想踩落去是但一邊。不過目標清晰係要去畫眉山，所以就繼續直走，由依個岔口200米高上畫眉山391米高仲有近200米高要上。 唔心急慢慢上，條路好靚風景亦好美，中途仲有山友主動幫忙影相，心情一流，雖然係上斜但完全係享受中。上到去麥徑M058就會見到有個上山路口，依條路就係上去畫眉山頂。 見上多60米就去到頂梗係去埋啦，一路上一路影相，點知去到接近山頂，大獲~~~~我部手機跌鬼左呀......OMG!!放低架車擺埋一邊，一個人慢慢行返轉頭慢慢搵，好好彩行回頭百幾米左右搵得返部手機。 應該係頭先上舊大石冼左出黎，執得返真係好感恩。執返繼續上去畫眉山頂，畫眉山頂係冇標高柱，但係景觀好靚，係山頂仲有另一個大隻仔赤身一人行山，係上邊享受下涼風同大休。
大休過後就落山，沿本想沿路落，但見到地圖發現有另一山路可快落嶂上較為順路，就揀左依條路，條路都幾密林同斜下，其實用GEE時間我估比回頭路還要多。 終於落返接麥徑山路，由依個位開始就係開心路段，因為可以踩到唔洗再抬車啦，先去嶂上士多食個豆花同飲支豆漿補充補充。 原本想去埋岩頭山同牛耳石山山頂，但真係冇乜力同要爽下關係，所以決定踩嶂上郊遊徑落山。依條落山路全程可踩同好順，為今日行程劃上完美句號。 出返海下路，就慢慢踩返出北潭涌再沿西沙路返歸，成身散晒yeah。今日到訪gee 山頭好多都未去過，滿滿新鮮感。
Relive Video
