notification icon

最低氣溫16°C 最高氣溫21°C 風勢北風4至5級,離岸間中6級。
預測Icon 大致多雲,下午部分時間有陽光及乾燥。晚上天氣清涼。

總瀏覽量

00496

河背 牛徑加入我的最愛

2020-12-14
路線地圖
景觀: view
體力: difficult
難度: lv
路線︰ 大帽山巴士站➡河背➡牛徑➡牛徑村➡錦上路
全長: 9公里 需時: 1小時
攀升:131米  下降:680米  最高:508米  最低:1米<br>海拔高度值只供參考 會因氣壓測量而有誤差
  攀升:131米 下降:680米
  最高:508米 最低:1米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 131 (10%)
下降 680米 (90%)
曝曬:
 
60%
A A A
A A A

牛徑村(英語:Ngau Keng Tsuen)位於新界元朗區八鄉的一個鄉村地區,屬原居民村落,居民主要為李氏與鄭氏之圍頭人。具有悠久的歷史,早於香港開埠以前已有原居民在此居住。

「合山圍牛徑村五年一屆太平清醮」(最近一屆在2017年舉行)每五年舉辨一次均為三日四夜,村民傾力籌備,僑居海外的村民亦會回鄉參與,打醮期間均需進行齋戒,祈求百業茂盛,降福迎祥,風調雨順,國泰民安。

 

河背 牛徑 31
河背 牛徑 1

上午玩完春花落、三支香,食緊飯時大家講起,都覺得好似冇乜點踩過車,諗下下半場去邊好。 最後決定不如call van 上大山玩返轉純踩路線爽下,見最近好多車友都玩牛徑,好似好正好好玩咁,就試下。 之前都成日上網睇片見師兄踩牛徑GEE路,其中有D路段都幾斜,今次可以試試。

河背 牛徑 7
河背 牛徑 8

搭VAN上到大山巴士站,著好PAD就出發。先向河背體驗徑入口進發,一如以往要上試練之石,依家大機過到啦。 去到分岔口齊人就繼續落河背,同朝早路線係兩種唔同體驗,上午係郊遊睇景點。依家就順落山,有速度感,真係好玩!! 一路落到英國仔,英國仔由來我都仲未知點解!!??上網搵過都搵唔到,真係要有返一定山車年齡先可能知道~ 不過依個分岔口就去不同地方,右邊方向就係甲龍林徑,右前方就係上轆牛嶺,而左邊就可以上返直升機坪,直行就繼續河背越野單車徑。

河背 牛徑 13
河背 牛徑 14

今次要去牛徑,牛徑入口就係河背越野單車徑,過左英國仔前少少右手邊,平時因為車速快可能會留意唔到。 今次過左英國仔,大家都慢慢落望住右手邊,最後留意入口啦。 牛徑平均都斜度都唔少,比起元朗仔、河背斜,但比蜘蛛略緩,整體都好好玩,但新手就唔建議。 開始左唔係好耐就有個考牌位左手髮夾彎,冇膽量去試,但其實有帶PAD同頭盔都好安全,跌都係泥路黎。Calvin好野夠Guts試左,不過差DD,都係未成功。 見到大雄佢地D片入邊個個都輕鬆過到,果然個個都高手,但原來實際見到係斜好多...哈哈~~

河背 牛徑 19
河背 牛徑 20

下次再玩會試下,我諗要煲下先有少少機會成功!!繼續踩中途都路況都係泥路加D碎石為主,牛徑仲有一大特色就係條路夠原始,比起官方路線窄,同兩旁都滿怖植物。 如果落雨後就唔太建議去玩啦,因為睇條路濕度都幾高,好難乾得返。 牛徑大部份路段都係落,有少量上斜位,我都係推車上去多,上網睇片好多師兄都踩到上去,但當然要量力而為。 踩左大約十分鐘左右,接近牛徑中段,會見到左手邊有條落斜路,路左手邊有繩,所以都證明依段路有D斜。 大家都有踩落去呀,仲有拍片,但條路真係幾斜下,仲幾粉。華哥係我前邊,踩到沙塵滾滾,我食住塵咁慢慢落,落依D斜以前唔識,依家知道主要係用頭brake,身體就要向後,PATPAT就貼近尾軚, 咁會比較安全。尾brake 就用2成左右,因為用得多會冼軚,依個係慢落方法。快落就唔識未夠班去試。 落緊果陣都幾緊張,中途有2-3個樹根位,快加速,好少踩D咁斜路所以未適應。 落完條斜就係電塔,電塔後路冇之前咁斜,要上一小段。之後繼續,今次路右手邊有繩,都係慢慢落。 落完要推一段仔路上斜,之後繼續都係泥路好快就去到引水道出口。

河背 牛徑 25
河背 牛徑 26

係引水道出口涼亭大休,大休後就係旁邊gee村路落,這村路主要係石屎同梯級為主,中途我地見到日落,所以影左一段時間。 最後出返牛徑村,去士多飲汔水,飲完我地3個就踩返錦上路,華哥就直接踩返屋企。 爽皮的一天!!

相關影片(Related Video)

cover-youtube
20年10月4日:英國??仔入牛徑開始段
cover-youtube
20年10月4日:中段牛徑落電塔段
cover-youtube
20年10月4日:落牛徑村出口
cover-youtube
Inca DH Tai Mo Shan
cover-youtube
Jesse following me down Inca • 17/12/20 • Hong Kong Mountain Biking
cover-youtube
牛徑20211114


【 河背 牛徑 】
路線地圖


Back to Top

searchbtn
首頁 路線搜尋器 路線地圖 全港山峰 登入 免責聲明