notification icon

最低氣溫16°C 最高氣溫21°C 風勢北風4至5級,離岸間中6級。
預測Icon 大致多雲,下午部分時間有陽光及乾燥。晚上天氣清涼。

總瀏覽量

00821

鷹巢山 尖山 琵琶山加入我的最愛

2020-12-15
路線地圖
景觀: view
體力: difficult
難度: lv
路線︰ 大圍➡徑口路➡鷹巢山➡尖山➡琵琶山➡油站出口➡大圍
全長: 17公里 需時: 2小時
攀升:639米  下降:642米  最高:312米  最低:0米<br>海拔高度值只供參考 會因氣壓測量而有誤差
  攀升:639米 下降:642米
  最高:312米 最低:0米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 639 (50%)
下降 642米 (50%)
曝曬:
 
60%
A A A
A A A

尖山(英語:Eagle's Nest),又譯鷹巢山,是香港一座山峰,為九龍群山之一,位於九龍長沙灣以北,海拔312米。在香港行政區劃上,山峰橫跨沙田區及深水埗區。尖山為獅子山郊野公園的一部分,東北有畢架山,東南則有鴉巢山,西面還有琵琶山,南面山腰為蘇屋邨。

尖山北面底下被香港8號幹線的尖山隧道穿越。尖山南麓設有鷹巢山自然教育徑,北面則有麥理浩徑第五段。

鷹巢山命名原因:有意見認為鷹巢山上不時有麻鷹群聚集,因此而得名。

 

琵琶山(英語:Piper's Hill)是香港一座山峰,為九龍群山之一。位於九龍長沙灣以北,海拔僅223米。在香港行政區劃,山峰橫跨沙田區及深水埗區。琵琶山的東面為尖山,西面則為蝴蝶谷。

琵琶山的山頂設有直升機場,由琵琶山路連接大埔公路琵琶山段。琵琶山西南則是大埔公路琵琶山段與大埔道的交界處,並為郝德傑道豪宅區。

      

鷹巢山 尖山 琵琶山 55
鷹巢山 尖山 琵琶山 1

去鷹巢山都去過好多次下,但次次都唔會上頂,今次出車不如就去攻埋個頂佢,咁岩見琵琶山都會路經就試下去埋。 出發先踩去顯徑,係徑口路踩上去,要好小心只好踩行人路因為係單程落山路,千祈唔好諗住係馬路踩上,因為落斜好急,D車係收唔切架。 以前踩徑口路都唔可以一腳,但踩多左山同換左車就冇問題啦,踩親都要爆爆地,同上到徑口路頂都會心跳加速,不過每次都覺得比上次輕鬆,證明條斜係練到野!! 一路去到入鷹巢山入口,見到有魚只好踩下再等,落到郝德傑道後踩返上去,時間差唔多係時候可以入返山啦。

鷹巢山 尖山 琵琶山 11
鷹巢山 尖山 琵琶山 12

鷹巢山路以泥路為主,途中會有D技術石位,比起環塘難點,路緩可玩度高,但係遊人行山人仕跑山人土較多,所以唔可以車速快,要讓山友同跑友,安全第一同山野共融。 慢慢踩中途會見到一個涼停可以係度上山頂,但今次唔會係度上,因為路程會較長。繼續上路去到連接畢架山的涼亭大休。 再出發,在分岔路揀九龍水塘方向走,行大約50米左右,右手邊有條隱密山路就係上尖山山頂。 沿途有好多絲帶,推上大約50多米高就可以上到尖山山頂,山頂有個已斷的標高柱。

鷹巢山 尖山 琵琶山 22
鷹巢山 尖山 琵琶山 23

係尖山頂冇開揚景觀,只有已斷的標高柱,打咭後就落山,落山頭段都可以踩到部份,但路越來越斜就落唔到要落車推,但有部份係密林路。 去到尾段又變緩,又可以踩到啦!!原來出口係平時常見的木柱位,有樓梯連接返石屎路。 今次就會由石屎路上琵琶山,好快就去到琵琶山山頂,中途都停下來打咭影返尖山,琵琶山山頂只有一個機停坪,風景都好開揚。

鷹巢山 尖山 琵琶山 33
鷹巢山 尖山 琵琶山 34

係山頂影左陣相,就去探探旁邊高地食水配水庫及海水缸,竟然有個外藉食蕉係度,不過佢好似冇理我。點知.....之後你就知~~ 係配水庫後邊有條山路,好過好似好斜,所以冇揀係度落。最後沿琵琶山路落山。 落到路口......竟然...OMG~~有幾條魚係度~~典算!!

鷹巢山 尖山 琵琶山 44
鷹巢山 尖山 琵琶山 45

拿拿聲係旁邊樓梯落返山路,成功入山,最後揀係油站出口離開,不過要爬返坡上返大埔公路。最後懷疑係咪食蕉通知下邊GEE人.... Anyway...冇事離開安全去左兩個山頂~~幾時先可以真正人車共融!!!可能要等教育水平、人民質素再高及有更多更好設施才行吧!!

相關影片(Related Video)

cover-youtube
鷹巢山 - 盡數技術位
cover-youtube
徑口路


【 鷹巢山 尖山 琵琶山 】
路線地圖


Back to Top

searchbtn
首頁 路線搜尋器 路線地圖 全港山峰 登入 免責聲明